தமிழ் செய்திகள்  /  Entertainment  /  Tamil Actors Suriya And Dhanush Spoke At The Centenary Of The Kalaingar

Kalaignar Centenary Function: 'மன்மதராஜா' என்ற கலைஞர்- தனுஷ் பகிர்ந்த நினைவுகள்; சூர்யா சொன்ன அந்த பஞ்ச்!

Marimuthu M HT Tamil
Jan 06, 2024 10:10 PM IST

கலைஞர் நூற்றாண்டு விழாவில் பேசிய நடிகர்கள் சூர்யா, தனுஷ் ஆகியோர், கலைஞர் கருணாநிதி குறித்த தங்களது நினைவுகளைப் பகிர்ந்தனர்.

கலைஞர் நூற்றாண்டு விழாவில் பேசிய சூர்யா - தனுஷ்
கலைஞர் நூற்றாண்டு விழாவில் பேசிய சூர்யா - தனுஷ்

ட்ரெண்டிங் செய்திகள்

இதனையொட்டி, சென்னையில் இன்று பிரமாண்ட கலை நிகழ்ச்சி நடக்கிறது. இவ்விழாவில் நடிகர் ரஜினிகாந்த், கமல்ஹாசன், சூர்யா, வடிவேல், கார்த்தி, தனுஷ், கன்னட ஸ்டார் சிவராஜ்குமார் மற்றும் நடிகை நயன்தாரா, ரோஜா போன்ற பல திரைக்கலைஞர்கள் பங்கெடுத்துள்ளனர்.

அப்போது கலைஞர் நூற்றாண்டு விழா மேடையில் பேசிய நடிகர் சூர்யா, ‘ பராசக்தி படத்தில் கைரிக்‌ஷா இழுத்து வருபவரை பார்த்து சிவாஜி வருத்தப்பட்டு பேசுவார். ‘ நீ வேணும்னா ஆட்சிக்கு வந்து மாத்திக்காட்டேன்’ என காவலர் பேசும் வசனம் வரும். பராசக்தி வெளியாகி 17 ஆண்டுகளுக்குப் பின், ஆட்சிக்கு வந்து மனிதர்கள் கை ரிக்‌ஷா இழுப்பதை ஒழித்தவர், கலைஞர்.கலையை அரசியலாகவும், அரசியலை கலையாகவும் மாற்றியவர் கலைஞர்.
சினிமாவில் எழுத்தின்மூலம் சமூகத்தில் பெரியமாற்றத்தைக் கொண்டுவரமுடியும் என்னும் ட்ரெண்டினை செட் செய்ததே கலைஞர் அவர்கள் தான். அரசியலில் பல மாற்றங்களை தந்திருக்கிறார். பெண்களுக்கு சொத்தில் சம உரிமை, பட்டியலின மக்களுக்கான உரிமைகள் போன்ற பல மாற்றங்களை செய்தவர். அந்த மாற்றங்களை சினிமாவிலும் விடாமல் கைப்பிடித்து கொண்டு வந்தவர். அதனாலேயே ஆசையாக மரியாதையாக கலைஞர் என்று கூப்டுறோம். முதலில் அவர் படைப்பாளி. அத்தகைய படைப்பாளிக்கு திரைத்துறையினர் அனைவரும் சேர்ந்து விழா எடுப்பதை முக்கியமான விழாவாகப் பார்க்கிறேன். கலைஞர் அவர்களுக்கும் அவரது எழுதுகோலுக்கும் எனது மரியாதைகள். அவரை நேரில் பார்த்திருக்கிறேன். ஆசிர்வாதம் வாங்கியிருக்கேன் என்பதில் எனக்கு ரொம்ப ரொம்ப சந்தோஷம். நன்றி’’ எனப் பேசினார். 

இதைத்தொடர்ந்து பேசிய நடிகர் தனுஷ், ‘’கலைஞரின் அரசியல், சினிமா சாதனை குறித்துப் பேச எனக்கு வயதோ அனுபவமோ இல்லை. முதன்முதலில் ஒரு படப்பூஜையின்போது, அவரை சந்தித்தேன். அப்போது என்னை வாங்க 'மன்மதராஜா' எனக்கூறி அழைத்தார். கலைஞர் பற்றி பேசினால் தான் அவர் மறைந்துவிடார் எனத் தோன்றுகிறது. அதுவரை அவர் இருப்பதாகத் தான் நினைக்கிறேன்.

அசுரன் படம் திரைக்கு வந்தபோது, தொலைபேசியில் அழைத்த முதலமைச்சர் மு.க.ஸ்டாலின், ‘பிரதர், நான் ஸ்டாலின் பேசுகிறேன்’ என்று கூறி வாழ்த்து சொன்னார். பிரதர் என்று அழைத்தபோது எவ்வளவு இயல்பாக முதலமைச்சர் இருக்கிறார் எனத்தெரிந்துகொண்டேன். முதலமைச்சர் என்பவர் எட்ட முடியாத வானத்து நட்சத்திரமாக இருப்பதைக் காட்டிலும் எல்லோரும் எளிதில் அணுகக் கூடியவராக இருப்பதைக் கண்டு மகிழ்ச்சி அடைகிறேன்’’ என்றார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்

பொழுதுபோக்கு மற்றும் பிக்பாஸ் , கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.