Today OTT Release: ஓடிடியில் வரிசை கட்டி நிற்கும் கோலிவுட் படங்கள்.. எதிர்பார்ப்பை கிளப்பிய படங்களை எங்கு காணலாம்?

நிலவுக்கு என்மேல் என்னடி கோபம்

நிலவுக்கு என்மேல் என்னடி கோபம் (நீக்) திரைப்படம் இன்று மார்ச் 21 அன்று அமேசான் பிரைம் வீடியோ ஓடிடி தளத்தில் ஸ்ட்ரீமிங்கிற்கு வந்தது. இந்தப் படத்தின் தெலுங்கு பதிப்பு ஜாபிலம்மா இவ்வளவு கோபமா என்ற பெயரில் வெளியானது. தமிழ் முன்னணி நடிகர் தனுஷ் இயக்கிய இந்த ரொமாண்டிக் காமெடி திரைப்படம் பிப்ரவரி 21 அன்று திரையரங்குகளில் வெளியாகி பாக்ஸ் ஆபிஸில் ஏமாற்றத்தை அளித்தது. இந்த திரைப்படத்தில் பவிஷ் நாராயணன் நாயகனாக நடித்துள்ளார். அனிகா சுரேந்தர், பிரியா வாரியார், மேத்யூ தாமஸ் உள்ளிட்டோர் நடித்துள்ளனர். இப்படத்திற்கு ஜிவி பிரகாஷ் இசையமைத்துள்ளார்.

மேலும் படிக்க: பரிதாப நிலையில் நிலவுக்கு என்மேல் என்னடி கோபம்.. சுருங்கும் வசூல்.. பாக்ஸ் ஆபிஸ் நிலவரம்

தினசரி

தினசரி திரைப்படம் இன்று (மார்ச் 21) டென்ட்காட் ஓடிடி-யில் வெளியாகிறது. இந்த திரைப்படத்தில் ஸ்ரீகாந்த், சிந்தியா லூர்தே நாயகன், நாயகியாக நடித்துள்ளனர். ஜி.சங்கர் இயக்கிய இந்த திரைப்படம் பிப்ரவரி 14 அன்று திரையரங்குகளில் வெளியானது. இந்த திரைப்படத்திற்கு இசைஞானி இளையராஜா இசையமைத்துள்ளார்.

ஃபயர்

நடிகரும் இயக்குநருமான ஜெ.சதிஷ் குமாரா் இயக்கத்தில் பிக்பாஸ் பிரபலங்கள் பாலாஜி முருகதாஸ், ரக்ஷிதா மகாலட்சுமி, சாக்ஷி அகர்வால் மற்றும் சாந்தினி தமிழரசன் முக்கிய கதாப்பாத்திரத்தில் நடித்த படம் ஃபயர். உண்மை சம்பவத்தை அடிப்படையாக கொண்டு எடுக்கப்பட்ட இந்த படம், டெண்ட்கொட்டா ஓடிடி தளத்தில் இன்று ஸ்ட்ரீமிங்கிற்கு வருகிறது.

மேலும் படிக்க: மக்கள் மனதில் பற்றியதா ஃபயர்.. என்ன சொல்கிறார்கள்? ட்விட்டர் விமர்சனம் இதோ..

பேபி அண்ட் பேபி

தமிழ் காமெடி டிராமா திரைப்படம் பேபி அண்ட் பேபி மார்ச் 21 இன்று சன் நெக்ஸ்ட் ஓடிடி தளத்தில் ஸ்ட்ரீமிங்கிற்கு வந்துள்ளது. ஜெய், சத்யராஜ், யோகி பாபு இந்த திரைப்படத்தில் முக்கிய கதாபாத்திரங்களில் நடித்துள்ளனர். பிப்ரவரி 14 அன்று இந்த திரைப்படம் திரையரங்குகளில் வெளியானது. இந்த திரைப்படத்தை பிரதாப் இயக்கியுள்ளார். இரண்டு குழந்தைகள் மாறிப்போவதை மையமாக வைத்து பேபி அண்ட் பேபி திரைப்படம் உருவாகியுள்ளது.

ரிங் ரிங்

ரிங் ரிங் திரைப்படமும் ஸ்ட்ரீமிங்கிற்குத் தயாரானது. இந்த திரைப்படம் மார்ச் 21 இன்று ஆஹா தமிழ் ஓடிடி தளத்தில் ஸ்ட்ரீமிங்கிற்கு வர உள்ளது. இப்படம் டென்ட்கொட்டா ஓடிடியிலும் வெளியாகிறது. பிரவீண் ராஜ், விவேக் பிரசன்னா முக்கிய கதாபாத்திரங்களில் நடித்துள்ள இந்த திரைப்படத்தை சக்திவேல் இயக்கியுள்ளார்.