தமிழ் சினிமா ரீவைண்ட்: சூர்யா நடித்து டைம்ட்ராவல் கான்செப்டில் வந்த படம்.. மே 6 முந்தைய ஆண்டுகளில் ரிலீசான படங்கள்

மேலும் படிக்க: காமராஜர் பாராட்டிய படம்.. 175 நாள்கள் ஓடிய பட்டிக்காடா பட்டணமா

எம்.எஸ். விஸ்வநாதன் இசையில் சிறந்த கிளாசிக்கல் குத்து பாடலாக இருந்து வரும் அடி என்னடி ராக்கம்மா என்ற பாடல் இந்த படத்தில் தான் இடம்பிடித்துள்ளது.

வேடன்

சுரேஷ் கிருஷ்ணா இயக்கத்தில் சரத்குமார், குஷ்பூ, சரண்ராஜ் பிரதான கதாபாத்திரத்தில் நடித்து க்ரைம் ஆக்சன் த்ரில்லர் படமாக 1993இல் ரிலீசானது வேடன். வில்லன் கூட்டத்தில் போலீசாக இருக்கும் சரத்குமார் இணைந்து, அந்த கூட்டத்தின் தலைவனான சரண்ராஜை எப்படி பிடிக்கிறார் என்பது தான் படத்தின் கதை.

ப்ளாக் அண்ட் ஒயிட் காலத்தில் இருந்து விஜய்யின் போக்கிரி படம் வரை பார்த்து பழகிய கதையாக இருந்தாலும் வித்தியாசமான திரைக்கதை, மேக்கிங் மூலம் படம் ரசிகர்களை கவர்ந்தது. தேவா இசையமைப்பில் படத்தின் பாடல்கள் ஹிட்டடித்தன. அதுமட்டுமல்லாமல் பின்னணி இசையும் பேசப்படும் விதமாக அமைந்திருந்தது.

ஜித்தன்

ஆர்.கே. வின்சென்ட் செல்வா இயக்கத்தில் தயாரிப்பாள் ஆர்.பி. செளத்ரி மூத்த மகனான ரமேஷ், பூஜா, சரத்குமார், பிரதான கதாபாத்திரத்தில் நடித்து சூப்பர்நேச்சுரல் ரொமாண்டிக் த்ரில்லர் படமாக உருவாகி 2005இல் ரிலீசான படம் ஜித்தன்.

படத்தின் வித்தியாசமான கதை ரசிகர்களை வெகுவாக கவர்ந்த நிலையில் நல்ல வசூலை பெற்று ஹிட்டானது. இந்த படத்துக்கு பின் ரமேஷ், ஜித்தன் ரமேஷ் என்று அழைக்கப்படும் அளவில் படம் பெயர் பெற்றது

மேலும் படிக்க: ஹன்சிகாவுக்கு பாலியல் தொல்லை கொடுக்க ஹீரோ.. ட்வீட் மூலம் பதில்

எங்கேயும் காதல்

பிரபுதேவா இயக்கத்தில் ரவி மோகன் (ஜெயம் ரவி), ஹன்சிகா பிரதான கதாபாத்திரத்தில் நடிக்க ரொமாண்டிக் திரைப்படமாக 2011இல் ரிலீசான படம் எங்கேயும் காதல். முழுக்க வெளிநாடுகளில் படமாக்கப்பட்ட இந்த படம் ரசிகர்களை கவர்ந்து ஹிட்டானது. ஹாரிஸ் ஜெயராஜ் இசையில் படத்தின் அனைத்து பாடல்களும் ஹிட்டானதுடன், ஹாரிஸின் சிறந்த ஆல்பங்களில் ஒன்றாக உள்ளது

24

விக்ரம் குமார் இயக்கத்தில் சூர்யா, சமந்தா, நித்யா மேனன் பிரதான கதாபாத்திரத்தில் நடிக்க சயின்ஸ் பிக்சன் ஆக்சன் த்ரில்லர் பாணியில் உருவாகி 2016இல் ரிலீசான படம் 24. தமிழ் சினிமாவில் டைம் ட்ராவல் என்ற புதுமையான கான்செப்டில் சூர்யா மூன்று வேடங்களில் நடித்து இந்த படம் விமர்சகரீதியாக பாராட்டை பெற்றது.

டைம் ட்ராவல் கதை என்பதால் படத்தில் விஷுவல் எபெக்ட்ஸ் காட்சிகள் ரசிக்ககூடிய வகையில் அமைந்திருந்தன. படத்தில் சூர்யா ஒரு கதாபாத்திரத்தில் வில்லனாக தோன்றி சிறப்பான நடிப்பை வெளிப்படுத்தியிருப்பார். ஆத்ரேயா என்கிற அவரது வில்லன் கதாபாத்திரம் ரசிகர்களை வெகுவாக கவர்ந்தன.

மேலும் படிக்க: அழுகாத என்னையே உருகி அழவைத்த மெயில்.. சூர்யா ஷேரிங்ஸ்

ஏ.ஆர். ரஹ்மான் இசையில் படத்தின் பாடல்கள் மற்றும் பின்னணி இசை பட்டையை கிளப்பும் விதமாக அமைந்திருந்தன. இரண்டு தேசிய விருது பிலிம்பேர் விருதை வென்ற இந்த படம், சூர்யா நடிப்பில் பாக்ஸ் ஆபிஸில் ரூ. 100 கோடி வசூலை ஈட்டிய படங்களில் ஒன்றாகவும் உள்ளது.