Manoj Bharathiraja: ‘ஈச்சி எலுமிச்சி..’ தொலைந்து போன கனா..பாரதிராஜாவின் மகன் மனோஜ் பாரதிராஜா காலமானார்!

தாஜ்மஹால் திரைப்படம் மூலம் அறிமுகம்

தமிழ் சினிமாவின் மரியாதைக்குரிய இயக்குநராக பார்க்கப்படுபவர் இயக்குநர் பாரதிராஜா. இவரது மகன்தான் மனோஜ் பாரதிராஜா (48). இவர் தாஜ்மஹால் திரைப்படம் மூலம் நடிகராக அறிமுகமானார். ஏ.ஆர்.ரஹ்மானின் பாடல்கள் படத்திற்கு பெரிய அடையாளத்தை கொண்டு வந்து சேர்த்திருந்தாலும், படத்தில் நடிகராக மனோஜ் ஈர்க்கவில்லை என்று ரசிகர்கள் கூறினர். படமும் பல்வேறு தரப்பில் இருந்து விமர்சனங்களை பெற்றது.

மேலும் படிக்க | Manoj: ஈகோ பார்த்தால் எங்கேயுமே வேலைபார்க்க முடியாது.. எனக்கு எல்லாமே சினிமா தான்.. காத்திருக்கேன்: மனோஜ் பாரதிராஜா

வெற்றி கிடைக்கவில்லை

இருப்பினும் தொடர்ந்து முயன்ற மனோஜ் சமுத்திரம், கடல் பூக்கள், வருஷமெல்லாம் வசந்தம், ஈர நிலம் உள்ளிட்ட பல படங்களில் நடித்தார். ஆனால், எதுவும் அவர் பேர் சொல்லும் படமாக அமையவில்லை. அதன் பின்னர் குணச்சித்திர நடிகராக மாறிய அவர் சாம்பியன், ஈஸ்வரன், மாநாடு, விருமன் உள்ளிட்ட பல திரைப்படங்களில் நடித்தார்.

மேலும் படிக்க | RIP Manoj : ‘விரக்தி வந்தது.. வாய்ப்புகள் வரவில்லை..’ மறைந்த மனோஜ் பாரதியின் உருக்கமான பேட்டி!

இயக்குநர் அவதாரம்

ஷங்கர், மணிரத்னம் உள்ளிட்டவர்களிடம் உதவி இயக்குநராக பணியாற்றிய மனோஜ் பாரதிராஜா மார்கழி திங்கள் படத்தை இயக்கி இயக்குநராக அவதாரம் எடுத்தார். இந்தப்படத்தின் கதை மற்றும் திரைக்கதையை இயக்குநர் சுசிந்திரன் எழுதியதோடு, படத்தை தயாரிக்கவும் செய்திருந்தார்.

மேலும் படிக்க | Manoj: ஈகோ பார்த்தால் எங்கேயுமே வேலைபார்க்க முடியாது.. எனக்கு எல்லாமே சினிமா தான்.. காத்திருக்கேன்: மனோஜ் பாரதிராஜா

மனோஜ் பெயரில் பாரதிராஜா 'மனோஜ் கிரியேஷன்ஸ்’ என தயாரிப்பு நிறுவனம் ஒன்றையும் நடத்திவருகிறார். சாதுர்யன் படத்தின் போது அவருக்கு ஜோடியாக நந்தனா என்பவருடன் காதலில் விழுந்த மனோஜ் அவரையே திருமணமும் செய்து கொண்டார்.

மனோஜுக்கு ஆர்த்திகா, மதிவதினி என இரண்டு மகள்கள் இருக்கிறார்கள். மனோஜ் பாரதிராஜாவுக்கு அண்மையில் இதய அறுவை சிகிச்சை நடந்திருந்தது. தொடர்ந்து, மருத்துவமனையில் சிகிச்சை பெற்று வந்த அவருக்கு இன்று மாரடைப்பு ஏற்பட்டு இருக்கிறது.