தமிழ் செய்திகள்  /  Entertainment  /  The Story Behind The Song Avanukkenna Featured In The Movie Periya Idaathu Pen

Story of Song : இந்த பாடல் எம்எஸ்விக்காக எழுதியதாம்.. செம ஹிட்.. அவனுக்கென்ன தூங்கிவிட்டான் பாடல் உருவான கதை!

Divya Sekar HT Tamil
Jan 07, 2024 06:30 AM IST

Story of Song : பெரிய இடத்துப் பெண் படத்தில் இடம்பெற்ற அவனுக்கென்ன தூங்கிவிட்டான் பாடல் உருவான கதை குறித்து இதில் காண்போம்.

அவனுக்கென்ன தூங்கிவிட்டான் பாடல் உருவான கதை
அவனுக்கென்ன தூங்கிவிட்டான் பாடல் உருவான கதை

ட்ரெண்டிங் செய்திகள்

சரோஜாதேவி முக்கிய கதாபாத்திரத்தில் நடத்திருப்பார். எம்.ஆர்.ராதா, டி.ஆர்.ராஜகுமாரி உள்ளிட்டோர் நடித்திருப்பார்கள். நூறு நாட்களை கடந்து ஓடிய பிளாக் படர் ஹிட் கொடுத்த திரைப்படமாக பெரிய இடத்துப் பெண் இருந்தது. இந்தப்படத்தில் ஒரு கூடுதல் சிறப்பு என்னவென்றால், படத்தின் அனைத்து பாடல்களையும் டி.எம்.எஸ் மட்டுமே பாடியிருப்பார். அனைத்து பாடல்களையும் எழுதியவர் கண்ணதாசன். இசையமைத்தவர்கள் விஸ்வநாதன் - ராமமூர்த்தி ஆவர்.

படத்தின் அனைத்து பாடல்களுமே ஹிட், இன்று வரை நெஞ்சில் நீங்காமல் குடியிருப்பவை. அன்று வந்ததும் அதே நிலா பாடல் டி.எம்.சௌந்தரராஜன், பி.சுசீலாவின் குரலில் இன்றும் நமது நெஞ்சைவிட்டு நீங்காத பாடலாக உள்ளது. அவனுக்கென்ன தூங்கிவிட்டான் அகப்பட்டவன் நான் அல்லவா? என்ற சோகப்பாடலும் தெறி ஹிட் கொடுத்த பாடல்தான். மற்றுமொரு கொண்டாட்டமான பாடல் கண்ணென்ன கண்ணென்ன கலங்குதா பாடலும் கொண்டாட்டமான மனநிலையில் பாடப்பட்ட நல்ல ஹிட் பாடல் ஆகும்.

அப்படி இந்த படத்தில் இடம்பெற்ற அவனுக்கென்ன தூங்கிவிட்டான் பாடல் உருவான கதை குறித்து இதில் காண்போம்.

"அவனுக்கென்ன

தூங்கிவிட்டான் அகப்பட்டவன்

நான் அல்லவா ஐயிரண்டு

மாதத்திலே கைகளிலே

போட்டு விட்டான்

கைகளிலே போட்டு விட்டான்

இவனுக்கென்று

எதை கொடுத்தான்

எலும்புடனே சதை

கொடுத்தான்

இதயத்தையும்

கொடுத்துவிட்டு இறக்கும்

வரை துடிக்க விட்டான்

இறக்கும் வரை துடிக்க

விட்டான்

அவனுக்கென்ன

தூங்கிவிட்டான் அகப்பட்டவன்

நான் அல்லவா ஐயிரண்டு

மாதத்திலே கைகளிலே

போட்டு விட்டான்"

பெரிய இடத்துப் பெண் திரைப்படத்திற்காக எம் எஸ் விஸ்வநாதனையும் கண்ணதாசனையும் அழைத்து இருந்தார்கள். பொதுவாக அனைத்து படத்திற்கும் தாமதமாக வரும் கண்ணதாசன் அன்றைக்கு வெகு சீக்கிரமாகவே வந்து விட்டார். ஆனால் எம் எஸ் விஸ்வநாதன் வரவில்லை. கண்ணதாசன் நீண்ட நேரமாக காத்திருந்தும் அவர் வரவில்லை.

எனவே அவரின் வீட்டிற்கு அழைத்து ஏன் இன்னும் எம் எஸ் விஸ்வநாதன் படப்பிடிப்பிற்கு வரவில்லை என கேட்க அவரின் குடும்பத்தினர் முதல் நாள் நடந்த பாடல் படப்பிடிப்பால் அவர் அயர்ந்து தூங்கிக் கொண்டிருக்கிறார் என சொல்லியுள்ளனர். இதனைக் கேட்ட கண்ணதாசனுக்கு ஒரு பாடல் தோன்றியுள்ளது. அந்தப் பாடல் தான் அவனுக்கு என்ன தூங்கி விட்டான் அகப்பட்டவன் நான் அல்லவா என்ற பாடல். இந்த பாடல் எம் எஸ் விஸ்வநாதனுக்கு எழுதினாலும் அந்த படத்தின் கதைக்கும் ஏற்றவாறு அமைந்திருக்கும் அதுதான் இப்பாடலின் சிறப்பு. இப்பாடல் இப்படி தான் உருவானது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்

பொழுதுபோக்கு மற்றும் பிக்பாஸ் , கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.