நாயகன் ஒப்பீடு.. கர்நாடக தடை.. ஓவர் புரோமோஷன்… வசூலின் தரைமட்டத்தில் தள்ளாடும் தக் லைஃப்!

ஆனால் படம் அந்த எதிர்பார்ப்பை பூர்த்தி செய்யவில்லை. இந்த ஒப்பீடு மட்டுமல்ல, கன்னட மொழி தமிழில் இருந்து தோன்றியது என்று கமல் பேசியது தொடர்பாக கர்நாடகாவில் தக் லைஃப் படத்திற்கு தடை விதிக்கப்பட்டதும் வசூலை பாதித்து இருக்கிறது. படம் வசூல் தொடர்பான விபரங்கள் பல தளங்களில் இருந்து எடுக்கப்பட்டது. அதிகாரப்பூர்வமான தகவல் அல்ல.

இணைந்தது எப்படி இருந்தது?

மணிரத்னத்துடன் மீண்டும் இணைந்தது குறித்து கமல்ஹாசன் படம் வெளியாவதற்கு முன்பு கமல் பேசியதாவது, ‘மணிரத்னம் போன்ற இயக்குநரையும், சுவாரஸ்யமான கதையையும் சேர்க்கும் போது ஒவ்வொரு படமும் சவாலாக இருக்கிறது. அதிர்ஷ்டவசமாக, அவர் கதை தயாரிப்பில் என்னையும் சேர்த்துக் கொண்டார்.

நான் அவருக்கு ஒரு யோசனை கொடுத்தேன். பெரும்பாலான நேரங்களில் நான் காய்கறிகளை வாங்கி அதை மேலும் சுவையாக மாற்ற சில வேலைகளை செய்வேன். அதைத்தான் நான் செய்தேன். இது ஒரு உண்மையான ஒத்துழைப்பு நாங்கள் இருவரும் சினிமாவின் குழந்தைகள், அப்படித்தான் நாங்கள் ஒருவரையொருவர் பார்க்கிறோம்.

தக் லைஃப் படத்தில் கமல் சக்திவேல் என்கிற சக்தியாகவும், சிலம்பரசனாக அவரது வளர்ப்பு மகன் அமரனாகவும் நடித்திருந்தனர். மேலும் இவர்களுடன் அசோக் செல்வன், ஐஸ்வர்யா லட்சுமி, ஜோஜு ஜார்ஜ், அலி ஃபசல், சன்யா மல்ஹோத்ரா, ரோஹித் சரஃப் ஆகியோரும் நடித்திருக்கின்றனர்.