MGR Marmayogi: முதல் நாயகன்.. காலத்தால் அழிக்க முடியாத மர்மயோகி என்ற காவியம்

நடனக்காரியாக இருக்கக்கூடிய ராணியின் தளபதியாக வீராங்கன் என்பவர் இருந்து வருகிறார். அவர் சீர்திருத்தவாதி கரிகாலனை காதல் செய்து ஏமாற்றுவதற்காக கலாவதி என்ற பெண்ணை அனுப்புகிறார். கரிகாலனை ஏமாற்றுவதற்காக சென்ற கலாவதி அவர் மீது காதல் கொள்கிறார்.

அனைத்து செயல்பாடுகளிலும் கரிகாலனை ஒரு ஆவி வழிநடத்திச் சென்று கொண்டிருக்கிறது. அதன் பின்னர் இறுதிக்கட்டத்தில் கரிகாலனுக்கு உதவி செய்த ஆவி இறந்து போனதாக கூறப்படும் என கண்டறியப்படுகிறது.

அந்த அரசரின் மூத்த மகன் தான் இந்த சீர்திருத்தவாதியாக இருக்கக்கூடிய கரிகாலன், இளைய மகன் தளபதியாக இருக்கக்கூடிய வீராங்கன். கரிகாலனை மயக்க வந்த கலாவதி அரசரின் தளபதியின் மகள். இறுதியாக ராணியாக அமர்ந்திருக்கும் நடன காரியம் சதி வேலைகள் முடிவடைந்து அவர் இறந்து விடுகிறார். அனைவரும் ஒன்று சேர்ந்து விடுகின்றனர்.

இந்த திரைப்படத்தில் எம்ஜிஆரின் கதாபாத்திரத்தை வைத்து அனைத்து கதாபாத்திரங்களும் நகரும். அவர் பேசிய வசனங்கள் அனைத்தும் திரையரங்குகளில் கைத்தட்டல்களை பெற்றன. எம்ஜிஆரை கதாநாயகனாக மக்கள் மத்தியில் பதிய வைத்ததில் இந்த திரைப்படத்திற்கு எப்போதும் முக்கிய இடம் உண்டு.

அப்போதே இந்த திரைப்படத்திற்கு தணிக்கை குழுவால் ஏ சான்றிதழ் வழங்கப்பட்டதாக கூறப்படுகிறது. அந்த அளவிற்கு இந்த திரைப்படத்தில் ஒன்றும் இல்லை என பார்ப்பவர்கள் கூறினாலும், இந்த திரைப்படத்திற்கு ஏ சான்றிதழ் கொடுத்துள்ளனர்.

காரணம் என்னவென்றால் கரிகாலனாக நடித்த எம்ஜிஆரை காண்பதற்காக அவரது அப்பா பேயாக வந்திருப்பார் அதற்காக இந்த திரைப்படத்திற்கு ஏ சான்றிதழ்க கொடுத்துள்ளனர். கடைசியில் அவர் மன்னர் என்பது திரைப்படத்தில் இருந்தாலும், அவர் பேயாக வருவதைப் பொறுத்து இந்த சான்றிதழ் வழங்கி உள்ளனர். இந்த திரைப்படம் தான் தமிழ் மொழியில் முதலில் ஏ சான்றிதழ் வாங்கிய திரைப்படமாக விளங்கி வருகிறது.

இந்த திரைப்படம் இன்றுடன் வெளியாகி 73 ஆண்டுகள் ஆகின்றன. இருப்பினும் சிறப்பான தனித்துவத்தை பெற்ற படைப்புகளுக்கு எப்போதும் அழிவில்லை என்பதற்கு இந்த திரைப்படம் மற்றும் மிகப்பெரிய உதாரணமாகும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9