Top Cinema News: சிம்பு படங்கள் ரீ-ரிலீஸ்.. கார்த்தியின் விடியோ.. பிரகாஷ்ராஜ் புகார்.. இன்றைய டாப் சினிமா செய்திகள்

2.வைரலாகும் கார்த்தியின் விழிப்புணர்வு விடியோ

அப்பாவி மக்களை தொடர்பு கொண்டு, அரசு துறையின் அதிகாரி என்றும் தன்னை அறிமுகப்படுத்தி கொண்டு டிஜிட்டல் அரெஸ்ட் செய்வதாக நடத்தப்படும் மோசடியில் சிக்கி ஏராளமான தங்களது பணத்தை இழந்துள்ளனர். இதில் இருந்து விழிப்புடன் இருப்பதை வலியுறுத்தி கார்த்தி நடித்திருக்கும் விடியோ ஒன்று வெளியாகி சமூக வலைத்தளங்களில் வைரலாகி வருகிறது.

3. அவதூறுக்கு எதிராக பிரகாஷ் ராஜ் புகார்

கும்பமேளா நிகழ்வில் நடிகர் பிரகாஷ் ராஜ் புனித நீராடலில் ஈடுபவதுபோல் புகைப்படம் ஒன்று சமூக வலைத்தளங்களில் வைரலாகியுள்ளது. கும்பமேளாவில் தான் புனித நீராடுவது போல் உலா வரும் புகைப்படமும், அதுதொடர்பான செய்தியும் போலியானது என பிரகாஷ் ராஜ் கூறியுள்ளார். இதுதொடர்பாக பிரகாஷ்ராஜ் தனது எக்ஸ் பக்கத்தில் பகிர்ந்த பதிவில், "மதவெறியர்கள் மற்றும் கோழை படையியன் கடைசி முயற்சியாக, அவர்களின் புனித விழாவின் போது கூட பொய் செய்து பரப்புவதாக உள்ளது. என்ன ஒரு அவமானகரமான செயல். ஜோக்கர்களுக்கு எதிராக புகார் அளிக்கப்பட்டுள்ளது. வரும் விளைவுகளை எதிர்கொள்ளுங்கள்" என்று குறிப்பிட்டுள்ளார்.

4.ஆஸ்கருக்கு பரிந்துரைக்கப்பட்ட இந்திய படம் ஓடிடி ரிலீஸ்

7வது அகாடமி விருதுகளில் சிறந்த லைவ் ஆக்‌ஷன் குறும்படத்துக்கான பிரிவில் இந்தியாவில் தயாரான அனுஜா என்ற படம் பரிந்துரை செய்யப்பட்டுள்ளது. இதையடுத்து ரசிகர்கள் மத்தியில் ஆர்வத்தை ஏற்படுத்தியிருக்கும் இந்த குறும்படம் நெட்பிளிக்ஸ் ஓடிடி தளத்தில் பிப்ரவரி 5ஆம் தேதி முதல் ஸ்டிரீமிங் ஆகும் என அறிவிக்கப்பட்டுள்ளது.

5.முடிவுக்கு வந்த பராசக்தி டைட்டில் பிரச்னை

சுதா கொங்காரா இயக்கத்தில் சிவகார்த்திகேயன் 25வது படமாக உருவாகும் படத்துக்கு பராசக்தி என்று தலைப்பு வைக்கப்பட்டுள்ளது. இதையடுத்து இசையமைப்பாளரும், நடிகருமான விஜய் ஆண்டனி நடிக்கும் 25வது படத்துக்கும் 'பராசக்தி' என்று டைட்டில் வைக்கப்பட்டிருந்தது. அதாவது படத்துக்கு, தமிழில் 'சக்தி திருமகன்' என்றும், தெலுங்கில் பராசக்தி என்றும் பெயர் வைக்கப்பட்டிருந்த நிலையில் சர்ச்சை கிளம்பியது.

இதையடுத்து பராசக்தி பட டைட்டில் சர்ச்சைக்கு சிவகார்த்திகேயனின் பட தயாரிப்பாளரான டான் பிக்ஸர்ஸ் நிறுவனர் ஆகாஷ் பாஸ்கரன், பராசக்தி படத்தை தயாரிக்கும் விஜய் ஆண்டனி மற்றும் இந்த படத்தின் இயக்குநர் அருண் பிரபு ஆகியோர் சந்தித்து பேசி இந்த பிரச்னைக்கு முடிவு எடுத்துள்ளனர். அதன்படி விஜய் ஆண்டணி படத்தின் தெலுங்கு பதிப்புக்கு மட்டும் வேறொரு டைட்டிலை வைக்க சுமூகமாக பேசி முடிவு செய்யப்பட்டுள்ளதாக தகவல்கள் வெளியாகியுள்ளன.

