தமிழ் சினிமா ரீவைண்ட்: கே.வி. ஆனந்த் இயக்கிய அற்புதமான ரெமாண்டிக் த்ரில்லர்.. மே 13 முந்தைய ஆண்டுகளில் ரிலீசான படங்கள்

வழக்கமாக குடும்ப திரைப்படமாக இருந்து வரும் விசுவின் படங்களில் இருந்து மாறுபட்டு சஸ்பென்ஸ் த்ரில்லர் கதையாகவும், அதில் எமோஷனலாக கனெக்ட் செய்யும் விதமாக இருந்த திரைக்கதையும் ரசிக்க வைக்கும் விதமாக இருந்தது. படத்தின் குஷ்பூவின் நடிப்பை பாராட்டுகளை பெற்றன.

கனா கண்டேன்

ஒளிப்பதிவாளராக இருந்த கே.வி. ஆனந்த் இயக்குநராக அறிமுகமான படம் கனா கண்டேன். ஸ்ரீகாந்த், கோபிகா, பிருத்விராஜ், விவேக் நடிப்பில் ரெமாண்டிக் த்ரில்லர் பாணியில் உருவாகியிருந்த படம் 2005இல் ரிலீசானது.

மலையாள நடிகரான பிருத்விராஜ், இந்த படம் மூலம் தமிழில் அறிமுகமானார். கொஞ்சம் ரெமான்ஸ், கொஞ்சம் காமெடி, கொஞ்சம் மெசேஜ் என இருந்த படம் ரசிகர்களை கவர்ந்து விமர்சக ரீதியாகவும் பாராட்டை பெற்றது. படத்தில் ப்ருத்விராஜ் வில்லனாக நடித்திருப்பார். முதலில் இந்த கேரக்டரில் நடிக்க சூர்யாவிடம் கேட்கப்பட்டுள்ளது. ஆனால் அவர் அதற்கு மறுப்பு தெரிவிக்கவே ப்ருவிராஜ் தேர்வு செய்யப்பட்டார். ஸ்டைலான வில்லனாக மிரட்டி பாராட்டுகளையும் பெற்றார்.

மேலும் படிக்க: கே.வி. ஆனந்த் வீட்டில் விசேஷம்,, வாழ்த்து தெரிவிக்க ஓடி வந்த சூர்யா

கடல் நீரை குடிநீர் ஆக்கும் ஹீரோவின் புரொஜெக்ட் என முதல் பாதி, கந்து வட்டி கொடுமையை எடுத்துரைக்கும் விதமாக இருந்த படத்தின் இரண்டாம் பாதி திரைக்கதை தமிழ் சினிமாவில் புதுமையாக இருந்தது.

வித்யாசாகர் இசையில் படத்தின் அனைத்து பாடல்களும், அதை பாடமாக்கிய விதமாக ப்ரஷ்ஆக அமைந்திருந்தன. சின்ன சின்ன சிகரங்கள் என்ற பாடலை 300 அடி ஆழ குவாரியில் வைத்து படமாக்கியிருப்பார்கள். சிறந்த ரெமாண்டிக் த்ரில்லர் படமாக இருந்த கனா கண்டேன் நல்ல வசூலையும் குவித்தது.

பென்சில்

மணி நாகராஜ் இயக்கத்தில் ஜி.வி. பிரகாஷ் குமார், ஸ்ரீதிவ்யா பிரதான கதாபாத்திரத்தில் நடிக்க டீன் ஏஜ் த்ரில்லர் பாணியில் உருவாகி 2016இல் ரிலீசான படம் பென்சில். கொரிய படமான 4த் பீரியட் மிஸ்ட்ரி என்ற படத்தை அடிப்படையாக வைத்து இந்த படம் உருவாகியிருந்தது.

மேலும் படிக்க: என்னோட அடுத்த ப்ளான் இதுதான்.. போட்டு உடைத்த ஜிவி பிரகாஷ்

இசையமைப்பாளராக இருந்த ஜி.வி. பிரகாஷ் குமார் இந்த படம் மூலம் ஹீரோவாக மாறினார். ஆனால் பென்சில் படம் ரிலீஸ் ஆவதற்கு முன்பே அவர் நடித்த டார்லிங் படம் வெளியாகியது. விறுவிறுப்பான த்ரில்லர் படம் இருந்த பென்சில் கலவையான விமர்சனங்களை பெற்றது. அதேபோல் ஜி.வி. பிரகாஷுக்கு சராசரி ஹிட்டாக அமைந்ததுடன், அவரது நடிப்புக்கு பாராட்டுகளும் குவிந்தது.