Silambarasan: ரெட் கார்டு விவகாரம்..‘உண்மையை பேசினாலே கஷ்டப்பட வேண்டியதுதான்’ - சிலம்பரசன் பேட்டி
Silambarasan: “அப்படியெல்லாம் ஒன்றும் இல்லை. வெளியே தவறான தகவல்கள் வந்து கொண்டிருக்கின்றன. சின்ன சின்ன பிரச்சினைகள் இருந்தன. அதையெல்லாம் பேசி தீர்த்து விட்டோம்” - சிலம்பரசன் பேட்டி
Silambarasan: கமல்ஹாசன் நடிப்பில், இயக்குநர் ஷங்கர் இயக்கத்தில் உருவாகி இருக்கும் ‘இந்தியன் 2’ திரைப்படத்தின் இசை வெளியீட்டு விழா நேற்று சென்னையில் நடைபெற்றது. இந்த நிகழ்ச்சியில் கலந்து கொண்ட நடிகர் சிலம்பரசன் பத்திரிகையாளர்களை சந்தித்தார்.
உண்மையாக இருந்தால் பிரச்சினைதான்
அப்போது சிலம்பரசன் பேசும் போது, “ என்னுடைய நடிப்பில் அடுத்ததாக எஸ்.டி.ஆர் 48 மற்றும் தக் லைஃப் உள்ளிட்ட திரைப்படங்கள் வெளியாக இருக்கின்றன.” என்றார்.
ஆன்மிக பயணத்தில் அதிக ஈடுபாடு காட்டுவது ஏன் என்று கேட்டபோது, “ எல்லோருக்கும் அது வாழ்வில் நடக்கும் என்று நினைக்கிறேன். அதற்கு காரணம் காலம்தான். இந்த உலகத்தில் அதிகமாக கஷ்டப்படுபவர் யார் என்றால், அது உண்மையை பேசுபவர்கள்தான்.அதை நான் நிறைய பேசி இருக்கிறேன்.” என்று பேசினார்.
ஏன் ஓட்டு போடவில்லை?
நாடளுமன்ற தேர்தல் வாக்குப்பதிவில் கலந்து கொள்ளாததிற்கான காரணம் குறித்து கேட்ட போது, “நான் அன்றைய தினம் ஷூட்டிங்கில் இருந்தேன். அதனால்தான் வர முடியவில்லை. ஒரு வேளை நான் வந்திருக்க வேண்டும் என்றால், ஷூட்டிங்கை கேன்சல் செய்து வந்திருக்க வேண்டும். ஷூட்டிங்கை கேன்சல் செய்து வரும் அளவிற்கு நான் பெரிய ஆள் இல்லை. ஆனாலும் அது தவறான விஷயம்தான்.” என்று பேசினார்.
ரெட் கார்டு விவகாரம் குறித்து கேட்ட போது, அப்படியெல்லாம் ஒன்றும் இல்லை. வெளியே தவறான தகவல்கள் வந்து கொண்டிருக்கின்றன. சின்ன சின்ன பிரச்சினைகள் இருந்தன. அதையெல்லாம் பேசி தீர்த்து விட்டோம்.” என்று பேசினார்.
இரண்டாம் பாகத்தில் எழுந்த பிரச்சினை:
முன்னதாக, கடந்த 1996 ஆம் ஆண்டு கமல்ஹாசன் நடிப்பில் இயக்குநர் ஷங்கர் இயக்கத்தில் வெளியாகி மிகப்பெரிய வெற்றி பெற்ற திரைப்படம் இந்தியன் .இந்தப்படத்தின் இரண்டாம் பாகத்தை ஷங்கர் - கமல் கூட்டணி எடுக்க முடிவு செய்த நிலையில், இந்தப்படத்தின் தயாரிப்பாளராக லைகா சுபாஷ்கரன் கமிட் ஆனார். ஆனால் படப்பிடிப்பில் நடந்த விபத்து, கொரோனா ஊரடங்கு, ஷங்கர் - தயாரிப்பாளர் இடையே நடந்த மோதல் ஆகியவை இந்தப்படத்தை தாமதப்படுத்தியது.
அதன் பின்னர் உதயநிதி ஸ்டாலின் பிரச்சினையில் தலையிட, இருதரப்பும் சமாதானம் ஆகி படப்பிடிப்பு தொடங்கப்பட்டது. இந்தப்படத்தில் நடிகை காஜல் அகர்வால், ரகுல் ப்ரீத் சிங், ப்ரியா பவானி ஷங்கர் சமுத்திரக்கனி, ரோபா ஷங்கர் உள்ளிட்ட பல நடிகர்கள் நடித்துள்ளனர். அண்மையில், இந்தியன் 2 அறிமுக வீடியோ வெளியிடப்பட்டது. டீசரை பார்க்கும் போது இந்தியன் பாகம் ஒன்றில் மையக்கருவாக இருந்த லஞ்சம் வாங்குதலை மையப்படுத்தியே இந்தியன் பாகம் 2 ம் உருவாக்கப்பட்டு இருக்கிறது என்பது தெளிவாக தெரிந்தது.
அனியின் கனவு:
முதல் பாகத்தில் இசையமைப்பாளராக ஏ.ஆர்.ரஹ்மான் பணியாற்றி இருந்த நிலையில், இதில் அனிருத் இசையமைத்து இருக்கிறார். பல மேடைகளில் ஷங்கரின் படத்தில் இசையமைப்பாளராக பணியாற்ற வேண்டும் என்று அவர் கூறி வந்த நிலையில், அந்த ஆசை இந்தப்படத்தில் நிறைவேறி இருக்கிறது.
பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் பேட்டியில் பேசிய நபரின் தனிப்பட்ட கருத்துக்கள் ஆகும். எங்கள் நோக்கம் தகவல்களை வழங்குவது மட்டுமே. இந்த தகவல்களுக்கும் ஹிந்துஸ்தான் தமிழ் இணையதளத்திற்கும் சம்பந்தம் கிடையாது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
டாபிக்ஸ்