6.ரீ-ரிலீசாகும் சிம்புவின் இரண்டு படங்கள்

சிம்பு நடிப்பில் 2004இல் வெளியாகி சூப்பர் ஹிட்டான படம் மன்மதன். அதேபோல் கடந்த 2021இல் வெங்கட் பிரபு இயக்கத்தில் சிம்பு நடிப்பில் வெளியாகி சூப்பர் ஹிட்டாகி அவருக்கு கம்பேக் கொடுத்த படம் மாநாடு. இதையடுத்து சிம்புவின் பிறந்தநாளை முன்னிட்டு இந்த இரு படங்களும் ஜனவரி 31ஆம் தேதி ரீ-ரிலீஸ் ஆகின்றன.

7.தாய்லாந்தில் பிறந்தநாள் கொண்டாடிய ஸ்ருதிஹாசன்

தென்னிந்திய சினிமாக்களில் முன்னணி ஹீரோயினாக இருந்து வரும் ஸ்ருதிஹாசனுக்கு ஜனவரி 29ஆம் தேதி பிறந்தநாள். இதையடுத்து தனது நண்பர்கள் மற்றும் கூலி படத்தின் குழுவினருடன் தாய்லாந்தில் வைத்து பிறந்தநாள் கொண்டாட்டத்தில் ஈடுபட்டுள்ளார். தனது பிறந்தநாள் கொண்டாட்ட புகைப்படங்களை இன்ஸ்டாவில் பகிர்ந்து அவர்,

"ஜனவரி மாதக் குழந்தையாக 2025 ஆண்டை கொண்டாட்டத்துடனும் மகிழ்ச்சியுடனும் தொடங்குகிறேன். அன்புடனும் நல்வாழ்த்துக்களுடனும் என்னைச் சூழ்ந்துள்ள அனைத்து அழகான மக்களுக்கும் நான் மிகவும் நன்றி கூறுகிறேன்.

இந்த ஆண்டு இதுவரை இல்லாத இனிமையான மனிதர்களைக் கொண்ட அற்புதமான கூலி குழுவுடன் கொண்டாடுவது கூடுதல் சிறப்பு" என்று குறிப்பிட்டுள்ளார்

8. சர்வதேச அங்கீகாரம் பெற்ற ரவி வர்மன்

தமிழில் ஆட்டோகிராப், அந்நியன், தசாவதாரம், வேட்டையாடு விளையாடு, பொன்னியின் செல்வன் உள்பட பல்வேறு சூப்பர் ஹிட் படங்களுக்கு ஒளிப்பதிவாளராக பணியாற்றியுள்ளார் ரவி வர்மன். தற்போது லவ் இன்சூரன்ஸ் கம்பெனி படத்துக்கு ஒளிப்பதிவாளராக பணியாற்றி வரும் ரவி வர்மான் அமெரிக்க ஒளிப்பதிவாளர் சங்கத்தில் உறுப்பினராக அங்கீகாரத்தை பெற்றுள்ளார். ஒளிப்பதிவாளர் சந்தோஷ் சிவனுக்கு அடுத்தபடியாக இந்த அங்கீகாரம் பெறும் இரண்டாவது ஒளிப்பதிவாளர் என்ற பெருமையை பெற்றுள்ளார் ரவி வர்மான்.

9. மக்கள் நீதி மய்யம் கட்சியிலிருந்து விலகிய நடிகை

தமிழ் சினிமாவில் குணச்சித்திர கதாபாத்திரங்களில் நடித்து வரும் நடிகையான வினோதினி, கமல்ஹாசனின் மக்கள் நீதி மய்யம் கட்சியில் உறுப்பினராக இருந்தார். இதைத்தொடர்ந்து அவர் கட்சியிலிருந்து விலகுவதாக அறிவித்துள்ளார். இதுதொடர்பாக தனது சமூக வலைத்தளபக்கத்தில் நீண்ட பதிவை பகிர்ந்துள்ளார்.

10.சசிகுமார் படத்துக்கு தடை கோரி புகார்

பிரபல பத்திரிகையாளரும், இயக்குநருமான ராஜுமுருகன் இயக்கத்தில், சசிகுமார் நடித்து வரும் புதிய படம் மை லார்ட். இந்த படத்தின் ஃபஸ்ட் லுக் சமீபத்தில் வெளியாகி வரவேற்பை பெற்றது. இதையடுத்து ஃபஸ்ட் லுக் மட்டும் வெளியாகியிருக்கும் சூழலில் மை லார்ட் படத்தை தடை செய்ய வேண்டும் என கோரிக்கை எழுந்துள்ளது. "மை லார்ட் படத்தின் ஃபஸ்ட் லுக் போஸ்டரில் கதையின் நாயகன், நாயகி ஆகிய இருவரும் சேர்ந்து புகைப்பிடிப்பது போல் காட்டப்பட்டுள்ளது. இந்த போஸ்டர் பெண்களை அவமதிக்கும் விதமாக இருப்பதால் படத்தை வெளியிட தடை விதிக்க வேண்டும்" என சமூக ஆர்வலரான ஆர்டிஐ செல்வம் சென்னை காவல் ஆணையரிடம் புகார் அளித்துள்ளார்.