தமிழ் சினிமா ரீவைண்ட்: முக்கோண காதல் கதை, நய்யாண்டி ரொமாண்டிக் காமெடி படம்.. ஏப்ரல் 25 முந்தைய ஆண்டில் ரிலீசான படங்கள்

யுவன்ஷங்கர் ராஜா இசையில் படத்தின் பாடல்கள் அனைத்தும் சூப்பர் ஹிட்டாகின. வீனஸ் வீனஸ் பெண்ணே என்ற பாடல் எஃப்எம்களில் அதிக முறை ஒலித்த பாடலாக மாறியது. அத்துடன் என் காதல் என்ற பாடலில் யுவன்ஷங்கர் ராஜா கேமியோ கதாபாத்திரத்தில் தோன்றியிருப்பார். இந்த படத்தில் தான் அவர் முதல் முறையாக ஆன்ஸ்கிரீனில் தோன்றியிருப்பார். படத்தின் அனைத்து பாடல்களும் யுவனின் பெஸ்ட் பாடல்களின் லிஸ்டில் உள்ளன.

வாயை மூடி பேசவும்

பாலாஜி மோகன் இயக்கத்தில் துல்கர் சல்மான், நஸ்ரியா நசீம், மதுபாலா பிரதான காதபாத்திரத்தில் நடிக்க நய்யாண்டி பாணியில் ரெமாண்டிக் காமெடி படமாக உருவாகி 2014இல் வெளியான படம் வாயை மூடி பேசவும். மலைப்பகுதியில் ஏற்படும் விநோத காய்ச்சல் காரணமாக மக்கள் குரல்வளத்தை இழக்கிறார்கள். அதன் பின்னர் நடக்கும் சுவாரஸ்ய திருப்பங்களும், துல்கர் - நஸ்ரியா இடையிலான காதலும் தான் படத்தின் ஒன் லைன்.

வித்தியாசமான கதையம்சத்துடன் ரசிக்கும்படியான காட்சிகள், அந்த காலகட்டத்தில் நடந்த பல்வேறு நிஜ சம்பவங்கள் பகடி செய்வது போன்ற காட்சிகள் போன்றவை படத்தை ரசிக்க வைத்தன. புதுமுக இசையமைப்பாளரான சீன் ரோல்டன் இசையமைப்பில் பாடல்களும் வரவேற்பை பெற்றன. விமர்சன ரீதியாக பாராட்டுகளை பெற்ற படம் கமர்ஷியல் ரீதியாகவும் ஹிட்டாகி நல்ல வசூலையும் பெற்றது.

மேலும் படிக்க: இது எல்லாத்துக்கும் நான் தான் பொறுப்பு.. வலியை பகிர்ந்த துல்கர் சல்மான்

என்னமோ நடக்குது

ராஜபாண்டி இயக்கத்தில் விஜய் வசந்த், மஹிமா நம்பியார், பிரபு, ரகுமான் பிரதான கதாபாத்திரத்தில் நடித்து ஆக்சன் த்ரில்லர் பாணியில் உருவாகியிருந்த என்னமோ நடக்குது படம் 2014இல் ரிலீசானது. இரண்டு செல்வாக்கு மிக்க மனிதர்களிடம் சிக்கி கொள்ளும் ஹீரோ, தனது காதலையும், குடும்பத்தையும் எப்படி காப்பாற்றுகிறார் என்பது தான் படத்தின் ஒன் லைன். பரபர காட்சிகளுடன் அமைந்திருந்த திரைக்கதை ரசிகர்கள் மத்தியில் வரவேற்பை பெற்றது. படத்துக்கும் நேர்மறையான விமர்சனங்கள் வெளியானது. சராசரி வசூலை பெற்ற என்னமோ நடக்குது படம் சிறந்த பொழுதுபோக்கு படமாக அமைந்தது.

மேலும் படிக்க: என் வாழ்நாளில் அதை மட்டும் நான் பண்ணமாட்டேன்.. மஹிமா நம்பியார்

2014ஆம் ஆண்டில் வாயை மூடி பேசவும், என்னமோ நடக்குது ஆகிய படங்களுடன் போட்டியாக கெளதம் கார்த்திக், ரகுல் ப்ரீத் சிங் நடித்த என்னமோ ஏதோ, ராமகிருஷ்ணா இயக்கி நடித்த போங்கடி நீங்களும் உங்க காதலும் ஆகிய படங்களும் வெளியாகின. இந்த இரண்டு படங்களும் கலவையான விமர்சனங்களை பெற்றபோதிலும், கவனத்தை ஈர்த்த படங்களாகவும் மாறியது.