தோலில் ஏற்படும் பிரச்னையை மறைக்க மேக்கப்.. அரிய வகை நோய் பாதிப்பில் அவதிப்படும் தமன்னா காதலர் விஜய் வர்மா

விஜய் வர்மாவுக்கு அரிய வகை நோய்

தமன்னாவின் காதலரான விஜய் வர்மா அரிய வகை தோல் நோய் பாதிப்பால் அவதிப்பட்டு வருகிறாராம். இதுபற்றி அவர வெப்சீரிஸ் ஒன்றின் புரொமோஷனல் நிகழ்ச்சியில் வெளிப்படுத்தியுள்ளார். தனது ஏற்பட்டிருக்கும் தோல் சார்ந்த பாதிப்பு குறித்து விஜய் வர்மா கூறியதாவது, " விடிலிகோ என்ற தோல் சார்ந்த பாதிப்பு எனக்கு உள்ளது. இதன் காரணமாக வெண்புள்ளிகளை தோன்றும்.

முதலில் இதை பற்றி அறிந்தவுடன் பயந்து போனேன். குறிப்பாக நான் நடிப்பில் தீவிர கவனம் செலுத்தும்போது என்னை மிகுந்த கவலையடைய செய்தது. ஆனால் தற்போது என்னை இந்த பாதிப்பானது தொந்தரவு செய்யவில்லை. இது ஒரு காஸ்மெடிக் சார்ந்த பிரச்னை. அத்துடன் நடிக்கும்போது அதை மறைப்பதற்கு மேக்கப் போட்டுக்கொள்வேன். ஆனால் பொது வாழ்க்கையில் அதை செய்து கொள்வது இல்லை. எனக்கு ஏற்பட்டிருப்பது தொற்று நோய் அல்ல. சினிமாவில் பிஸியான நடிகரான பிறகு இந்த விஷயத்தைப் பற்றி யோசிப்பதை நிறுத்திவிட்டேன்" என்றார்.

விஜய் வர்மா - தமன்னா காதல்

தென்னிந்திய சினிமாக்களில் முன்னணி நடிகையாக வலம் வந்த தமன்னா, பாலிவுட் பக்கம் சென்று அங்கும் முன்னணி நடிகையாக உருவெடுத்துள்ளார். தமன்னாவில் பாலிவுட்டில் தனக்கென தனியொரு இடத்தை பிடிக்க காரணமாக நெட்பிளிக்ஸ் ஓடிடியில் வெளியான லஸ்ட் ஸ்டோரிஸ் 2 வெப்சீரிஸ் அமைந்தது. அத்துடன் இந்த சீரிஸ் தமன்னா - விஜய் வர்மா காதலுக்கும் அடித்தளமாக அமைந்தது.

இதில் செக்ஸ் வித் எக்ஸ் என்ற பகுதியில் தமன்னா - விஜய் வர்மா ஜோடி நடித்தார்கள். பாலியல் உறவை மையைப்படுத்திய லஸ்ட் ஸ்டோரிஸ் சீரிஸில் தமன்னா உச்சக்கட்ட கவர்ச்சியும், நெருக்கமான காட்சிகளிலும் நடித்து ரசிகர்களை சூடேற்றினார். விஜய் வர்மாவுடனான அவரது லிப்லாக், நெருக்கம் நிறைந்த காட்சிகள் சமூக வலைத்தளங்களில் வைரலாகின.

இந்த சீரிஸில் நடித்துக்கொண்டிருக்கும்போதே இருவருக்கும் இடையே காதலும் பற்றிக்கொண்டது. தொடர்ந்து இவர்கள் பல இடங்களுக்கு நெருக்கமாக சுற்றி திரிந்த நிலையில், ஒரு கட்டத்தில் விஜய் வர்மாவை காதலிப்பதாக தமன்னா வெளிப்படுத்தினார். அத்தோடு இருவரும் திருமணம் செய்து கொள்ள போவதாகவும் தெரிவித்தார்.

காதல் ஜோடிகளாக இருவரும் இருந்து வரும் நிலையில் திருமணம் குறித்து எதுவும் பேசாமல் நீண்ட காலமாக ரிலேஷன்ஷிப்பில் இருந்து வருகிறார்கள். அநேகமாக இந்த ஆண்டில் இந்த ஜோடிக்கிளகள் திருமண பந்தத்தில் இணையும் என்கிற எதிர்பார்ப்பில் ரசிகர்கள் உள்ளார்கள்.

விஜய் வர்மா, தமன்னா படங்கள்

விஜய் வர்மா நடிப்பில் கடந்த ஆண்டில் மர்டர் முபாரக் என்கிற த்ரில்லர் படமும், IC 814: காந்தகார் ஹைஜெக் என்ற நெட்பிளிக்ஸ் சீரிஸும் வெளியானது. தற்போது உல் ஜலூல் இஸ்க் என்ற படத்தில் நடித்து வருகிறார். இதேபோல் தமன்னா நடிப்பில் கடந்த ஆண்டில் தமிழில் அரண்மனை 4, இந்தியில் ஸ்த்ரி 2, வேதா,சிக்கந்தர் கா முகத்தார் ஆகிய படங்கள் கடந்த ஆண்டில் வெளியாகின. தற்போது ஒடேலா 2 என்ற தெலுங்கு படத்தில் நடித்து வருகிறார்.