தமிழ் சினிமா ரீவைண்ட்: சூர்யா - ஜோதிகா நடிப்பில் சூப்பர் ஹிட்டான படம்.. மே 7 முந்தைய ஆண்டுகளில் ரிலீசான படங்கள் லிஸ்ட்
மே 7ஆம் தேதி முந்தைய ஆண்டுகளில் சூர்யா - ஜோதிகா நடித்த சூப்பர் ஹிட் படம் வெளியாகியுள்ளது. முந்தைய ஆண்டுகளில் இந்த நாளில் வெளியாகி ரசிகர்களின் கவனம் ஈரத்த மேலும் சில படங்கள் பற்றி ரீவைண்ட் செய்து பார்க்கலாம்
மே 7, 2025க்கு முன், இதே தேதியில் முந்தைய ஆண்டுகளில் சூர்யா - ஜோதிகா இணைந்து நடித்த பேரழகன், ராகவா லாரன்ஸ் நடித்த இரும்புக்கோட்டை முரட்டு சிங்கம், எஸ்வி சேகர் நடித்த மணல் கயிறு போன்ற ரசிகர்கள் மத்தியில் கவனம் பெற்ற படங்கள் வெளியாகியுள்ளன. இந்த படங்கள் பற்றிய சுவாரஸ்ய விஷயங்களை ரீவைண்ட் செய்து பார்க்கலாம்
பேரழகன்
சசி சங்கர் இயக்கத்தில் சூர்யா, ஜோதிகா, விவேக் பிரதான கதாபாத்திரத்தில் நடிக்க காமெடி ட்ராமா பாணியில் உருவாகி 2004இல் ரிலீசான படம் பேரழகன். சூர்யா வளர்ந்து வரும் ஹீரோவாக இருந்த போது வெளியாகி, அவருக்கு முக்கிய ஹிட் படமாக பேரழகன் படம் அமைந்திருந்தது.
படத்தில் சூர்யா, ஜோதிகா என இருவரும் டபுள் ஆக்டிங்கில் நடித்திருப்பார்கள். மலையாளத்தில் திலீப் நடித்து சூப்பர் ஹிட்டான குஞ்சுகூனன் படத்தின் ரீமேக்காக உருவாகியிருந்த பேரழகன் தமிழிலும் சூப்பர் ஹிட்டானது. இந்த படத்துக்காக சூர்யா சிறந்த நடிகர் மற்றும் ஜோதிகா சிறந்த நடிகைக்கான தமிழ்நாடு அரசின் விருதை வென்றனர். அதேபோல் சிறந்த நடிகர் பிலிம்பேர் விருதை சூர்யாவும், சிறந்த காமெடி நடிகர் பிலிம்பேர் விருதை விவேக்கும் வென்றனர்