Manidham: சுவாரஸ்யமான திரைக்கதை.. புதுச்சேரி நடிகர், நடிகைகள் மட்டும் நடிக்கும் தமிழ் படம்

புதுச்சேரியை கலைஞர்கள் மட்டும் இடம்பிடிக்கும் படம்

புதுச்சேரி பின்னணியில், அம்மாநில கலைஞர்கள் மட்டும் நடித்து முதல் முறையாக உருவாகியிருக்கும் ‘மனிதம்' என்ற படத்தை யுவர் பேக்கர்ஸ் புரொடக்‌ஷன் மற்றும் காவியம் ஸ்டூடியோஸ் சார்பில் கிருஷ்ண ராஜு கே தயாரித்துள்ளார். அத்துடன் இவர் இந்த படத்தில் முதன்மை வேடத்திலும் நடித்துள்ளார். மதுநிகா ராஜலட்சுமி முக்கிய வேடத்தில் நடித்துள்ளார். படத்தில் நடித்திருக்கும் நடிகர், நடிகைகள் அனைவரும் புதுச்சேரியை சேர்ந்தவர்களாகவும், படம் முழுக்க அங்குள்ள பல்வேறு பகுதிகளில் படமாக்கப்பட்டுதாகவும் உள்ளது.

இந்த படத்துக்கு இசை - ஸ்ரீகாந்த் தேவா. ஒளிப்பதிவு பரணி செல்வம் ஒளிப்பதிவு செய்துள்ளார். இந்த படத்தின் இசை வெளியீட்டு விழா சமீபத்தில் நடைபெற்றது. இதில் இயக்குநர்கள் கே.பாக்யராஜ், ஆர்.வி.உதயகுமார், அரவிந்தராஜ் உள்பட பலரும் பங்கேற்றார்கள்.

சுவாரஸ்யமான திரைக்கதை

படம் பற்றி பேசிய கிருஷ்ணராஜு, "நாயகனுக்கு யார் நல்லவர்கள், யார் கெட்டவர்கள் என்பது எந்த தருணத்தில் எப்படிப் புரிகிறது என்பது படத்தின் கதை. உண்மையான உறவு, நட்புகள் யார் என்பதை இந்தப் படத்தில் சொல்லியிருக்கிறோம். திரைக்கதை சுவாரசியமாக இருக்கும்.

இன்பினிட்டி கழுமரம் போன்ற படங்களின் மூலம் கவனம் ஈர்த்தவராக கிருஷ்ண ராஜு உள்ளார். அதேபோல் கார்ப்பரேட் படங்கள், விளம்பர படங்களில் இயக்கத்தில் சுமார் 25 ஆண்டுகள் வரை அனுபவம் கொண்ட புரூனோ சேவியோ படத்தை இயக்கியுள்ளார். விரைவில் இந்த படம் திரையரங்கில் வெளியாகும் என தெரிவிக்கப்பட்டுள்ளது.