தன் செல்லப் பிள்ளைக்காக பல முக்கிய நடிகர்களை எதிர்த்து நின்ற மணிரத்னம்.. ரகசியம் உடைத்த செய்யாறு பாலு

சிம்புவிற்காக கதை எழுதும் மணி ரத்னம்

இந்நிலையில் செய்யாறு பாலு, மணிரத்னம் படத்தின் கதாநாயகர்கள் குறித்து ஆகாயம் யூடியூப் சேனலில் பேசியுள்ளார். அப்போது, நடிகர் சிலம்பரசன் தான் இயக்குநர் மணிரத்னத்தினத்தின் சிறப்பு குழந்தை. நீங்கள் நினைப்பது போல் அல்ல, அவரின் விருப்பமான நடிகர். சிம்புவின் மேல் எப்போதும் மணிரத்தினத்திற்கு தனி பாசம் இருந்து கொண்டே இருக்கும். இவர் படத்தில் நடிக்க பல நடிகர்கள் வரிசையில் நின்று கொண்டிருந்தாலும், மணிரத்னம் பெரும்பாலான தன் கதையின் நாயகனாக சிம்புவை மனதில் வைத்தே எழுதியுள்ளார்.

மணிரத்னத்தின் சிறப்பு குழந்தை

செக்கச் சிவந்த வானம் படத்தில், சிம்புவிற்காக அவர் ஒவ்வொரு காட்சியையும் செதுக்கி இருப்பாராம். ஆனால், படத்தை எடிட் செய்யும் போது சிம்புவின் சில காட்சிகளை தூக்க வேண்டிய நிலமை வந்ததாம். அப்போது சிம்புவை விட அதிகம் வருத்தப்பட்டவர் மணிரத்னம் தானாம். இதைப் பார்த்த மற்ற நடிகர்கள் எங்கள் காட்சிகளுக்கு எல்லாம் கவலைப்படாதவர் அவருக்கு மட்டும் வருத்தப்படுவதாக குறை கூறினர். மேலும் சிம்பு மட்டும் என்ன ஸ்பெஷல் குழந்தையா? அவரை மட்டும் பாராட்டி சீராட்டுகிறார் மணிரத்னம் எனக் கேள்வி எல்லாம் எழுப்பினர்.

இதற்கிடையில், பொன்னியின் செல்வன் பட விழாவில் அந்தப் படத்தில் நடித்தவர்கள் வந்த போது அமைதியாக இருந்த மக்கள் கூட்டம் அந்தப் படத்திற்கு துளியும் சம்பந்தமே இல்லாத சிம்பு வந்தபோது ஆர்ப்பரித்தனர் என தொகுப்பாளர் கூறினார்.

தமிழ் சினிமாவின் சிறந்த கலைஞன் சிம்பு

அவரின் கருத்துக்கு ஆதரவு தெரிவித்த செய்யாறு பாலு, அவர் தமிழ் சினிமாவின் சிறந்த கலைஞன். அவரை நாம் இன்னும் சரியாக பயன்படுத்தவில்லை எனக் கூறினார். மணிரத்னத்தின் பொன்னியின் செல்வன் படத்தில் ஜெயம் ரவி நடித்த அருள்மொழி வர்மன் கதாப்பாத்திரத்திற்கு முதலில் பேசப்பட்டவர் சிம்பு. ஆனால், சிம்பு இந்தப் படத்தில் நடித்தால் தாங்கள் இந்தப் படத்திலிருந்து விலகுவதாக பல முன்னணி நடிகர்களும் தெரிவித்துள்ளனர். அதனால், மிகவும் கடினமான சூழலில் தான் ஜெயம் ரவியை அந்த கதாப்பாத்திரத்தில் நடிக்க வைத்தார் என செய்யாறு பாலு கூறியுள்ளார்.

சிம்புவைப் பார்த்து நடிகர்களுக்கு பயம்

மேலும், சிம்பு மற்ற படங்களில் எப்படி இருந்தாலும் பரவாயில்லை, என் படம் நடக்கும் இடத்தில் அவர் எப்படி இருக்கிறார் என்பது தான் எனக்கு முக்கியம் எனக் கூறினார். அத்துடன் அவரின் தக் லைஃப் படத்திலும் சிம்புவை நடிக்க வைப்பதற்கு பல இடங்களில் இருந்து எதிர்ப்பு வந்ததாம். இருப்பினும், அவற்றை எல்லாம் ஒரு பொருட்டாகவே எடுத்துக் கொள்ளாமல் சிம்புவுக்காக மணிரத்னம் பல முன்னனணி நடிகர்களை எதிர்த்தார் எனக் கூறினார்.

சிம்புவின் நடிப்புத் திறமையைப் பார்த்தும், சினிமாவில் பல படங்களில் நடிக்காமல் போயிருந்தாலும், பல குற்றச்சாட்டுகள் அவர் மீது சுமத்தப்பட்டாலும் அவருக்கான ரசிகர்களின் எண்ணிக்கையும், அவர் மீது வைத்துள்ள நம்பிக்கையும் குறையாமல் இருக்கிறது. இதுவே, பல நடிகர்களுக்கும் அவர் மீது பயத்தை அளிக்கிறது என செய்யாறு பாலு கூறியுள்ளார்.