கமல்-மணிரத்னம் கூட்டணியின் 'தக் லைஃப்' படம் எப்படி இருக்கு? ட்விட்டர் விமர்சனங்கள் என்ன சொல்கிறது?

'தக் லைஃப்' ட்விட்டர் விமர்சனம்

இந்தப் படத்தைப் பார்த்த நெட்டிசன்கள், ரசிகர்கள் ட்விட்டர் தளத்தில் 'தக் லைஃப்' படம் குறித்து விமர்சனங்களைப் பதிவிட்டு வருகிறார்கள். இதனால் சமூக வலைத்தளங்களில் 'தக் லைஃப்' ட்விட்டர் விமர்சனங்கள் வைரலாகி வருகின்றன. 'தக் லைஃப்' படம் குறித்து ரசிகர்கள், நெட்டிசன்கள் என்ன சொல்கிறார்கள் என்பதை ட்விட்டர் விமர்சனங்களில் தெரிந்து கொள்வோம்.

கமல்-சிம்பு காட்சிகள் அட்டகாசம்

"ஒரு வார்த்தையில் சொல்ல வேண்டுமானால், படம் மாபெரும் வெற்றி. முதல் பாதியில் கமல்ஹாசன் அசத்தல் நடிப்பு. கமல்ஹாசன், சிம்பு காட்சிகள் அருமை. மிகவும் ஈர்க்கும் வகையில் உள்ளன. இடைவேளை காட்சி அற்புதம். இரண்டாம் பாதியில் சிம்பு தனது நடிப்பால் அசத்தியுள்ளார். கமல், சிம்பு இடையே வரும் ஆக்‌ஷன் காட்சி இந்த தசாப்தத்தின் சிறந்த காட்சியாக இருக்கும். க்ளைமாக்ஸ் அருமை" என்று கூறி 5-க்கு 4.75 ரேட்டிங் கொடுத்துள்ளனர்.

மேலும் படிக்க| இப்போ சொல்லு உன் பேர் என்ன?.. ரத்தம் தெரிக்க தெரிக்க வால்டராக வந்த நிவின் பாலி.. இது பென்ஸ் பட சம்பவம்! வீடியோ உள்ளே

"ஒவ்வொரு காட்சியிலும் சிம்பு தனது நடிப்பால் அசத்தியுள்ளார். சிம்பு நடிக்கவில்லை. அவர் தனது கதாபாத்திரத்தில் உயிர்ப்பித்துள்ளார். இடைவேளை காட்சி கூஸ்பம்ப்ஸ் கொடுக்கும் அளவிற்கு அமைந்துள்ளது" என்று ஒருவர் கூறியுள்ளார்.

மணிரத்னம் மட்டுமே

"'தக் லைஃப்' படத்தின் இரண்டாம் பாதியில் அசுர வேகம். ஒரே நேரத்தில் அனைத்து வகையான உணர்ச்சிகளையும் உணர வைக்கும் ஒரே இயக்குனர் மணிரத்னம் மட்டுமே. மணிரத்னம் உண்மையில் மிகவும் சிறப்பு. 'அஞ்சு வண்ணப் பூவே' பகுதி கண்ணீர் வர வைக்கிறது. சிம்பு எப்போதும் போல அசத்தியுள்ளார். கமல்ஹாசனை ஏன் குரு என்று அழைக்கிறார்கள் என்பதை மீண்டும் நிரூபித்துள்ளார்" என்று மற்றொரு எக்ஸ் பயனர் தெரிவித்துள்ளார்.

நீளமான கதை.. எல்லாம் ஏமாற்றம்

"கமல்ஹாசன்-த்ரிஷா இடையே வரும் காதல் காட்சிகள் மிகவும் மந்தமாக உள்ளன. சிம்பு, அபிராமி நன்றாக நடித்துள்ளனர். பாடல்கள் நன்றாக உள்ளன. டெல்லி நிலப்பரப்பு காட்சிகள் அருமை. பலவீனமான கதை, உணர்ச்சிகள் இல்லை, பெரிய திருப்பங்கள் இல்லை. ஆர்வமூட்டாத நீளமான கதை. ஏமாற்றம். படம், அரசியல், குடும்பம் ஆகியவை தோல்வியடைந்துள்ளன" என்று கூறி 10-க்கு 2 ஸ்டார் ரேட்டிங் கொடுத்துள்ளார் ஒரு பயனர்.

சொதப்பிய செகண்ட் ஆஃப்

இவ்வாறு 'தக் லைஃப்' படம் குறித்து கலவையான விமர்சனங்கள் வெளிவந்துள்ளன. கமல்ஹாசன், சிம்பு நடிப்பு அருமை, திரைப்படத் தயாரிப்பு மிகவும் நன்றாக உள்ளது என்பதுடன், த்ரிஷாவுடன் வரும் காதல் காட்சிகள், இசை ஏமாற்றம் அளித்துள்ளது என்று குறைபாடுகளையும் கூறுகிறார்கள். சில காட்சிகள் மனதை ஈர்க்கும் வகையில் உள்ளது, இரண்டாம் பாதியில் எதிர்பார்த்த அளவிற்கு இல்லை என்று படத்தைப் பார்த்தவர்கள் 'தக் லைஃப்' விமர்சனங்களை வழங்குகிறார்கள்.

மேலும் படிக்க| ஆர்சிபி வெற்றிக் கொண்டாட்ட ஊர்வலம்: கூட்ட நெரிசல் உயிரிழப்பிற்கு கமல்ஹாசன் இரங்கல்!