தமிழ் செய்திகள்  /  Entertainment  /  Srk Chants Jai Shri Ram At Anant-radhikas Pre-wedding Event And Dances With Suhana

SRK chants Jai Shri Ram: ஆனந்த் - ராதிகா திருமண முன் நிகழ்வு: ஜெய்ஸ்ரீராம் கோஷமிட்ட ஷாருக்கான்

Marimuthu M HT Tamil
Mar 03, 2024 10:27 AM IST

ஆனந்த் அம்பானி மற்றும் ராதிகா மெர்ச்சன்ட் ஆகியோரின் திருமணத்திற்கு முந்தைய மூன்று நாள் கொண்டாட்டங்கள் ஜாம்நகரில் நடந்து வருகின்றன. அதில் நடிகர் ஷாருக்கான் கருப்பு குர்தா, பைஜாமா அணிந்து நடனமாடினார்.

ஆனந்த் - ராதிகா திருமண முன் நிகழ்வு:  ஜெய்ஸ்ரீராம் கோஷமிட்ட ஷாருக்கான்
ஆனந்த் - ராதிகா திருமண முன் நிகழ்வு: ஜெய்ஸ்ரீராம் கோஷமிட்ட ஷாருக்கான்

ட்ரெண்டிங் செய்திகள்

இரண்டாம் நாள் நிகழ்வான, நேற்று(மார்ச் 3) சனிக்கிழமை மாலை நடந்த நிகழ்ச்சியில் நடிகர் ஷாருக்கானின் பல வீடியோக்கள் மற்றும் புகைப்படங்கள் சமூக ஊடக தளங்களில் வெளிவந்தன.

ஜெய் ஸ்ரீராம் என்று கோஷமிட்ட ஷாருக்: 

அந்த நிகழ்வில், ஷாருக்கான் கருப்பு குர்தா, ஜாக்கெட் மற்றும் பைஜாமா அணிந்து மேடைக்கு வந்தார். அவர் இந்தியிலும் ஆங்கிலத்திலும் " 'ஜெய் ஸ்ரீராம்'. கடவுள் உங்கள் அனைவரையும் ஆசீர்வதிப்பார். நடன நிகழ்ச்சிகளைப் பார்த்திருப்பீர்கள். சகோதர - சகோதரிகள் நடனமாடினார்கள். ஆனால், பிரார்த்தனைகளும் ஆசீர்வாதங்களும் இல்லாமல் ஒருவர் வாழ்வில் முன்னேற முடியாது. 

எனவே, அம்பானி குடும்பத்தின் சக்திமிக்க பெண்கள் எனப்படும், குடும்பத்தின் திரிதேவியரை (சரஸ்வதி, லட்சுமி மற்றும் பார்வதி) அனைவருக்கும் அறிமுகப்படுத்த ஒரு கணம் ஒதுக்குகிறேன். அவர்களின் பிரார்த்தனைகளும் ஆசீர்வாதங்களும் இந்த குடும்பத்தை ஒன்றாக வைத்திருக்கின்றன. பின்னர் ஷாருக்கான் கோகிலாபென் அம்பானி, பூர்ணிமா தலால் மற்றும் தேவயானி கிம்ஜி ஆகியோரை திரையில் அறிமுகப்படுத்தி ராதிகா மற்றும் ஆனந்த் ஆகியோரை ஆசீர்வாதம் செய்ய வைத்தார்.

பதான் பாடலுக்கு நடனமாடிய ஷாருக்:

அதன் சோசியல் மீடியாவில் வைரலான மற்றொரு வீடியோவில், ஷாருக்கான் தனது நடிப்பில் உருவாகி, 2023ஆம் ஆண்டு ரிலீஸான ’பதான்’ படத்தின் ’ஜூம் ஜோ பதான்’ பாடலுக்கு நடனமாடினார். ஷாருக்கான் தனது கையொப்ப நகர்வுடன் தனது நடனத்தை நிறுத்தியதன் மூலம் அந்த வீடியோ கிளிப் முடிந்தது. பின்னர் மைக்கை எடுத்து திரும்பி, இப்போது என்ன ஆனது, ஆனந்த் என்று கேட்டார்.

தில்ஜித்தின் பாடலுக்கு நடனமாடிய ஷாருக், சுஹானா, நவ்யா, அனன்யா:

தில்ஜித் டோசன்ஜ் தனது ஹிட் பாடலை மேடையில் பாட, ஷாருக் நடனமாடினார். அவருடன் அவரது மகள் சுஹானா கான், அமிதாப் பச்சனின் பேத்தி நவ்யா நவேலி நந்தா, அனன்யா பாண்டே மற்றும் ஷானயா கபூர் ஆகியோர் கலந்து கொண்டு ஆடினர். 

இந்த நிகழ்ச்சிக்காக, தில்ஜித் ஒரு வெள்ளை ஆடை மற்றும் அதற்கு பொருத்தமான தலைப்பாகையில் காணப்பட்டார். சுஹானா நீல நிற சேலையையும், நவ்யா வெள்ளி நிற ஆடையினையும் அணிந்திருந்தனர். அனன்யா நியான் பச்சை நிற லெஹங்காவில் காணப்பட்டார். ஷானயா கபூர், ஆரஞ்சு நிற ஆடை அணிந்திருந்தார்.

ஆனந்த் மற்றும் ராதிகாவின் திருமணத்திற்கு முந்தைய நிகழ்வு:

இந்த திருமணச் சடங்குகள், முகேஷ் அம்பானி மற்றும் நீதா அம்பானியின் இளைய மகன் ஆனந்துக்காக நடக்கிறது. விரேன் மெர்ச்சன்ட் - ஷைலா மெர்ச்சன்ட் தம்பதியின் மகள் ராதிகா மெர்ச்சன்ட், ஆனந்த் அம்பானியை மணக்கயிருக்கிறார். ராதிகா மெர்ச்சண்ட் மற்றும் ஆனந்த் அம்பானிக்கு, ஜூலை மாதம் திருமணம் நடைபெற உள்ள நிலையில், நான்கு மாதங்களுக்கு முன்னதாக மூன்று நாள் முன், திருமண நிகழ்வு நடைபெறுகிறது.

இந்த விழாவில் பங்கேற்க உலகம் முழுவதிலுமிருந்து விருந்தினர்கள் ஜாம்நகருக்கு வந்தனர். பாலிவுட் பிரபலங்கள் சல்மான் கான், அமீர்கான், சைஃப் அலிகான், கரீனா கபூர், தீபிகா படுகோனே, விக்கி கௌஷல், கத்ரீனா கைஃப், ரன்பீர் கபூர் மற்றும் ஆலியா பட் உள்ளிட்டப் பலர் கலந்து கொண்டனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

 

IPL_Entry_Point

டாபிக்ஸ்