அனிருத்துக்கு பியானோவை பரிசாக கொடுத்த விஜய்..பின்னணியாக இருந்த தெறிக்கவிடும் சம்பவம்

அ்னிருத்துக்கு பியானோ பரிசு

கத்தி படத்தில் அனிருத் இசையில் அனைத்து பாடல்களும் சூப்பர் ஹிட்டாகின. இதில் மதன் கார்க்கி பாடல் வரிகள் எழுத விஜய், சுனித செளகான் இணைந்து பாடிய செஃல்பி புள்ள பாடல் பட்டிதொட்டியெங்கும் ஒலித்து சூப்பர் ஹிட்டானது.

இதேபோல் பக்கம் வந்து, ஆத்தி ஆகிய பாடல்களும் ஹிட்டானதோடு இப்போது வரை பலரால் விரும்பி கேட்கும் பாடலாக இருந்து வருகின்றன. அத்துடன் படத்தின் அதிரடியான பின்னணி இசையும், குறிப்பாக காயின் பைட்டில் வரும் பிஜிஎம் தெறிக்கவிடும் விதமாக அமைந்திருந்தது.

படத்தின் வெற்றிக்கு முக்கிய காரணமாக அனிருத் இசை இருந்த நிலையில், அவரை பாராட்டும் விதமாக பியானோவை பரிசாக அளித்துள்ளார் விஜய். கத்தி படம் வெளியாகி 10 ஆண்டுகள் ஆகியிருக்கும் நிலையில் விஜய், அனிருத்துக்கு அளித்திருக்கும் பரிசு குறித்த தகவல் வைரலாகியுள்ளன.

நன்றியை வெளிப்படுத்திய அனிருத்

விஜய்யின் மற்றொரு ஹிட் படமான பீஸ்ட் படத்தில் இசையமைப்பாளராக பணியற்றினார் அனிருத். அந்த படத்தின் புரொமோஷன் நிகழ்வில் கத்தி படம்தான் தனக்கு திருப்புமுனை ஏற்படுத்தியது எனவும், விஜய்தான் தான் பணியாற்றிய முதல் முன்னணி நடிகர் எனவும் பேசிய அனிருத் தனது நன்றியை வெளிப்படுத்தினார்.

விஜய்யின் கத்தி படத்தை தொடர்ந்து அவரது நடிப்பில் உருவான மாஸ்டர், பீஸ்ட், லியோ ஆகியோ படங்களுக்கு இசையமைத்துள்ளார் அனிருத். விஜய்யின் கடைசி படம் என கூறப்படும் தளபதி 69 படத்துக்கும் அனிருத் தான் இசையமைக்கிறார்.

அனிருத் இசையில் விஜய் பாடிய பாடல்கள்

முதல் முறையாக அனிருத்துடன் இணைந்த கத்தி, செஃல்பி புள்ள என பெப்பியான டூயட் பாடலை பாடியிருப்பார் விஜய். இதன் பின்னர் மாஸ்டர் படத்தில் குட்டி ஸ்டோரி என மோட்டிவேஷன் பாடலையும், பீஸ்ட் படத்தில் ஜாலியோ ஜிம்கானா என்ற பெப்பியான பாடலும், லியோ படத்தில் நான் ரெடிதான் என்ற குத்து பாடலையும் பாடியிருப்பார் தளபதி விஜய்.

அனிருத் இசையில் விஜய் பாடிய அனைத்து பாடல்களும் குட்டீஸ் முதல் பெரியவர்கள் வரை அனைத்து தரப்பு ரசிகர்களையும் வெகுவாக கவர்ந்துள்ளன.

அனிருத் லைன்அப்

அனிருத் இசையமைப்பில் இந்த ஆண்டில் கமல்ஹாசனின் இந்தியன் 2, ஜூனியர் என்டிஆர் நடித்த தேவரா பார்ட் 1, சூப்பர் ஸ்டார் ரஜினிகாந்தின் வேட்டையன் ஆகிய படங்கள் வெளியாகியுள்ளன. இந்த படத்தின் பாடல்கள் அனைத்தும் ரசிகர்கள் மத்தியில் வரவேற்பை பெற்றுள்ளன.

இதுதவரி கைவசம் அரைடஜன் படங்களுக்கு மேல் லைன் அப் வைத்திருக்கிறார் அனிருத். அடுத்த ஆறு மாதங்களில் 50 பாடல்களுக்கு மேல் கம்போஸ் செய்ய வேண்டும் என சமீபத்தில் நிகழ்ச்சி ஒன்றில் தெரிவித்திருந்தார்.

அனிருத் இசையில் பெரிய படங்களாக விடாமுயற்சி, இந்தியன் 3, தளபதி 69 உருவாகி வருகிறது.