தமிழ் செய்திகள்  /  பொழுதுபோக்கு  /  Siragadikka Aasai : முத்து, மீனா போடும் பிளான்.. வலையில் சிக்கிய மனோஜ்? விஜயா கதி என்ன? சிறகடிக்க ஆசை இன்றைய எபிசோட்!

Siragadikka Aasai : முத்து, மீனா போடும் பிளான்.. வலையில் சிக்கிய மனோஜ்? விஜயா கதி என்ன? சிறகடிக்க ஆசை இன்றைய எபிசோட்!

Divya Sekar HT Tamil
Jul 10, 2024 11:42 AM IST

Siragadikka Aasai Serial : விஜய் டிவியில் டாப் சீரியலில் ஒன்று சிறகடிக்க ஆசை. இந்த சீரியலில் இன்றைய எபிசோடில் என்ன நடக்கிறது என்பது குறித்து இதில் பார்க்கலாம்.

முத்து, மீனா போடும் பிளான்.. வலையில் சிக்கிய மனோஜ்? விஜயா கதி என்ன? சிறகடிக்க ஆசை இன்றைய எபிசோட்!
முத்து, மீனா போடும் பிளான்.. வலையில் சிக்கிய மனோஜ்? விஜயா கதி என்ன? சிறகடிக்க ஆசை இன்றைய எபிசோட்!

சிறகடிக்க ஆசை இன்றைய எபிசோடில் நகை பிரச்சனை தான் ஓடிக்கொண்டிருக்கிறது. விஜயா இவங்க கொடுக்கும்போதே கவரிங் நகை தான் கொடுத்து இருப்பாங்க என்று சொல்ல சுருதி அவங்க கொடுத்திருந்தால் அவர்கள் எப்படி அதை கடையில் விக்கிறதுக்கு கொண்டு போவாங்க என்று கேள்வி கேட்கிறார். 

அதற்கு விஜயா நகை இவங்க அம்மா வீட்ல தான் மாறி இருக்கணும். இவ அவங்க அம்மா வீட்டுக்கு அடிக்கடி போயிட்டு வர இல்ல அப்போ இந்த நகை மாறி இருக்க வாய்ப்பு இருக்கு என்று விஜயா கூறுகிறார். இதைக் கேட்டு மீனா மிகவும் கோபப்பட்டு எங்கள் வளர்ப்பு அப்படி இல்லை. எங்கள் அப்பா எங்களுக்கு நேர்மையாக வாழ சொல்லிக் கொடுத்திருக்கிறார் என்று கோபத்தோடு விஜயாவிடம் பேசுகிறார்.

கோபத்தில் மீனா

விஜயா என்ன ஓவராக பேசுகிறாய் என அதட்டி கேட்கிறார். அதற்கு மீனா நீங்கள் எப்படி எங்கள் வீட்டில் உள்ளவர்களை நகை மாற்றி வைத்தவாறு குற்றம் சொல்லுகிறீர்கள் என கேட்கிறார். அதற்கு ஏன் உன் தம்பி இதற்கு முன் பண்ண வில்லையா உன் தம்பி கூட நகையை எடுத்து மாற்றி வைத்திருக்கலாம் என விஜயா சொல்கிறான். இதைக் கேட்டு மீனா கோபம் அடைகிறார். பின்னர் உறுதியாக விஜயா மீனா வீட்டில் தான் நகை மாறி இருக்க வேண்டும் என்று சொல்கிறார்.

 இதற்கு அண்ணாமலை அந்த செயின் எங்க அம்மா போட்டது அதை எப்படி கவரிங் நகையாக மாறி இருக்கும் என்று கேள்வி கேட்கிறார். இதை கேட்ட முத்து நல்லா கேளுங்கப்பா என சொல்கிறார். அதற்கு விஜயா உங்க அம்மாவும் கவரிங் நகை போட்டாங்களோ என சொல்ல இதைக் கேட்டு அண்ணாமலை கோபமடைந்து எங்கள் அம்மா அனைவருக்கும் கொடுத்து பழக்கப்பட்டவர் அவர் எப்படி இப்படி செய்வார். 

ட்ரெண்டிங் செய்திகள்

விஜயாவை கண்டிக்கும் அண்ணாமலை

எங்க அம்மா பற்றி இனி இந்த மாதிரி பேசினால்  நான் மனுஷனா இருக்க மாட்டேன் என கோபப்பட விஜயா அதை சமாளிக்கும் விதமாக நான் அப்படி சொல்ல வரவில்லை அவங்க ஊர்ல மாறி இருக்கலாம் என்று தான் சொல்ல வந்தேன் என பேசி மழுப்புகிறார்.

