நடிப்பு, இசை, பாடகி.. சினிமாவில் பன்முகத்தை வெளிப்படுத்தும் சிட்டு! ரசிகர்களின் மனம் கவர்ந்த நடிகை ஆண்ட்ரியா

இதற்கிடையே 8 வயதிலேயே கிளாசிக்கல் பியானோ வாசிக்க கற்றுக்கொண்ட ஆண்ட்ரியா, 1 வயதில் இசை ட்ரூப்பில் இணைந்து பாடகியாகவும் மாறி தனது திறமையை வெளிக்காட்டியுள்ளார். அத்துடன் பல்வேறு இசை நிகழ்ச்சிகளிலும் தொடர்ந்து பங்கேற்று வந்துள்ளார். அந்த வகையில் நடிகையாவதற்கு முன்னரே சினிமாவில் பாடகியாக அறிமுகமானார் ஆண்ட்ரியா. அந்நியன் படத்தில் இடம்பிடித்த கண்ணும் கண்ணும் நோக்கியா தான் இவர் பாடிய முதல் பாடல். அதன் பிறகு தேவி ஸ்ரீ பிரசாத் இசையில் தெலுங்கு சினிமாவிலும் பாடகியாக அறிமுகமானார்.

சினிமா பயணம்

மறைந்த நடிகர் கிரிஷ் கர்ணாட்டின் நாகமன்டலா என்ற நாடக குழுவின் தனது நடிப்பு பயணத்தை தொடங்கினார். மேடை நாடகங்களில் மட்டும் நடித்து வந்த இவரை சினிமா என அழைத்து வந்தது இயக்குநர் கெளதம் மேனன் தான். ஏற்கனவே ஆண்ட்ரியா வைத்து லியோ காபி விளம்பரத்தை எடுத்திருந்தார் கெளதம் மேனன். இதையடுத்து இவரது வேட்டையாடு விளையாடு படத்தில் கற்க கற்க பாடலில் பெண் குரலாக ஒலித்த ஆண்ட்ரியாவை தனது அடுத்த படத்தில் ஹீரோயினாக நடிக்க கேட்டுள்ளார். அந்த படம் தான் சரத்குமார், ஜோதிகா பிரதான கதாபாத்திரங்களில் நடித்த பச்சைக்கிளி முத்துச்சரம். இந்த படத்தில் சரத்குமாரின் மனைவியாகவும், பள்ளி செல்லும் சிறுவனுக்கு அம்மாவாகவும் தோன்றி சிறப்பான நடிப்பால் கவர்ந்தார்.

இதன் பிறகு தனுஷ் ரெபரன்ஸில் செல்வராகவன் இயக்கிய ஆயிரத்தில் ஒருவன் படத்தில் மிரட்டலான கதாபாத்திரத்தில் தோன்றியிருப்பார். பின் அஜித்தின் மங்காத்தா படத்தில் நடித்த ஆண்ட்ரியா, பஹத் ஃபாசில் ஜோடியாக அன்னயும் ரசூலும் படம் மூலம் மலையாளத்தில் அறிமுகமானார் .

தனது சினிமா கேரியில் தன் மனதுக்கு மிகவும் பிடித்த படமாக இந்த படத்தை ஆண்ட்ரியா பல பேட்டிகளில் குறிப்பிட்டுள்ளார். தொடர்ந்து கமலுடன் விஸ்வரூபம், உத்தம வில்லன் படங்களில் நடித்த நிலையில், வேட்டை படத்தின் தெலுங்கு ரீமேக்கான தடாகா மூலம் தெலுங்கு சினிமாவில் அறிமுகமானார்.

எந்த மாதிரியான கதாபாத்திரத்தையும் மிகவும் இயல்பாகவும், ரசிகர்களை கவரும் விதமாகவும் நடித்து முத்திரை பதித்த நடிகையாக வலம் வந்தார். இதன் காரணமாக வாய்ப்புகளை தேடி போகாமல், டாப் ஹீரோக்களுடன் ஜோடி சேர்ந்து ட்ரெண்டிங் ஹீரோயினாக வலம் வருவதை விட்டு தன்னை தேடி வரும் கதைகளையும், கதாபாத்திரங்களையும் மட்டும் தேர்வு செய்து நடிக்கும் நடிகையானார்.

கதை ஏற்ப தன்னை மாற்றி கொள்ளும் இயக்குநர்களின் நடிகையாக இருந்து வரும் ஆண்ட்ரியா டாப்லெஸ் காட்சி, கவர்ச்சி மற்றும் போல்டான காட்சிகளிலும் தோன்றி தனது திறமை நிருபித்துள்ளார். வெற்றிமாறனின் வட சென்னை படத்தில் சந்திரா என்ற கேரக்டரில் இவரது நடிப்பு அதற்கு சிறந்த சான்றாக அமைந்திருக்கும்.

டாப் ஹீரோயின்களின் பின்னணி குரல்

பாடகியாகவும் ஏராளமான சூப்பர் ஹிட் பாடல்கள் தமிழ் மொழியை கடந்து பிற மொழிகளிலும் பாடியுள்ளார். முன்னணி இசையமைப்பாளர்கள் அனைவருடன் பணியாற்றியிருக்கும் பாடகியாகவும் திகழ்கிறார். பிரபல ஹீரோயின்களான டாப்சி, இலியானா, கமாலினி முகர்ஜி, எமி ஜாக்சன் போன்றோருக்கு டப்பிங் பேசியிருப்பதுடன், அவெஞ்சர்ஸ்: எண்ட் கேம் தமிழ் பதிப்பில் ஹாலிவுட் நடிகையான ஸ்கார்லெட் ஜோகான்சனுக்கும் பின்னணி குரல் கொடுத்துள்ளார்.

இதுவரை தமிழ், மலையாளம், தெலுங்கு என 30க்கும் மேற்பட்ட படங்களில் நடித்துள்ள ஆண்ட்ரியா, 100க்கும் மேற்பட்ட பாடல்களை பாடியுள்ளார். நடிப்பை விட பாடல், இசையில் அதிக ஆர்வம் கொண்டவராக இருந்து வரும் ஆண்ட்ரியா பல்வேறு இசை நிகழ்ச்சிகளில் பங்கேற்று உலகம் சுற்றும் வாலிபியாக இருந்து வருகிறார். இந்த ஆண்டில் இவரது நடிப்பில் சைந்தவ் என்ற தெலுங்கு படம் வெளியான நிலையில், 2025ஆம் ஆண்டில் ஆண்ட்ரியா நடிப்பில் வரிசை கட்டி படங்கள் வரவுள்ளன. மனுஷி, பிசாசு 2, நோ எண்ட்ரி, மாஸ்க் போன்ற படங்கள் வெளியாகி ரசிகர்களுக்கு விருந்து படைக்க உள்ளன.