தக் லைஃப் பாக்ஸ் ஆபிஸ் வசூல்: ஒரு கோடிக்கும் குறைந்த ஒரு நாள் வசூல்.. பரிதாப நிலையில் தக் லைஃப் படக்குழு!

தக் லைஃப் பாக்ஸ் ஆபிஸ் வசூல்

தக் லைஃப் படம் வெளியான 10வது நாளான நேற்று மட்டும் ரூ. 90 லட்சம் வசூலித்ததாக அறிக்கை கூறுகிறது. இது அதற்கு முந்தைய நாள் வசூலைக் காட்டிலும் சற்று ஆறுதல் அளிக்கும் வகையில் இருந்தாலும் படம் இப்போது வரை ரூ. 45.65 கோடியை மட்டுமே எட்டியுள்ளது. இன்னும் ரூ. 50 கோடியை தாண்டவில்லை என்பது பெரும் சோகம் தான். படம் வெளியான முதல் வார இறுதிக்குப் பிறகு படம் எந்த முன்னேற்றத்தையும் காட்டவில்லை என்பதே உண்மை.

மேலும் படிக்க| நிமிடத்திற்கு ரூ.4.35 கோடி! இந்தியாவில் அதிக சம்பளம் வாங்கும் நடிகர் யார் தெரியுமா? ரஜினி, ஷாருக் கான் எல்லாம் தோத்துட்டாங்களே..

ஒரே வாரத்தில் முடிந்த வசூல்

தக் லைஃப் தனது முதல் வார வருமானத்தை ரூ. 44 கோடியாக முடித்தது. தக் லைஃப் படத்தின் மொத்த வசூல் தற்போது ரூ. 44.75 கோடியாக உள்ளது. வெள்ளிக்கிழமை அன்று ஒட்டுமொத்தமாக 15.89% தமிழ் ஆக்கிரமிப்பு இருந்தது. கமலின் முந்தைய வெளியீடான இந்தியன் 2 படத்தை விட தக் லைஃப் குறைவாகவே இருந்தது. இது முதல் வாரத்தில் ₹80 கோடிக்கு மேல் வசூலித்தது குறிப்பிடத்தக்கது.

தக் லைஃப் பற்றி

தக் லைஃப் என்பது துரோகத்திற்குப் பிறகு பழிவாங்கத் துடிக்கும் ஒரு பயங்கரமான மாஃபியா தலைவனின் பல தசாப்த கால கதையைச் சுற்றி வருகிறது. இந்த படத்தில் சிலம்பரசன், த்ரிஷா கிருஷ்ணன், ஐஸ்வர்யா லெக்ஷ்மி, அசோக் செல்வன், அபிராமி, ஜோஜு ஜார்ஜ், நாசர், அலி ஃபசல் மற்றும் ரோஹித் சரஃப் ஆகியோரும் நடித்துள்ளனர்.

மேலும் படிக்க| 'அந்த நடிப்பு எல்லாம் எனக்கு வராது.. தோற்றாலும் அதில் ஒரு வெற்றி இருக்கு..' ஆமிர் கானின் அசத்தல் பேச்சு