இதைக்கேட்ட சுருதியோ அது எப்படி இரண்டு வீட்டில் கொடுத்த நகையும் கவரிங் நகையாக இருக்க முடியும் என சொல்ல ரவியும் எனக்கென்னமோ நம்ம வீட்டில் தான் நகை மாறி இருக்க வேண்டும் என்று தோன்றுகிறது என அவரும் சொல்கிறார்.

இதைக் கேட்ட விஜயா என்னடா நான் என்னவோ மாற்றி வைத்த மாதிரி சொல்றீங்க என்று கோபப்பட ரோகிணி மீனா கார் வாங்கி கொடுக்கும்போதே எனக்கு சந்தேகம் இருந்தது. எப்படி பூ கட்டி அவரால் இவ்வளவு வருமானம் சம்பாதித்து கார் வாங்கி கொடுக்க முடியும் என்று என அவரும் அவர் பங்குக்கு பேசுகிறார். இதைக் கேட்ட மீனா எதுவும் தெரியாமல் கண்டபடி பேசாதீங்க என்று கோபப்படுகிறார்.

மீனா வீட்டின் மீது பழி போடும் விஜயா

ஆனால் விஜயா மீனா வீட்டின் மேல் தான் சந்தேகம் இருக்கிறது என கூற இதை கேட்ட சுருதி பேசாமல் போலீசில் கம்ப்ளைன்ட் கொடுத்து விடலாம் என்று சொன்னதும் மனோஜ் பதறிப்போய் போலீஸ் எல்லாம் எதுக்கு என கேட்கிறார். அப்போது வழக்கம்போல் அண்ணாமலையும் போலீஸ் எல்லாம் வேண்டாம் என தடுத்து விடுகிறார். நம் வீட்டு விஷயம் போலீஸ் வரை போனால் நமக்கு தான் அசிங்கம் எனக் கூறி அண்ணாமலை அதை தடுக்கிறார்.

பின்னர் மனோஜ் அறைக்கு வந்ததும் விஜயாவிடம் அம்மா எப்படியோ நாம் தப்பித்து விட்டோம். அவர்களுக்கு நம் மீது சந்தேகம் வராது, தப்பிச்சு விட்டோம் அம்மா என்ற மனோஜ் சொல்கிறார். இதைக்கேட்ட விஜயாவோ அப்படியெல்லாம் இல்லை முத்து சொன்னதை கேட்கவில்லையா எப்படியாவது இதை கண்டுபிடிப்பேன் என சொல்கிறான். அதற்குள் நாம் அந்த நகையை மாற்றி வைக்க வேண்டும் என சொல்கிறார்.

மீனா, முத்து பிளான்

நகையை மாற்ற பணத்திற்கு ஏற்பாடு செய்ய வேண்டும் என மனோஜிடம் சொல்ல மனோஜ் இதை கேட்டு அதிர்ச்சி அடைகிறான். அடுத்ததாக நகை விஷயத்தில் எப்படி உண்மையை வெளியே கொண்டு வருவது என முத்துவும் வீணாவும் பேசிக் கொண்டிருக்கிறார்கள். அப்போது சுருதியை வைத்து மனோஜுக்கு ஃபோன் கால் மூலம் கவரிங் கடை நகை ஊழியர் பேசுவது போல பேச வைத்து உண்மையை வர வைக்கலாம் என முடிவு செய்து ரவியின் ரெஸ்டாரண்டுக்கு மீனா, முத்து செல்கிறார்கள். அங்கு ஸ்ருதியை வரவழைத்து போன் காலில் பேச வைக்கிறார்கள்.

போன் காலில் பேசிய மனோஜ் நீங்கள் யார் பேசுகிறீர்கள் என கேட்க நான் கவரிங் நகையில் வேலை செய்யும் ஊழியர் என ஸ்ருதி தன்னை அறிமுகப்படுத்தி நீங்கள் கவரிங் நகை வாங்கி இருக்கிறீர்கள். உங்களுக்கு புது நகை வாங்க ஐடியா இருந்தால் டிஸ்கவுண்ட் இருக்கிறது என பேசுகிறார்.

மனோஜ் சிக்குவாரா?

 இதைக் கேட்ட மனோஜ் நான் எதுவும் வாங்கவில்லையே என்று இழுத்துக் கொண்டு இருக்க ஸ்ருதி நீங்கள் தான் இரண்டு வளையல், ஒரு செயின், ஒரு தாலி வாங்கிட்டு போனீங்க. நீங்க எங்க கடையில வாங்கி அனுபவத்தை பத்தி சொல்லுங்க ஃபீட்பேக் சொல்லுங்க என கேட்கிறார். மனோஜ் எப்படி நாம் வாங்கியதை எல்லாம் கரெக்டாக சொல்கிறார் என மனதில் யோசித்துக் கொண்டே அது வந்து என இழுத்துக் கொண்டிருக்கிறார் இத்துடன் இன்றைய எபிசோட் முடிந்து விட்டது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.