Maaveeran Trailer: தாமதமாக வெளியானது சிவகார்த்திகேயனின் 'மாவீரன்' ட்ரெய்லர்!

'டாக்டர்', ‘டான்’ வெற்றிப் படங்களுக்கு பிறகு சிவகார்த்திகேயன் நடிப்பில் வெளியான திரைப்படம் ‘பிரின்ஸ்’. இந்த படம் சிவகார்த்திகேயனுக்கு தோல்வி படமாக அமைந்தது. இதனால் அவர் தற்பொழுது நடித்துவரும் கதைகளை மிக உன்னிப்பாக தேர்வு செய்து நடித்து வருகிறார்.

அந்த வகையில் சாந்தி டாக்கீஸ் நிறுவனத்தின் தயாரிப்பில் உருவாகி வரும் 'மாவீரன்' படத்தில் சிவகார்த்திகேயன் நடித்து வருகிறார். 'மண்டேலா' படத்தின் இயக்குனர் மடோன் அஸ்வின் இப்படத்தை இயக்கி இருக்கிறார். இந்தப்படத்தில் சிவகார்த்திகேயனுக்கு ஜோடியாக ஷங்கரின் மகள் அதிதி ஷங்கர் நடித்துள்ளார். இவர்களுடன் சரிதா, யோகி பாபு உள்ளிட்ட பலர் முக்கிய கதாபாத்திரங்களில் நடித்துள்ளனர். இந்தப்படத்தில் வில்லனாக பிரபல இயக்குநர் மிஷ்கின் நடித்திருக்கிறார்.

இப்படத்திற்கு பரத் சங்கர் இசையமைத்து இருக்கிறார். 'மாவீரன்' திரைப்படம் தமிழ், தெலுங்கு ஆகிய 2 மொழிகளில் தயாராகி உள்ளது. இப்படத்திற்கு தெலுங்கில் 'மாவீருடு' என்று பெயர் வைத்துள்ளனர்.

'மாவீரன்' திரைப்படம் வருகிற ஜூலை 14-ம் தேதி திரையரங்குகளில் வெளியாகவுள்ளதால் படக்குழு படத்தின் வெளியீட்டு பணிகளில் தீவிரம் காட்டி வருகிறது. சமீபத்தில் 'மாவீரன்' திரைப்படத்தில் சிவகார்த்திகேயனுக்கான டப்பிங் பணி நிறைவடைந்ததாக படக்குழு அறிவித்திருந்தது. இதனைத் தொடர்ந்து இப்படத்தின் ட்ரெய்லர் இன்று மாலை 7 மணிக்கு வெளியாகும் என படக்குழு அறிவித்திருந்தது. ஆனால், தொழில்நுட்ப பிரச்னை காரணமாக குறிப்பிட்ட நேரத்திற்குள் ட்ரெய்லர் வெளியாகவில்லை. பின்னர் 8 மணிக்கு 'மாவீரன்' திரைப்படத்தின் ட்ரெய்லர் வெளியிடப்பட்டது. இதையடுத்து  சிவகார்த்திகேயன் ரசிகர்கள் உற்சாகமடைந்துள்ளனர்.

வருகிற ஜூலை 14 ஆம் தேதி திரையரங்குகளில் வெளியாக உள்ள இந்தப் படத்தை விநியோகம் செய்யும் உரிமையை ரெட் ஜெயிண்ட் மூவிஸ் நிறுவனம் கைப்பற்றி இருக்கிறது. முன்னதாக இந்தப்படத்தில் இருந்து ‘சீனா சீனா’ பாடல் வெளியாகி வரவேற்பை பெற்றது. கபிலன் மற்றும் சி.எம் லோகேஷ் ஆகிய இருவரும் எழுதியிருந்த அந்தப்பாடலை இசையமைப்பாளர் அனிருத் பாடியிருந்தார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.