‘ கேஜிஎஃப் 2 ' பாடல் வெளியீடு - ரசிகர்கள் கொண்டாட்டம்!
நடிகர் யாஷ் நடித்துள்ள ‘ கேஜிஎஃப் 2 ' படத்தில் இடம் பெற்றுள்ள பாடல் வெளியாகி உள்ளது.
கன்னட திரைத்துறையில் 2018 ஆம் ஆண்டு வெளியான திரைப்படம் , ' கேஜிஎஃப் ' . கன்னட மொழியில் வெளியானாலும் இந்த படம் இந்தியா முழுவதும் வெற்றியடைந்தது. பிரசாந்த் நீல் இந்த படத்தை இயக்கினார்.
நடிகர் யாஷ் நாயனாக இந்த படம் மூலம் கன்னட மொழியில் நுழைந்தார். அவருக்கு ஜோடியாக நடிகை ஸ்ரீநிதி ஷெட்டி உள்ளிட்ட பலர் நடித்து இருக்கின்றனர். இந்த படத்தின் முதல் பாகம் வெற்றியடைந்த நிலையில் தொடர்ந்து மிகுந்த எதிர்பார்ப்புகளுக்கு மத்தியில் இரண்டாம் பாகம் உருவாகி உள்ளது. முதல் பாகத்தைத் தயாரித்த ஹோம்பலே பிலிம்ஸ் விஜய் கிரகண்டூர் இந்த இரண்டாம் பாகத்தையும் தயாரித்து உள்ளார்.
' கேஜிஎஃப் ' இரண்டாம் பாகத்தில் நடிகர் யாஷுடன் இணைந்து ரவீனா டண்டன் , சஞ்சய் தத் , பிரகாஷ் ராஜ் , ஸ்ரீநிதி ஷெட்டி ஆகியோர் நடித்து இருக்கின்றனர். இந்த படத்தின் சண்டை காட்சிகள் அனைத்தையும் அன்பறிவு என்ற இரட்டையர்கள் இயக்கி உள்ளனர்.
2018 ஆம் ஆண்டு இந்த படம் வெற்றியடைந்தவுடன் இரண்டாம் பாகம் மீது ரசிகர்கள் மத்தியில் மிகுந்த எதிர்பார்ப்பு எழுந்தது. முதலில் ' கேஜிஎஃப் ' இரண்டாம் பாகம் 2021 ஆம் ஆண்டு 16 ஆம் தேதி வெளியாகும் எனப் படக்குழுவினர் அறிவித்து இருந்தனர். ஆனால் அதற்குள் கொரோனா தொற்று பரவல் காரணமாகப் படத்தின் வெளியீடு ஒத்திவைக்கப்பட்டது.
பின்னர் அடுத்த மாதம் 14 ஆம் தேதி ' கேஜிஎஃப் ' இரண்டாம் பாகம் வெளியாகும் என படக்குழுவினர் அறிவித்து உள்ளனர்.
இந்நிலையில் ' கேஜிஎஃப் 2 ' படத்தில் இடம் பெற்றுள்ள , ' TOOFAN ' என்ற பாடலின் லிரிக்கல் வீடியோ வெளியாகி உள்ளது. தமிழ் , தெலுங்கு , இந்தி மற்றும் கன்னடம் என நான்கு மொழிகளில் பாடல் வெளியாக உள்ளது. இப்பாடல் தற்போது யாஷ் ரசிகர்கள் மத்தியில் செம வைரலாக பரவி வருகின்றனர்.
மேலும் ' கேஜிஎஃப் ' இரண்டாம் பாகம் வெளியாகும் அதே நாளில் , ' லால் சிங் சட்டா ' படமும் வெளியாவதாக இருந்தது. அமீர் கான் படத்தில் நாயகனாக நடித்து இருக்கிறார்.
இதற்கிடையில் படத்தின் வேலைகள் முடியாத காரணத்தினால் , ரிலிஸ் தேதி ஆகஸ்ட் மாதத்துக்குத் தள்ளி வைக்கப்பட்டுள்ளது. அதனால் பெரிய போட்டிகள் மத்தியில் ' கேஜிஎஃப் 2 ' படம் வெளியாக வில்லை என்றும் படத்தின் வசூல் பாதிக்காது என எதிர்பார்க்கப்படுகிறது.
