இது எமனுக்கும் எனக்கும் நடக்குற கத.. தெறிக்க தெறிக்க வெளியான தக் லைஃப் பட ட்ரெயிலர்!

செக்கச் சிவந்த வானம் வாடை

அதிரடி காட்சிகளுடன், கமலின் ரொமான்ஸ் காட்சிகளும் இந்த ட்ரெயிலரின் இடம்பிடித்துள்ளது. படத்தில் வரும் சில காட்சிகள் மணிரத்னம் இயக்கிய செக்கச் சிவந்த வானம் படத்தின் கதையை நினைவூட்டுவதை தவிர்க்க முடியாமல் போகிறது. படம் பல்வேறு பகுதிகளை சுற்றி கட்டமைக்கப்படுகிறது. எடிட்டிங்கும் இசையும் படத்தின் தீவிரத்தை உணர வைக்கும் விதமாக உள்ளது.

மேலும் படிக்க| 'உங்கள ஹீரோவா பாக்கிறேன்.. சித்திரவதை செய்த மாமியார் என சொல்லி வேதனைப்படுத்தாதீங்க' - ரவி மேகன் மாமியார்

தக் லைஃப் படம் ரிலீஸ்

ராஜ் கமல் ஃபிலிம்ஸ் இன்டர்நேஷனல், மெட்ராஸ் டாக்கீஸ் மற்றும் ரெட் ஜெயண்ட் மூவீஸ் பதாகைகளின் கீழ் தயாரிக்கப்பட்ட தக் லைஃப் திரைப்படம் ஜூன் 5 அன்று திரையரங்குகளில் வெளியாகவுள்ளது. தமிழ், தெலுங்கு, ஹிந்தி, மலையாளம் மற்றும் கன்னடம் உட்பட பல மொழிகளில் இந்த படம் ரிலீஸ் ஆகவுள்ளது. கமல் ஹாசன் மற்றும் சிலம்பரசன் இந்த படத்தில் நடித்துள்ளனர். மூத்த திரைப்பட தயாரிப்பாளர் மணிரத்னம் இயக்கியுள்ள இந்த படத்தில் அசோக் செல்வன், திரிஷா மற்றும் அபிராமி முக்கிய கதாபாத்திரங்களில் நடித்துள்ளனர்.

இசை வெளியீட்டு விழா

இந்தியாவுக்கும் பாகிஸ்தானுக்கும் இடையே ராணுவ நடவடிக்கைகள் நடந்து கொண்டிருந்ததால் படக்குழுவினர் இந்த படத்தின் விளம்பர பணிகளை நிறுத்தி வைத்திருந்தனர். இப்போது போர் நிறுத்தம் அமலில் இருப்பதால் படக்குழு விளம்பர பணியை மீண்டும் தொடங்கியுள்ளது. இன்று மாலை 5 மணிக்கு தக் லைஃப் ட்ரெய்லர் ரிலீஸ் ஆகவுள்ளது. மே 24 அன்று சென்னையில் பிரமாண்ட ஆடியோ வெளியீட்டு விழா நடைபெறவுள்ளது.

மேலும் படிக்க| பாலிவுட் படங்களை ரொம்ப பிடிக்கும்.. இந்தியாவில் படம் பண்ண ஆசைப்படும் டாம் குரூஸ்..

தக் லைஃப் கதாபாத்திரங்கள்

ரங்கராய சக்திவேல் நாயக்கர் கதாபாத்திரத்தில் கமல் ஹாசன், நாயக்கர் அவர்களின் மகனாக சிலம்பரசன் மற்றும் ரங்கராயர் சக்திவேல் நாயக்கர் அவர்களின் மனைவியாக அபிராமி நடித்துள்ளனர். மற்றபடி, திரிஷா கிருஷ்ணன், ஐஸ்வர்யா லட்சுமி, அசோக் செல்வன், சானியா மல்ஹோத்ரா, ஜோஜு ஜார்ஜ், நாசர், பங்கஜ் திரிபாதி, சஞ்சனா கிருஷ்ணமூர்த்தி, மகேஷ் மஞ்ச்ரேகர், தனிகெல்ல பரணி, வடிவுக்கரசி, சின்ன ஜெயந்த், வையாபுரி, பகவதி பெருமாள், பாபுராஜ், அலி ஃபசல், ரோஹித் சராஃப், அர்ஜுன் சிதம்பரம், சேத்தன், ராஜஸ்ரீ தேஷ்பாண்டே, ஸ்ரீகாந்த் மேனன் மற்றும் நித்யா ஸ்ரீ ஆகியோர் நடித்துள்ளனர்.

தக் லைஃப் படம்

தக் லைஃப் திரைப்படத்தை நவம்பர் 2022-ல் அதிகாரப்பூர்வமாக "கமல் ஹாசன் 234" என்ற பெயரில் அறிவிக்கப்பட்டது. ஒரு வருடத்திற்குப் பிறகு அதிகாரப்பூர்வ டைட்டில் ரிலீஸ் செய்யப்பட்டது. ஷூட்டிங் கடந்த வருடம் ஜனவரி மாதத்தில் தொடங்கியது. சென்னை, காஞ்சிபுரம், பாண்டிச்சேரி, புது தில்லி மற்றும் வட இந்தியாவின் சில பகுதிகளில் ஷூட்டிங் செய்யப்பட்டுள்ளது. இந்த படத்திற்கு ஏ. ஆர். ரஹ்மான் இசை, ரவி கே. சந்திரன் ஒளிப்பதிவு மற்றும் ஏ. ஸ்ரீகர் பிரசாத் படத்தொகுப்பு செய்துள்ளனர்.