ரசிகர்களின் அமுல் பேபி..ஆடையில்லாமல் நடித்த சர்ச்சை நாயகி! தமிழ் சினிமாவில் ஜொலித்த அவ்விட தேசத்து பெண் அமலாபால்

சமீபத்தில் தாயான அமலாபால் நடிப்பில் இருந்து விலகி இருந்தாலும், சமூக வலைத்தளங்களின் பதிவு மூலம் ரசிகர்களுடன் எப்போது தொடர்பிலேயே இருந்து வருகிறார்.

அமலாபால் சினிமா பயணம்

கேரளா மாநிலம் எர்ணாகுளத்தை சேர்ந்த அமலாபால், மிடில் கிளாஸ் கிறிஸ்தவ குடும்பத்தை சேர்ந்தவராக உள்ளார். பள்ளி, கல்லூரி படிப்பை சமத்து பெண்ணாக முடித்த இவர் சினிமா மீதான ஆர்வத்தால் நடிகையாக விரும்பினார்.

தந்தையின் கடுமையான எதிர்ப்புக்கு மத்தியில் சகோதரனின் ஆதரவு கிடைக்க தனது கனவை நோக்கி பயணப்பட்டார். அடிப்படையில் அமலாபால் குடும்பமும் கலை குடும்பமாகவே இருந்துள்ளனர். தாயார் பாடகியாகவும், தந்தை கல்லூரி காலங்களில் பல மேடை நாடகங்களில் நடித்தவராகவும் உள்ளார்.

லால் ஜோஸ் இயக்கத்தில் 2009இல் வெளியான நீலத்தாமரா படம் தான் அமலாபால் நடித்த முதல் படம். சின்ன கதாபாத்திரத்தில் தோன்றிய அவரை யாரும் பெரிதாக கண்டுகொள்ளவில்லை.

திருப்புமுனை தந்த தமிழ் சினிமா

தமிழில் விகடகவி என்று சிறுபட்ஜெட் படத்தில் கமிட்டானார். ஆனால் இந்த படம் அவரது ஆறாவது படமாகவே வெளியானது. விகடகவி படத்துடன், வீரசேகரன் என்ற படத்திலும் நடித்தார். அமலாபாலின் முதல் தமிழ் படமாக வெளியான நிலையில், படத்தில் அவர் நடித்த பெரும்பாலான காட்சிகள் எடிட் செய்யப்பட அதிலும் ஏமாற்றமே மிஞ்சியது

பிரபு சாலமன் இயக்கத்தில் விதார்த் ஜோடியாக அமலாபால் நடித்த மைனா படம் அவருக்கு திருப்புமுனையாக அமைந்ததோடு நல்ல அடையாளத்தையும் பெற்று தந்தது.

டைட்டில் கதாபாத்திரத்தில் சிறப்பான நடிப்பை வெளிப்படுத்தி பாராட்டுகளை பெற்றார். இந்த படத்தின் வெற்றியால் விக்ரம் நடித்த தெய்வத்திருமகள் படத்தில் நடிக்கும் வாய்ப்பை பெற்றார்.

இந்த படத்துக்கு பின்னர் அமலாபாலின் சினிமா கேரியர் ஏறுமுகம் தான். தமிழை தொடர்ந்து தெலுங்கில் ராம்கோபால் வர்மா இயக்கத்தில் நாக சைதன்யா ஜோடியாக பெஜவாடா என்ற படத்தில் நடித்தார். ஆனாலும் ராம் சரண் ஜோடியாக நாயக் படத்தில் நடித்ததன் மூலம் தெலுங்கிலும் பெயர் பெற்ற நடிகையானார்.

தொடர்ந்து தமிழ், தெலுங்கில் கமர்ஷியல் படங்களில் நடித்து வந்த அமலாபால், இளம் ஹீரோக்கள் மட்டுமல்லாமல் முன்னணி ஹீரோக்களுடன் நடிக்கும் முயற்சியில் ஈடுபட்டார். அதன் பலனாக தளபதி விஜய் ஜோடியாக தலைவா படத்தில் நடித்தார்.

