Vijay Politics: மாஸ்டர் ஸ்கெட்ச்.. கட்சி பெயர் ரெடி.. அரசியலில் சூறாவளியாக களமிறங்க தயாரான தளபதி விஜய்!
Vijay Politics Entry: விஜய் தனது கட்சிக்கு மூன்று பெயரை யோசித்து வைத்து இருக்கிறார்.
தளபதி விஜய் மக்கள் இயக்கம், ரசிகர் மன்றம் மற்றும் நலச் சங்கத்தின் நிர்வாகிகளாக இருந்த உறுப்பினர்கள் சமீபத்தில் கிழக்கு கடற்கரை சாலையில் உள்ள பனையூர் அலுவலகத்தில் ஆலோசனை கூட்டம் நடத்தினார்கள். அதில் ஒரு மனதாக அவர்கள் விஜய்யுடன் இணைந்து கட்சியின் பெயரை தேர்வு செய்து உள்ளனர்.
ஒரு மாதத்தில் தேர்தல் ஆணையத்தில் இந்த அமைப்பு பதிவு செய்யப்படும். மூன்று மணி நேரம் நடந்த கூட்டத்தில் விஜய் கலந்து கொண்டார். "பொதுச் செயலாளர் (பஸ்ஸி என் ஆனந்த்) மற்றும் பொருளாளர் உட்பட பிற பதவி வகித்தவர்களைத் தேர்ந்தெடுப்பதற்கும் பொதுக்குழு ஒப்புதல் அளித்தது" என்று அந்த வட்டாரம் தெரிவித்தது. வரும் தேர்தலில் நடிகர் விஜய்யின் கட்சி போட்டியிட வேண்டும் என்று ஆதரவாளர்கள் விரும்புகின்றனர் , "அங்கீகரிக்கப்பட்ட சட்டவிதிகளுடன் கட்சியை தேர்தல் ஆணையத்தில் பதிவு செய்ய இது ஒப்புதல் அளித்தது" என்று அந்த வட்டாரம் கூறியது.
சமீபத்திய தகவலின் படி விஜய் தனது கட்சிக்கு மூன்று பெயரை யோசித்து வைத்து இருக்கிறார். தமிழக முன்னேற்ற கழகம், வெல்லும் தமிழக கழகம், தமிழக மக்கள் ஜனநாயக கழகம் ஆகும். அனைத்திலும் தமிழக கழகம் என்ற வார்த்தை மட்டும் பொதுவாக இருக்க வேண்டும் என்பதில் கூடுதல் கவனம் செலுத்தினார். அடுத்த மாதம் அவர் கட்சி தொடங்க இருப்பதாகவும் அப்போது பெயரை அறிவிப்பார் என எதிர்பார்க்கப்படுகிறது.