Singer suchitra: ‘இளையராஜாவுக்கு புள்ளையா பொறந்துட்டு… டேட்டிங்கிற்கு போலாமான்னு..கெட்ட வார்த்தை போட்டு’ - சுசித்ரா!

டேட்டிங்கிற்கு அழைத்த கார்த்திக் ராஜா

இது குறித்து அவர் பேசும் போது, “வைரமுத்து மோசமானவர்களின் பட்டியலில் முதல் இடம் என்றால், அதில் இளையராஜாவின் மூத்த மகன் கார்த்திக் ராஜாவிற்கு இரண்டாம் இடம். ஒரு ஸ்டூடியோவில் இருந்து ஒரு வாய்ப்பு வந்து, அங்கு கார்த்திக் ராஜா இருப்பார் என்றால், நான் அங்கு செல்ல மாட்டேன். அதற்கு காரணமாக ஒரு சம்பவம் நடந்தது. என்னிடம் அவர் ஒருநாள், நான் காதலிக்காமல் கல்யாணம் செய்து விட்டேன். எனக்கு டேட்டிங் என்றால் என்னவென்றே தெரியாது. அதைப் பற்றி தெரிந்து கொள்ள வேண்டும் என்ற ஆசை இருக்கிறது. ஆகையால் என்னை ஒரு டேட்டுக்கு கூட்டிச் செல்கிறீர்களா என்று கேட்டார்.

அவரிடம் இருந்து நான் அதனை எதிர்பார்க்கவில்லை. நான் மிகவும் கோபப்பட்டு அவரை கெட்ட வார்த்தை போட்டு கடுமையாக திட்டி விட்டேன். உன்னுடைய அப்பா யார் என்று உனக்குத் தெரியும் அல்லவா அப்பேர்ப்பட்ட ஒருவருக்கு நீ பிள்ளையாக பிறந்து, இப்படி ஒரு வார்த்தையை ஒரு பெண்ணிடம் கேட்கலாமா என்று கேட்டேன்.

இப்படி நீ என்னிடம் கேட்டதற்கு ஒரு பாட்டில் விஷம் குடித்து செத்துப் போ என்று சொல்லிவிட்டுதான் வந்தேன். எனக்கு அவர் அப்படி கேட்டவுடன் உடலே நடுங்கி விட்டது. அந்த சம்பவம் பிரசாத் ஸ்டூடியோவில் தான் நடந்தது. அதற்கு அவர் என்னுடைய அப்பா மட்டும் என்று இழுத்தார்….. அப்போது நான் அவரை அப்படியே நிறுத்தி, உன்னுடைய அப்பா எப்படி இருந்தால் உனக்கென்ன நீ ஒழுங்காக இருக்க வேண்டியதுதானே என்று கடுமையாக திட்டிவிட்டு வந்தேன்.” என்று பேசினார்.

முன்னதாக, வைரமுத்து குறித்து சுசித்ரா கூறியவற்றை இங்கே பார்க்கலாம்.

இது குறித்து அவர் பேசும் போது, “வைரமுத்து சொல்வது போல நான் எந்த மருந்துகளையும் எடுத்துக் கொள்வதில்லை. அவரை ஏதாவது மெண்டல் ஆஸ்பத்திரியில் அடைத்து பூட்டி போடுங்கள். அவர் பல பேரை மெண்டல் ஆக்குகிறார். எனக்கு வைரமுத்து பரிசாக ஷாம்பு பாட்டில் தந்ததை, பல பெண்கள் கேட்டு தற்போது உஷாராக மாறி இருக்கிறார்கள். இனிமேல் அவர் பரிசு தருகிறேன் என்று கூறினால், பெண்கள் உஷாராக செல்லாமல் இருப்பார்கள். ஆகையால், நான் பேசியது தற்போது மிகவும் நல்லதாக மாறிவிட்டது.

நான் இதை ஏன் அப்போதே சொல்லவில்லை என்ற கேள்வி கேட்கப்படுகிறது. உண்மையைச் சொல்ல வேண்டும் என்றால், அது அப்போதே முடிந்துவிட்டது. சின்மயிக்கும் நடந்ததும், எனக்கு நடந்ததும் முற்றிலும் வித்தியாசமான ஒன்று. அவர் என்னை அவரது வீட்டிற்கு அழைத்த போது, என்னுடன் என்னுடைய பாட்டி இருந்தார் ஒருவேளை என்னுடைய பாட்டி அன்று இல்லாமல் இருந்து, அவர் என் மீது கை வைத்திருந்தால், அவரது கன்னத்தில் பளார் என்று ஒரு அறை விட்டு இருப்பேன். ஆனால், அவர்கள் என்னைதான் போலீஸ் நிலையத்திற்கு அழைத்துச் சென்றிருப்பார்கள். நான் ஜெயிலுக்கு போய் இருப்பேன். என்னுடைய கேரியரே முடிந்து போய் இருக்கும்.

கடவுள் பார்த்த வேலைதான்

உண்மையில் அன்றைய நிகழ்வு கடவுள் நினைத்தது என்று நான் நினைக்கிறேன். ஆகையால் அதன் பின்னர், முடிந்த மட்டும் இந்த மனிதனோடு ஒரே மேடையிலோ, ஒரே நிகழ்ச்சியிலோ இருக்கக் கூடாது என்று முடிவெடுத்து இருந்தேன். ஆனால், திரைத்துறையில் இருக்கும் எல்லோரும் அவரைப் போன்றவர்கள் கிடையாது. நான் வைரமுத்து போன்று பலர் என்னை இவ்வாறு செய்திருக்கிறார்கள் என்று கூறியதே கிடையாது. இந்த ஒரு மனிதன் தான் என்னை அப்படி செய்தான். மற்றபடி, நான் வேலை செய்த விவேகா, நா முத்துக்குமார் உள்ளிட்ட பாடல் ஆசிரியர்கள் அனைவருமே என்னை மரியாதையோடு நடத்தி இருக்கிறார்கள். உண்மையில் வைரமுத்து போன்ற இரண்டு மூன்று முதலைகள் தான் மொத்த அந்த துறையையே சீரழிக்கிறது.

நாம் இது போன்ற முதலைகளை சமாளிக்க வேண்டும் என்றால், அது இருக்கும் அதே துறையில் இருக்கிறோம் என்றால், அவர்களை தவிர்த்து விட்டு, நாம் நம்முடைய வேலையை பார்ப்பது தவிர வேறு வழியே கிடையாது. நான் தற்போது மொத்த சினிமா துறையை விடுத்து வேறு துறைக்கு மாறி விட்டேன். அதனால், இப்போது நான் சினிமாவில் யாரைப் பற்றி கேட்டாலும், எனக்கு நடந்த அனுபவத்தை அப்பட்டமாக வெளியே சொல்வேன்.

ஒருமுறை சினிமாவில் வேலை பார்த்துவிட்டு நீங்கள் வெளியே வந்து விட்டால், சினிமா மீது உங்களுக்கு தவறான அபிப்பிராயம் தான் வரும். நான் அந்த பேட்டியில் ஹேமா அறிக்கை குறித்து கேட்ட கேள்விக்கு பதில் சொல்லும் போதுதான் வைரமுத்துவை பற்றி பேசினேன். நான் வேண்டுமென்றே வைரமுத்துவை தாக்க வேண்டும் என்று பேசவில்லை. எனக்கு நடந்த அனுபவத்தை நான் பகிர்ந்தேன்” என்று பேசினார்.