ரிலீஸ் தேதி தள்ளி வைப்பு.. மீண்டு வருமா ஃபீனிக்ஸ்! வெளியாகும் முன்பே அடிமேல் அடி வாங்கும் வீழான்..
நடிகர் விஜய் சேதுபதியின் மகன் சூர்யா சேதுபதி நாயகனாக நடிக்கும் ஃபீனிக்ஸ் திரைப்படம் நாளை வெளியாக இருந்த நிலையில், அதன் ரிலீஸ் தேதி தள்ளி வைக்கப்பட்டுள்ளது.
தமிழ் மட்டுமல்லாமல் இந்திய சினிமாவிலும் கலக்கி வருகிறார் விஜய் சேதுபதி. தமிழ் சினிமாவில் துணை நடிகராக பல ஆண்டுகள் நடித்தும் மக்கள் மத்தியில் கவனம் பெறாமல் இருந்த விஜய் சேதுபதி, இயக்குநர் கார்த்திக் சுப்புராஜின் உதவியால் மக்கள் மத்தியில் பிரபலமானார். இதையடுத்து, அவர் கதாநாயகனாக சினிமாவில் நடிக்க ஆரம்பித்தார். அப்போதும், துணை கதாப்பாத்திரம், வில்லன் கதாப்பாத்திரம் போன்றவற்றையும் ஏற்று நடித்து தற்போது சினிமா உலகின் புகழின் உச்சியில் இருக்கிறார்.
சூர்யா சேதுபதி
இந்த சமயத்தில் தான் விஜய் சேதுபதியின் மகன், சூர்யா தமிழ் சினிமாவில் அறிமுகமானார். இவர், விஜய் சேதுபதி நடித்த நானும் ரவுடி தான் படத்திலும், சிந்துபாத் படத்திலும் குழந்தை நட்சத்திரமாக நடித்தார். இதையடுத்து தற்போது, சண்டை பயிற்சியாளர் அனல் அரசு எடுக்கும் ஃபீனிக்ஸ் எனும் திரைப்படத்தில் கதாநாயகனாக நடித்துள்ளார். இப்படத்திற்காக சூர்யா சேதுபதி பிரத்யேகமாக பாக்ஸிங் பயிற்சி எடுத்து நடித்திருக்கிறார்.
ஆரம்பத்தில் இருந்தே பிரச்சனை
இவர், இந்தப் படத்தில் நடிக்கத் தொடங்கிய சமயத்தில் இருந்தே பிரச்சனை தான். சமூக வலைதளங்களில் பலரும் சூர்யா சேதுபதி நடிக்க வருவதை எதிர்த்து பல கருத்துகளைக் கூறி வந்தனர். இந்நிலையில், பீனிக்ஸ் திரைப்படம் நாளை நவம்பர் 14-ந் தேதி ரிலீஸ் ஆகும் என அறிவிக்கப்பட்டு அதற்கான புரமோஷன் பணிகளும் நடைபெற்று வந்தது.