Joe Movie Review: ஜோ படம் எப்படி இருக்கு? - கம்பேக் கொடுத்தாரா ரியோ?
நடிகர் ரியோ ராஜ் நடித்த ஜோ படம் குறித்த கருத்துகள் வரத்துவங்கியுள்ளன.
ரியோ ராஜ் நடித்த ஜோ படத்தின் சிறப்புக்காட்சியினைப் பார்த்த பலரும் பாஸிட்டிவான விமர்சனங்களைப் பகிர்ந்து வருகின்றனர்.
2013ஆம் ஆண்டு விஜய் டிவியின் கனா காணும் காலங்கள் கல்லூரி சாலை என்னும் தொடரில் நடிகராக அறிமுகமாகிய ரியோ ராஜ், அதன்பின், சில ஆண்டுகள் சன் மியூசிக்கில் வீடியோ ஜாக்கியாகப் பணிபுரிந்தார். பின், ரியோ ராஜ், விஜய் டிவியின் சரவணன் மீனாட்சி தொடரின் மூன்றாவது சீசனில் முக்கிய கதாபாத்திரத்தில் நடித்தார்.
அதன்பின் படிப்படியாக பெரிய திரையில் தோன்ற முயற்சித்த ரியோ ராஜ், விக்ரம் பிரபு நடித்த சத்ரியன் படத்தின் ஒரு துணை வேடத்தில் நடித்தார். பின், சிவகார்த்திகேயனின் புரொடக்ஷன் நிறுவனத்தின்பேரில், ’நெஞ்சமுண்டு நேர்மையுண்டு ஓடு ராஜா’ என்ற நகைச்சுவைத் திரைப்படத்தின் மூலம் ஹீரோவாக அறிமுகம் ஆனார். அதனைத் தொடர்ந்து, பிளான் பண்ணி பண்ணனும் என்னும் நகைச்சுவை படத்தில் நடித்தார்.
இந்நிலையில் வெகுநாட்களாக ஒரு ஹிட்டுக்கு காத்திருக்கும் ரியோ ராஜ், இதற்காக ஒன்றரை வருடங்களாக தாடி வளர்த்து வெவ்வேறு பரிமாணங்களுடன் நடித்திருக்கும்படம் தான், ஜோ. இந்நிலையில் இப்படம் இன்று(நவ.24) திரையரங்குகளில் வெளியாகியுள்ளது.
முன்னதாக இத்திரைப்படத்தின் சிறப்புக்காட்சி நவம்பர் 21,22 தேதிகளில் சென்னையில் திரையிடப்பட்டது. இதில் முக்கியப் பிரபலங்கள், சினிமா ஆர்வலர்கள், பத்திரிகையாளர்கள் பலரும் கலந்துகொண்டு திரைப்படத்தைப் பார்த்துவிட்டு படம் குறித்து நெகிழ்ச்சியுடன் பதிவிட்டு வருகின்றனர்.
அதில் சமூக வலைதளவாசி சலூன் கடை சண்முகம் என்பவர் வெளியிட்டுள்ள பதிவில், 'ஜோ ஒரு ஆத்மார்த்தமான காதல் படம்❤️ரியோராஜ் தனது 200% கொடுத்து நடித்துள்ளார்.✨பவ்யா & மாளவிகா ஆகிய இருவரும் அருமையான நடிப்பைக் கொடுத்துள்ளனர்.🤍சித்துவின் பாடல்கள் அருமை. ஜோ ஒரு ஆத்மார்த்தமான படம்!’ எனக்குறிப்பிட்டுள்ளார்.
மேலும், மற்றொரு சமூகவலைதளவாசி, ஜோ என்ன ஒரு படம் என்றும்; இப்படம் பார்ப்பதற்கு மிகவும் தகுதியான படம் எனவும் குறிப்பிட்டுப் பதிவிட்டிருக்கிறார்.
அதேபோல், அஸார் என்பவர் பதிந்த பதிவில் ஜோ நன்றாக எடுக்கப்பட்ட படம் என்றும்; ஜோவினுடைய பயணத்தை வரும் நவம்பர் 24அன்று திரையரங்குகளில் பாருங்கள் என்றும் அதைத்தவறவிட்டுவிடாதீர்கள் என்றும் தெரிவித்துள்ளார்.
முன்னதாக, ஜோ படத்தினை புதுமுக இயக்குநர் ஹரிஹரன் ராம்.எஸ் இயக்கியுள்ளார். படத்திற்கான இசையை, பேச்சிலர் படத்தில் அருமையான பாடல்களைத் தந்த சித்து குமார் மேற்கொண்டுள்ளார். அதேபோல், படத்தினை டாக்டர் அருளானந்த் தயாரிக்க, ஒளிப்பதிவு பணியினை ராகுல் கேஜி.விக்னேஷ் செய்துள்ளார். எடிட்டிங் பணியினை வருண் கே.ஜி. செய்ய, கலை இயக்கத்தை ஏபிஆர் செய்துள்ளார்.
ஒரு இளைஞரின் 17 வயது முதல் நடக்கும் காதல் சம்பவங்களை அடிப்படையாகக் கொண்டு உருவாகிய இப்படத்தின் ட்ரெய்லரும் பாடல்களும் அனைவரையும் ஈர்த்தது. படத்தின் கதாநாயகனாக ரியோவும் கதாநாயகிகளாக மாளவிகா மனோஜ், பவ்யா த்ரிகா ஆகியோரும் நடித்துள்ளனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்