Kanguva Review:‘மெய் சிலிர்க்க வைச் சுட்டாங்க.. சூர்யா நடிப்பு உச்சம்' - கங்குவா முதல் விமர்சனம்!
Kanguva Review: கங்குவா படத்தை பார்த்த பிரபலம் ஒருவர் தன்னுடைய ட்விட்டர் பக்கத்தில், படத்தின் விமர்சனத்தை பதிவிட்டு இருக்கிறார்.
நடிகர் சூர்யாவின் 42ஆவது திரைப்படமான கங்குவா படத்தை இயக்குநர் ‘சிறுத்தை’ சிவா இயக்கி வருகிறார். இந்தப் படத்தில் சூர்யாவிற்கு ஜோடியாக பாலிவுட் நடிகை திஷா பதானி நடிக்கிறார்.
அனிமல் திரைப்படத்தில் வில்லனாக நடித்து பிரபலமான பாபி தியோல் இந்தப்படத்திலும் வில்லனாக நடிக்கிறார். இவர்களுடன் நடிகர்கள் யோகி பாபு, ஆனந்த் ராஜ், ரெடின் கிங்ஸ்லி, ரவி ராகவேந்திரா உள்ளிட்டப் பல நடிகர்கள் நடித்துள்ளனர். இசையமைப்பாளர் தேவி ஸ்ரீபிரசாத் இந்தப்படத்திற்கு இசையமைத்து இருக்கிறார். இந்தப்படத்தின் முதல் விமர்சனத்தை பாடலாசிரியர் விவேகா தன்னுடைய ட்விட்டர் பக்கத்தில் வெளியிட்டு இருக்கிறார்.
கங்குவா படத்தின் முதல் விமர்சனம்
அதில் பதிவிட்டு இருக்கும் அவர், " கங்குவா' படம் பார்த்து மெய் சிலிர்த்து போனேன். இந்திய சினிமாவின் பெருமை மிகு பிரம்மாண்டம்! இயக்குநர் சிவா நம்மை வேறு உலகிற்கு அழைத்துச் செல்கிறார்..சூர்யா சாரின் நடிப்பு உச்சம்...இந்த படத்தில் பங்கு கொண்டு பணியாற்றியதற்கு நான் பெருமை படுகிறேன். " என்று பதிவிட்டு இருக்கிறார். இந்த பதிவிற்கு பலரும் சோசியல் மீடியாவில் வாழ்த்துகளை தெரிவித்து வருகின்றனர்.
சிறுத்தை சிவா பேட்டி
இந்தப்படம் குறித்து முன்னதாக பேட்டியளித்த சிறுத்தை சிவா, “சூர்யா சாருடன் பணிபுரிந்தது அருமையான அனுபவம். அவர் ஒரு சிறந்த நடிகர்; ஒரு சிறந்த மனிதர்; அவருடன் வேலை பார்த்தது வசதியாக இருக்கிறது.
அவர் எங்களின் வேலையில் மிகவும் மகிழ்ச்சி அடைந்துள்ளார். மொத்த குழுவும் இந்த வாய்ப்பை எப்படியான ஒரு வாய்ப்பு என்பதை உணர்ந்து இருக்கிறது. தயாரிப்பாளர்களும் இந்த கதையை நம்பி என்னுடைய விஷனை பெரிய திரையில் கொண்டு வர விரும்பி இருக்கிறார்கள்.” என்றார்.
இந்த திரைப்படத்தின் மூலமாக தமிழ் திரையுலகில் கால் பதித்து இருக்கும் திஷா பதானி சூர்யாவிற்கு ஜோடியாக நடித்து இருக்கிறார். மேலும் அவர் தனக்கு இது தனித்துவமான அனுபவமாக இருந்தது என்றும் கூறினார். போஸ்டரில் காண்பிக்கப்பட்டு இருக்கும் கழுகு, டைட்டில் அறிவிப்பு வீடியோவில் வந்த நாய் மற்றும் குதிரை ஆகியவற்றுக்கு படத்தின் கதையில் சம்பந்தம் இருக்கிறது” என்றார்.
ஓடிடி உரிமம்
அமேசான் பிரைம் வீடியோ கங்குவா படத்தின் டிஜிட்டல் உரிமையை வாங்கி இருக்கிறது. இதற்காக பிரைம் வீடியோ ரூ.80 கோடி கொடுத்துள்ளதாகவும், தமிழ், தெலுங்கு, கன்னடம் மற்றும் மலையாளம் போன்ற தென்னிந்திய மொழிகளுக்கு மட்டுமே இவ்வளவு பெரிய தொகையை செலுத்தி இருக்கிறது என்றும் அந்தப்படத்தின் தயாரிப்பாளர் ஞானவேல்ராஜா கூறியிருந்தார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்