Suriya 45: ரெட்ரோ போல் சூர்யா 45க்கு மாஸ் டைட்டில்.. பொங்கலில் அறிவிக்க பிளான்.. முன்னரே லீக்கானதால் படக்குழு ஷாக்

இதையடுத்து கார்த்திக் சுப்புராஜ் இயக்கத்தில் சூர்யா நடித்திருக்கும் புதிய படமான ரெட்ரோ வரும் கோடை விடுமுறையில் திரைக்கு வரவுள்ளது. கடந்த சில நாள்களுக்கு முன் வெளியான படத்தின் டைட்டில் டீஸர் ரசிகர்களை வெகுவாக கவர்ந்தது.

விறுவிறுப்பாக நடைபெறும் சூர்யா 45 படம்

இந்த படத்தை தொடர்ந்து ஆர்.ஜே. பாலாஜி இயக்கும் புதிய படத்தில் நடித்து வருகிறார் சூர்யா. சூர்யா 45 என்று அழைக்கப்படும் இந்த படத்தில் அவருக்கு ஜோடியாக த்ரிஷா நடிக்கிறார். அத்துடன் படத்தின் இயக்குநரான ஆர்.ஜே. பாலாஜியே, சூர்யாவுக்கு வில்லனாக நடிக்கிறாராம். படம் லீகல் ட்ராமா பாணியில் உருவாகி வருவதாக கூறப்படுகிறது.

இந்த படத்தின் படப்பிடிப்பு கடந்த நவம்பர் மாதம் பொள்ளாச்சி அருகே உள்ள பிரசித்தி பெற்ற ஆனைமலை மாசாணியம்மன் கோயிலில் ரசிகர்களுக்கு மத்தியில் படத்தின் பூஜையுடன் தொடங்கியது. பொள்ளாச்சி மற்றும் அதன் சுற்று வட்டார பகுதிகளில் படத்தின் படப்பிடிப்பு விறுவிறுப்பாக நடைபெற்று வருகிறது.

மாஸ் டைட்டில் லீக்

இதையடுத்து சூப்பர் ஸ்டார் ரஜினி, தளபதி விஜய் நடித்த மாஸ் படங்களுக்கான டைட்டில் போல் சூர்யா 45 படத்துக்கும் மாஸ்ஸான டைட்டில் வைக்கப்பட்டுள்ளதாக கூறப்படுகிறது. அதன்படி படத்துக்கு பேட்டைக்காரன் என தலைப்பு வைக்கப்பட்டுள்ளதாக தகவல்கள் உலா வருகின்றன.

இந்த படத்தின் டைட்டடிலை ரகசியாக வைத்திருத்த படக்குழுவினர் பொங்கலை முன்னிட்டு ரசிகர்களுக்கு சர்ப்ரைசாக அறிவிக்கலாம் என முடிவு செய்திருந்தார்களாம். ஆனால் தற்போது சூர்யா 45 பட டைட்டில் லீக்காகி இருப்பது படக்குழுவினரை அதிர்ச்சியில் ஆழ்த்தியுள்ளது. ஏற்கனேவே சூர்யாவின் ரெட்ரோ பட டைடட்டிலும் இப்படிதான் முறையான அறிவிப்புக்கு முன்னரே வெளியானது. அதன் பிறகு தற்போது சூர்யாவின் அடுத்த படத்தின் டைட்டில் குறித்தும் தகவல் வெளியாகியுள்ளது.

இருப்பினும் சூர்யா 45 டைட்டில் இதுதானா அல்லது வேறெதுவும் சர்ப்ரைஸ் வைத்திருக்கிறார்களா என்று பொருத்திருந்து தான் பார்க்க வேண்டும்.

சூர்யா 45 படம்

ட்ரீம் வாரியர்ஸ் பிக்சர்ஸ் சார்பில் எஸ்.ஆர். பிரபு தயாரிக்கும் இந்த படத்தில் லப்பர் பந்து படத்தில் நடித்த சுவாசிகா, ஷிஷிவிதா, யோகி பாபு, நட்டி சுப்பிரமணியம், மலையாள நடிகர் இந்திரன்ஸ் உள்ளிட்டோர் முக்கிய கதாபாத்திரத்தில் நடிக்கிறார்கள். முதலில் இந்த படத்துக்கு ஏ.ஆர். ரஹ்மான் இசையமைப்பார் என்று அறிவிக்கப்பட்டது. ஆனால் அவர் சில கமிட்மெண்ட்களால் விலகிய நிலையில் கட்சிசேர ஆல்பம் பாடல் புகழ் சாய் அப்யங்கர் இசையமைக்கிறார். 

மேயாத மான், ஆடை படங்களின் இயக்குநர் ரத்னகுமார், ஆர்.ஜே. பாலாஜியுடன் இணைந்து படத்துக்கு திரைக்கதை அமைத்துள்ளார். இந்த ஆண்டு இறுதிக்குள் படத்தை வெளியிட திட்டமிட்டுள்ளனர். 2005இல் வெளியான ஆறு படத்துக்கு பின்னர் 20 ஆண்டுகளுக்கு பிறகு சூர்யா - த்ரிஷா ஆகியோர் மீண்டும் இந்த படத்தில் ஜோடி சேர்ந்துள்ளனர்.