அமலாபால் நடிப்பில் கவனம் பெற்ற படங்களாக நிமிர்ந்து நில், வேலையில்லா பட்டதாரி, அம்மா கணக்கு, ராட்சசன், ஆடை போன்ற பல படங்களை சொல்லிக்கொண்டே போகலாம். இதில் ஆடை என்ற படத்தில் நிர்வாணமாக நடித்து பரபரப்பை ஏற்படுத்தினார்.

இந்த ஆண்டில் அமலாபால் நடிப்பில் மலையாளத்தில் வெளியான ஆடுஜீவிதம் படம் ரசிகர்கை வெகுவாக கவர்ந்ததுடன், பாக்ஸ் ஆபிஸிலும் ரூ. 150 கோடி வரை வசூலித்து, மலையாளத்தில் இவ்வளவு வசூலை பெற்ற முதல் படம் என்ற பெருமையை பெற்றது.

ஓடிடியில் கவர்ச்சி தரிசனம்

சினிமாக்களில் மட்டுமல்லால் கோவிட் 19 காலகட்டத்தில் பல்வேறு ஓடிடி வெப் சீரிஸ்களிலும் நடித்துள்ளார். குறிப்பாக ஓடிடி தொடர்களில் கவர்ச்சி தரிசனம் வெளிப்படுத்தி ரசிகர்களை கிறங்கடித்தார். பிட்ட கதலு என்ற தெலுங்கு சீரிஸில் நெருக்கமான காட்சிகளில் தோன்றி சுடேற்றியிருப்பார்.

அம்மாவான அமலாபால்

தெய்வத்திருமகள் பட இயக்குநர் ஏ.எல். விஜய்யுடன் டேட்டிங்கில் இருந்து வந்த நடிகை அமலாபால், சினிமாவில் முன்னணி நடிகையாக இருந்தபோதே அவரை திருமணம் செய்து கொண்டார். இரண்டு வருட திருமண வாழ்க்கைக்கு பின் ஏ.எல். விஜய்யை விவாகரத்து செய்து தொடர்ந்து சினிமாக்களில் நடித்து வந்த அமலாபால், கடந்த ஆண்டில் தனது காதலர் ஜகத் தேசாய் என்பவரை திருமணம் செய்தார். இதையடுத்து இந்த ஜோடிக்கு கடந்த ஜூன் மாதம் ஆண் குழந்தை பிறந்திருக்கிறது. அம்மாவாகியிருக்கும் அமலாபால் நடிப்புக்கு தற்போது முழுக்கு போட்டுவிட்டு சமூக வலைத்தளங்களில் மட்டும் ஆக்டிவாக உள்ளார்.

சர்ச்சை நாயகி

நடிப்பில் நல்ல பெயரை வாங்கியது போல் சர்ச்சைக்கு பேர் பெற்ற நடிகையாக அமலாபால் இருந்துள்ளார். சினிமாவில் நடிக்க வந்த ஆரம்ப காலகட்டத்தில் சிந்து சமவெளி என்ற படத்தில் தனது மாமனாருடன் கள்ள உறவில் இருக்கும் பெண்ணாக நடித்திருப்பார். படத்தில் ஆபாச காட்சிகள் இல்லாதபோதிலும் பார்ப்பதற்கு கூச்சம் அளிக்கும் விதமாக இருந்த திரைக்கதையால் சர்ச்சை ஏற்பட்டது. அமலாபால் அடல்ட் பட நடிகை போல் சித்தரிக்கப்பட்டார்.

அதேபோல் 2018இல் போலி ஆவணங்கள் வைத்து புதுச்சேரி பதிவு எண் கொண்ட காரை வாங்கிய வரி ஏய்ப்பு செய்த புகாரில் கைது செய்யப்பட்டு பின்னர் விடுவிக்கப்பட்டார்.

சிறந்த நடிகைக்கான தமிழ்நாடு அரசு விருது, விஜய் அவார்ட்ஸ், பிலிம்பேர் விருதுகளை வென்றிருக்கும் அமலாபால், அதிக சம்பளம் பெறும் மலையாள நடிகைகளுள் ஒருவராகவும் உள்ளார். ரசிகர்களால் அமுல் பேபி என்ற அழைக்கப்படும் அமலாபால் இன்று தனது பிறந்தநாளை கொண்டாடுகிறார்.