தமிழ் சினிமா ரீவைண்ட்: தமிழ் சினிமாவின் கல்ட் கிளாசிக் கேங்ஸ்டர் படம்.. மே 26 முந்தைய ஆண்டுகளில் ரிலீசான படங்கள் லிஸ்ட்

மேலும் படிக்க: தனுஷ் நடிப்பில் கல்ட் கிளாசிக் கிளாசிக் கேங்ஸ்டர் படம் 

ஒளிப்பதிவு, எடிட்டிங் உள்பட டெக்னிக்கல் விஷயங்களும் புதுமையான அனுபவத்தை தரும் விதமாகவும் இருந்தன. யுவன் ஷங்கர் ராஜா இசையில் படத்தின் பாடல்கள் மற்றும் பின்னணி இசை இன்றளவும் ரசிக்கும்படியாக உள்ளது. இந்த படத்துக்கு முதலில் இசையமைக்க ஹாரிஸ் ஜெயராஜை அனுகினாராம் செல்வராகவன். அவர் மறுக்கவே, யுவன் ஷங்கர் ராஜா இசையமைப்பாளராகி ரசிகர்கள் மனதில் நீங்காத பாடல்களையும், இசையையும் கொடுத்துள்ளார்.

செல்வராகவன் இந்த படத்தை ஒரு பரிசோதனை முயற்சி எனவும், மிகவும் சிக்கலான திரைக்கதைகளில் ஒன்று எனவும் கூறினார்.

பலே பாண்டியா

பி.ஆர். பந்தலு இயக்கத்தில் சிவாஜி கணேசன், எம்.ஆர். ராதா, தேவிகா பிரதான கதாபாத்திரத்தில் நடிக்க காமெடி படமாக உருவாகி 1962இல் ரிலீசான படம் பலே பாண்டியா. இந்த படத்தில் மூன்று வேடங்களில் சிவாஜி கணேசனும், இரண்டு வேடங்களில் எம்ஆர் ராதாவும் நடித்திருப்பார்கள். பணத்துக்காக கொலை செய்ய முயலும் கதாபாத்திரத்தில் ஒரு சிவாஜி, எம்ஆர் ராதா, மாமா - மாப்பிள்ளையாக இதே இணை மற்றொரு கதாபாத்திரத்திலும் நடித்திருப்பார்கள். மூன்றாவது சிவாஜியின் கேரக்டர் படத்தில் டுவிஸ்ட் ஏற்படுத்தும் விதமாக அமைந்திருக்கும்.

இன்சூரன்ஸ் பணத்துக்காக நடக்கும் ஆள்மாறாட்டம், கொலை முயற்சி, திடுக் திருப்பம் தான் படத்தின் ஒன்லைன்.

மேலும் படிக்க: சிரிக்க வைத்த ஆள்மாறாட்ட கதை.. 11 நாள் ஸ்டுடியோவை விட்டு வெளியேறாமல் சிவாஜி நடித்த படம்

படத்தில் சிவாஜினியின் நடிப்புக்கும், எம்ஆர் ராதாவின் நடிப்புக்கும் விமர்சக ரீதியாக பாராட்டுகள் எழுந்தன. பாக்ஸ் ஆபிஸிலும் நல்ல வசூலை ஈட்டியதுடன் ஒரே மாதத்தில் தயாராகி சிவாஜிக்கு சூப்பர் ஹிட்டாக அமைந்தது. தமிழ் சினிமாவில் சாதனை நிகழ்த்திய படங்களில் ஒன்றாக நடிகர் திலகம் சிவாஜி கணேசன் - நடிகவேள் எம்ஆர் ராதா ஆகியோர் இணைந்து காமெடியில் கலக்கிய பலே பாண்டியா படம் உள்ளது.

அதே கண்கள்

ஏ.சி. திருலோகசந்தர் இயக்கத்தில் ரவிச்சந்திரன், காஞ்சனா, எஸ்.ஏ. அசோகன், நாகேஷ் பிரதான கதாபாத்திரத்தில் நடிக்க சஸ்பென்ஸ் த்ரில்லர் பாணியில் உருவாகி 1967இல் ரிலீசான படம் அதே கண்கள். பணக்காரனான எஸ்.ஏ. அசோகன் வீட்டில் நடக்கும் தொடர் கொலைகள், அதன் பின்னணியில் இருக்கும் முகமூடி அணிந்த நபர், யார் அவர், எதனால் கொலை செய்கிறார் என்கிற பிளாஷ்பேக். இதுதான் படத்தின் ஒன்லைன்.

வழக்கமான பழிக்கு பழி கதையாக இருந்தாலும் தொடக்கம் முதல் க்ளைமாக்ஸ் வரை பார்வையாளர்கள் திக் திக் மனநிலையில் வைத்த படமாக அதே கண்கள் உருவாக்கப்பட்டிருக்கும். ஈஸ்ட்மேன் கலரில் உருவான த்ரில்லர் படமான அதே கண்கள் அந்த காலகட்டத்தில் ரசிகர்களுக்கு புதுவித அனுபவத்தை கொடுத்தது. நடிகர் ரவிச்சந்திரன் சினிமா கேரியரில் முக்கிய படமாகவும் இது அமைந்திருந்தது. தமிழில் வெளியான சிறந்த த்ரில்லர் படமாகவும், தமிழ், தெலுங்கு என இரு மொழிகளிலும் பாக்ஸ் ஆபிஸ் வசூலை அள்ளிய படமாகவும் உள்ளது.

மேலும் படிக்க: ஒரு நேரத்தில் உருவாக்கிய த்ரில்லர் கதை.. தெலுங்கில் வெளியான முதல் க்ரைம் த்ரில்லர் கலர் படம்

இதே நாளில் அஜித்குமார், சிம்ரன் நடித்த உன்னை கொடு என்னை தருவேன், கார்த்திக், திவ்யா உன்னி நடிக்க கண்ணன் வருவான் ஆகிய படங்களும் 2000ஆவது ஆண்டில் ரிலீசானது. இந்த இரு படங்களும் எதிர்பார்த்த அளவில் வரவேற்பை பெற வில்லை.

அத்துடன் 2017ஆம் ஆண்டில் சமுத்திரகனி இயக்கத்தில் விக்ராந்த், சுனைனா நடித்த தொண்டன், ராதாமோகன் இயக்கத்தில் அருள்நிதி, தான்யா, விவேக் நடித்த ஃபீல் குட் படமான பிருந்தாவனம் ஆகிய படங்களும் வெளியாகி இருக்கின்றன.