தொடங்கியது சூர்யா 46.. அதிரடி அறிவிப்பை வெளியிட்ட படக்குழு.. இன்னொரு விஷயம் தெரியுமா?
Published Jun 11, 2025 05:57 PM IST
நடிகர் சூர்யாவின் 46 ஆவது திரைப்படத்தின் பணிகள் அதிகாரப்பூர்வமாகத் தொடங்கப்பட்டதாக படக்குழு போஸ்டர் வெளியிட்டு அறிவித்துள்ளது.
தொடங்கியது சூர்யா 46.. அதிரடி அறிவிப்பை வெளியிட்ட படக்குழு.. இன்னொரு விஷயம் தெரியுமா?
ரெட்ரோ திரைப்படத்திற்குப் பிறகு, நடிகர் சூர்யா ஆர்.ஜே. பாலாஜியுடன் இணைந்து சூர்யா 45 படத்தின் படப்பிடிப்புகளில் ஈடுபட்டிருந்தார். இது சமீபத்தில் இறுதி கட்டத்தை எட்டியதையடுத்து அவர் தனது அடுத்த படத்தில் கவனம் செலுத்த தொடங்கியுள்ளார். இந்த முறை தெலுங்கு இயக்குனர் வெங்கி அட்லூரியுடன் கூட்டணி அமைத்துள்ள சூர்யா அதிகாரப்பூர்வமாக படப்பிடிப்பு பணிகளை தொடங்கியுள்ளார்.
சூர்யா 46 பணிகள் தொடக்கம்
நடிகர் சூர்யாவின் 46 ஆவது திரைப்படத்தின் பணிகள் அதிகாரப்பூர்வமாகத் தொடங்கப்பட்டது. தெலுங்கு இயக்குனர் வெங்கி அட்லூரி இந்த திரைப்படத்தை இயக்குகிறார். சூர்யா 46 என்ற தற்காலிகத் தலைப்பில் இந்த திரைப்படத்தின் படப்பிடிப்பு தொடங்கியது. இதுகுறித்து படக்குழுவினர் புதன்கிழமை (ஜூன் 11) சமூக வலைதளங்களில் சிறப்பு போஸ்டரை வெளியிட்டனர்.