Meesaya Murukku: 'தோத்தாலும் ஜெயித்தாலும் மீசைய முறுக்கு’.. காதல் தோல்வி வலியைத் தாண்டி இசைக்கலைஞர் ஜெயித்த கதை

ஆதி, தமிழில் ராப் பாடி, தனது பாடல்களை ’’ஹிப்ஹாப் தமிழா’’ என்னும் தன் யூட்யூப் பக்கத்தில் அவ்வப்போது பதிவேற்றி வருவதால் கல்லூரியில் தெரிந்த முகமாக இருக்கிறார். நிலா மற்றும் ஆதியின் காதல், நிலாவின் வீட்டில் இறுதி செமஸ்டர் சமயத்தில் தெரிந்துவிடுகிறது. அப்போது நிலாவின் தந்தையும் அவரது மாமாவும் ஆதி குடும்பத்தினரிடம் இந்த காதலை ஆதியை முறிக்கச் சொல்லுமாறு மிரட்டுகின்றனர். இதனால் தன்னை நிரூபிக்கவேண்டிய நிலைமைக்குத் தள்ளப்பட்ட ஆதி, தனது தந்தையிடம் தான் சுயாதீன இசைக்கலைஞர் ஆவேன், அப்படி ஆகமுடியவில்லையென்றால் ஒரு வருடத்தில் ஊர் திரும்புவதாகச் சொல்லிவிட்டுக் கிளம்புகிறார். மேலும், ஆதியும் ஒருவருடத்திற்குள் நல்ல வருமானம்தரும் பணியில் நுழைந்தபின், நிலாவை மணமுடிப்பதாகச் சொல்லிவிட்டுக் கிளம்புகிறார். இதற்கு, நிலா மற்றும் ஆதியின் தந்தை இதனை அரைமனதுடன் ஏற்றுக்கொள்கின்றார்கள்.

ஆதியும் ஜீவாவும், தங்கள் வாத்தியக் கருவிகளூடன் சென்னைக்குச் சென்று, தன் சீனியரின் ரூமில் தங்கி வாய்ப்பு தேடுகின்றனர். அப்போது அனைத்து முயற்சிகளும் கிட்டத்தட்ட ஆதிக்கு தோல்வியில் முடிகிறது. வீட்டில் இருந்தும் ஒரு ரூபாய் கூட ஆதி இந்த காலத்தில் பெறவில்லை. அப்போது ரேடியோ மிர்ச்சியின் ஆர்ஜே ‘மாகாபா ஆனந்த்’ ஒரு நிகழ்வில், ஆதியின் ‘கிளப்புல மப்புல’ பாட லைவ் ஆக பாட அனுமதிக்கிறார். அப்போது அந்நிகழ்ச்சியை முடித்துவிட்டு சரியான வாய்ப்பு கிடைக்காத விரக்தியில், கோவைக்கு வந்து சேர்கிறார், ஆதி.

அப்பாவின் அறிவுரைப்படி, எம்.பி.ஏ படிப்பைப் படிக்க சென்னையில் அட்மிஷன் போடுகிறார், ஆதி. அப்போது ஒரு இரவு தூங்கி எழுந்ததும் ‘கிளப்புல மப்புல’ பாடலை ஷோவில் பாடியதை நண்பர் ஒருவர் யூட்யூப்பில் பதிவேற்றியதால், அப்பாடல் பல லட்சம் பேர் பார்த்து வைரல் ஆகியுள்ளது. அப்போது ஆதிக்கு நம்பிக்கை பிறக்கிறது. சென்னையில் படித்துக்கொண்டே வாய்ப்பு தேடுவதாக, தன் தந்தையிடம் கூறுகிறார். அப்படி சென்னையில் ஆதி இருக்கும்போது, ஆதியை வைத்து ஒரு நேரலை இசை நிகழ்ச்சி நடத்த இசை நிறுவனம் ஒன்று முன் வருகிறது.

இதற்கிடையே நிலா, தன் வீட்டில் காதல் திருமணத்திற்கு சம்மதிக்கவில்லை என்பதால், தன் காதலை முறித்துக்கொள்வதாக அறிவிக்கிறாள். இதனால் நேரலை இசை நிகழ்ச்சிக்கும் தயார் ஆக முடியாமல், காதல் தோல்வி மனநிலையிலும் தவிக்கும் ஆதி, ஒருவழியாக மிகுந்த சோகத்துடன் அந்த நிகழ்ச்சியை நடத்துகிறார். அந்த நிகழ்ச்சிகளில் பாடப்படும் பாடல்கள் பெரியளவில் ஹிட்டாகிறது. அதன்பின், ஆதியும் ஜீவாவும் தங்களது ‘ஹிப்ஹாப் தமிழா’ என்னும் பேண்ட் பெயரில் படத்திற்கு இசையமைக்கும் வகையில் வளர்ந்துவிடுகின்றனர்.

மீசைய முறுக்கு திரைப்படத்தில் நடித்தவர்கள் விவரம்:

ஆதி என்கிற ஆதித்யா ராமச்சந்திரனாக ஹிப்ஹாப் தமிழா ஆதியும், ஆதியின் காதலி நிலாவாக ஆத்மிகாவும் நடித்திருந்தனர். ராமச்சந்திரனாக விவேக்கும் ஜீவாவாக ஆர்ஜே விக்னேஷ்காந்தும் ராமச்சந்திரனின் அம்மாவாக விஜயலட்சுமியும் நடித்திருந்தனர்.

ஆதியின் நண்பன் பிஜிலியாக ஷா ராவும், ஆர்ஜே மாகாபா ஆனந்த், தனது உண்மையான கதாபாத்திரத்திலும் நடித்து இருந்தனர்.

மீசைய முறுக்கு படப்பாடல்கள்:

கிரேட் ஜி கிரேட் ஜி, மச்சி எங்களுக்கு எல்லாம் ஒரு லவ்வு தான் பிரச்னைன்னு வந்துபுட்ட அவ்வளவு தான், என்ன நடந்தாலும் பெண்ணே உன்னை விடமாட்டேன், மாட்டிக்கிச்சே மாட்டிக்கிச்சே, வாடி புள்ள வாடி, அடியே சக்கரக்கட்டி ஆகியப் பாடல்கள் மீசைய முறுக்கு படத்தில் சூப்பர் ஹிட்டாகின.

காதல் தோல்வி வலியைத் தாண்டி இசைக்கலைஞர் ஜெயித்த கதை, மீசைய முறுக்கு படம் பேசுகிறது. 

மீசையமுறுக்கு திரைப்படத்தில் வரும் வசனம் தோத்தாலும் ஜெயித்தாலும் மீசைய முறுக்கு. அதுதான் இப்படம் சொல்லவரும் ஒன் லைன் கருத்து என்று கூட சொல்லலாம். இப்படம் வெளியாகி 7 ஆண்டுகள் நிறைவுபெற்றாலும் தற்போது இந்த படத்தை டிவியில் பார்த்தாலும் பலருக்கும் நம்பிக்கையைத் தருகிறது இந்த ‘மீசைய முறுக்கு’ படம்.