கோர்த்துவிட்ட தங்கை.. மருதாணி வைத்துவிடும் அன்பு.. ஆனந்தி ரியாக்ஷன் என்ன தெரியுமா? சிங்கப்பெண்ணே இன்றைய எபிசோட்

மகேஷ் ஆனந்தியை காதலிப்பதாகவும், அதற்கு அன்பு உதவ வேண்டும் எனவும் கூறி மகேஷ் வாங்கிய சத்தியத்தால் அன்பு தன் ஆசைகள் எதையும் ஆனந்தியிடம் வெளிக்காட்ட முடியாமல் தவித்து வருகிறார்.

மகேஷின் புடவை

இந்நிலையில் தான், தீபாவளி பண்டிகைக்காக தனது காதலி ஆனந்திக்காக புதிய சேலை ஒன்றை வாங்கித் தருவார். அதை அணிந்து வந்த ஆனந்தியை மகேஷ் பார்த்து ரசித்துக் கொண்டிருப்பார். அதுமட்டுமில்லாமல், ஆனந்தியுடன் தன்னை சேர்த்து போட்டை ஒன்று எடுத்துத் தருமாறு மகேஷ் அன்புவிடம் கேட்பார். அவரும் வேறு வழி இல்லாமல் போட்டோ எடுத்துத் தருவார்.

ஏக்கத்தில் அன்பு

இவை அனைத்தையும் பார்த்துக் கொண்டிருந்த அன்புவிற்கு அவர் மேலே கோபம் வரும். காரணம் ஆனந்தி மேல் வைத்திருக்கும் காதல் ஒருபுறமும், மகேஷிற்கு அளித்த வாக்கு ஒருபுறமும் அவரை நிம்மதி இல்லாமல் தவிக்க விடுகிறது. அந்த சமயத்தில் தான், தன்னைவிட மகேஷால் மட்டுமே ஆனந்திக்கு பிடித்தமானதை தர முடியும். நம்மால், ஆனந்திக்கு வேண்டியதையும், பிடித்தமானதையும் செய்ய முடியாது என மனம் நொந்தும் இருந்தார்.

மகேஷை விட அன்புவை பிடிச்சிருக்கு

அந்த சமயத்தில் , அன்பு ஆனந்திக்காக வாங்கிய புடவையை, அன்புவின் தங்கை ஆனந்தியிடமே கொடுப்பார். அதை வாங்கிக் கொள்ளுமாறும் கூறுவார். அப்போது, புடவை பிடித்திருக்கிறதா என அன்புவின் தங்கை கேட்க, மகேஷ் சார் எடுத்துக் கொடுத்த புடவையை விட எனக்கு இதுதான் பிடித்திருக்கிறது எனக் கூறுவார். இதைக் கேட்ட அன்புவிற்கு சந்சோஷம் தாங்க முடியாமல் இருக்கும்.

மொட்டை மாடியில் நீண்ட நேரம் பேசிக் கொண்டிருக்கும் சமயத்தில், ஆனந்தி, அன்புவின் தங்கைக்கு மருதாணி வைத்துவிடுவார். அதன் பின், ஆனந்திக்கு மருதாணி வைத்துவிடுமாறு அவரது தங்கை வற்புறுத்துவார்.

ஆனந்திக்கு மருதாணி வைத்த அன்பு

அன்பு, இதெல்லாம் வேண்டாம். அமைதியாக இருக்குமாறு கூறுவார். ஆனால், அவரது தங்கையோ, விடாப்பிடியாக இது நம்ம ஆனந்தி நீ மருதாணி வைத்துவிட்டால் எதுவும் சொல்ல மாட்டார்கள் எனக் கூறி இருவரையும் சமாதானப்படுத்துவார். இதனால், ஆனந்தியும் சந்தோஷத்தில் மருதாணி வைக்க தனது கைகளை அன்புவிடம் கொடுத்தார்,

ஆனந்தியின் ஆசை

மேலும், ஆனந்தி, அன்பு, அன்புவின் தங்கை ஆகிய 3 பேரும் இரவு மாடியில் அமர்ந்து பேசிக் கொண்டிருக்கும் போது, தனக்கு உங்கள் குடும்பத்துடன் சேர்ந்து தீபாவளி கொண்டாட வேண்டும் என்ற ஆசை இருப்பதாக தெரிவித்திருப்பார். இதைக்கேட்ட அன்புவின் தங்கை அதற்கான ஏற்பாட்டை செய்வதாக கூறியிருப்பார்.