டைரக்டர் என்ட்ரின்னா இதான்டா.. தமிழ் சினிமாவில் 'ஊர்' பேசும் டைரக்டரின் கதை.. HBD பேரரசு..

முதல்ல ஹீரோ அப்புறம் தான் மத்ததெல்லாம்

இவரது படங்களின் சிறப்பு என்றவென்றால், படத்தில் முதல் சீன், முதல் பஞ்ச், முதல் சண்டை எல்லாம் ஹீரோவுக்காக இருக்காது, தனக்கென முதலில் இவற்றை எல்லாம் செட் செய்த பின்னர் தான் ஹீரோவையே திரையில் காட்டுவார். அதிலும் இவர் பேசும் வசனங்கள் எல்லாம் இன்றும் ட்ரெண்ட்டிங்கில் இருக்கும் அளவுக்கு ஸ்பெஷலானது.

இப்படி தமிழ் திரையுலகம் பேசும் இயக்குநரான பேரரசு, சிவகங்கை மாவட்டத்தில் உள்ள நாட்டரசன் கோட்டையில் 1967ஆம் ஆண்டு ஜனவரி 8ஆம் தேதி பிறந்தார். எட்டு வருடங்களுக்கு மேலாக சினிமாவில் பெரிய இடத்தைப் பிடிக்க வேண்டும் என முயற்சி செய்து மிகக் கடுமையாக போராடினார்.

16 வருட உழைப்புக்கு கிடைத்த வெற்றி

முயற்சிகளில் சற்றும் மனம் தளராத விக்ரமாதித்தன் போல், தமிழ் சினிமாவில் 16 ஆண்டு சின்னச் சின்ன வேலையை செய்து, பின், சினிமா பற்றிய முழு அனுபவம் பெற்று ராமநாராயணணன், மகாராஜன் ஆகியோரிடம் உதவி இயக்குநராக பணியாற்றி தன் முதல் பட வாய்ப்பை பெற்றார்.

அண்ணன் தங்கை பாசத்தை மையமாக வைத்து, நடிகர் விஜய்யை லீட் ரோலாகக் கொண்டு அவர் இயக்கிய முதல் திரைப்படம் திருப்பாச்சி. படம் பட்டி தொட்டி எல்லாம் ஹிட். தியேட்டரில் படம் பார்ப்போருக்கெல்லாம் அவர்களது உடன் பிறந்தவர்கள் நினைப்பை தொற்றிக் கொள்ள வைத்து கண்ணீருடன் அனைவரும் வெளியே வருகின்றனர்.

கண்ணீரில் மூழ்கும் தியேட்டர்

'அதிலும், என்ன தவம் செஞ்சிபுட்டோம் அண்ணன் தங்கை ஆகிபுட்டோம்' பாடல் வரும்போதெல்லாம் மொத்த தியேட்டரும் கண்ணீரில் மூழ்கியது. அதன் விளைவு முதல் படமே பிளாக் பஸ்டர் ஹிட். தமிழ்நாட்டில் இந்தப் படம் 100 நாட்களுக்கு மேல் ஓடி சாதனை படைத்தது.

இந்தப் படத்தின் வெற்றியைத் தொடர்ந்து மீண்டும் நடிகர் விஜய்யுடன் ஜோடி சேர்ந்து இவர் இயக்கிய படம் தான் சிவகாசி. இந்தப் படத்தில் பேரரசுவின் சொந்த ஊரில் படம் நகர்கிறது. இதில் அண்ணன் தங்கை பாசத்துடன், அம்மா பாசமும் சேர்ந்தது.

ஊரரசான பேரரசு

இந்தப் படத்தின் பாடல்களும், படமும் மீண்டும் மெகா ஹிட் அடித்தது. இதனால் தமிழ் சினிமாவில் பேரரசு தன்னை ஹிட் டைரக்டராக நிலை நிறுத்தினார். இந்தப் படத்தை தொடர்ந்து, நடிகர் அஜித்தை வைத்து அவர் இயக்கிய படம் தான் திருப்பதி. இந்தப் படத்தில் தான் பேரரசு, ஊரரசாக மாறினார். முதலில் இந்தப் படத்திற்கு வைத்த பெயர் வெள்ளையன். பின் தயாரிப்பாளருக்காக திருப்பதி என படத்தின் பெயரை மாற்றி ஹிட் கொடுத்தார்.

இதையடுத்து, தர்மபுரி, பழனி, திருவண்ணாமலை, திருத்தணி போன்ற படங்களை ஏடுத்தவர் கடைசியாக எடுத்த படம் சாம்ராஜ்யம். இந்தப் படம் மலையாளத்தில் வெளியானது.

கடைசியில் இவர் எடுத்த படங்கள் சில தோல்வியை சந்தித்ததால் படங்களிலும், தொடர்களிலும் தற்போது நடித்து வருகிறார்.

டைரக்டர் மட்டுமல்ல, பாடலாசிரியரும் கூட

இவர் இயக்குநராகவும் நடிகராகவும் மட்டும் அல்ல தன் படங்களில் வெளியாகும் பாடல்கள் அனைத்தையும் அவரே எழுதியுள்ளார். இவர் படங்கள் மட்டுமல்லாமல் வேறு இயக்குநர்களுக்கும் பாடல்களை எழுதிக் கொடுத்துள்ளார்.

இப்படி தமிழ் சினிமாவில் இயக்குநராகவும், நடிகராகவும், பாடலாசிரியராகவும் தன்னை நிலைநிறுத்திக் கொன்ட பேரரசு இன்று தன் பிறந்தநாளைக் கொண்டாடுகிறார். அவருக்கு ஹிந்துஸ்தான் டைம்ஸ் தமிழின் பிறந்தநாள் வாழ்த்துகள்.