Sikandar : ‘அப்பா… கட்டப்பா..’ அறிமுகம் செய்த சல்மான் கான்.. நெகிழ்ந்து போன சத்யராஜ்!

மேலும் படிக்க | Actor Dhanush: ஸ்கூல் பையன், பென்சில் பாடி விமர்சனத்துக்கு மத்தியில் கிடைத்த பாராட்டு.. தனுஷை நெகிழ வைத்த இயக்குநர்..

சல்மான் கான் எப்படி அறிமுகப்படுத்தினார்?

டிரைலர் வெளியீட்டு விழாவில், ‘சலீம் சாரை சந்தித்ததுதான் இன்று எனக்கு நடந்த மிகச் சிறந்த விஷயம். சாப் (சல்மான்) என்னை அறிமுகப்படுத்தினார், ’அப்பா.. கட்டப்பா'ன்னு என்னை அறிமுகப்படுத்தினார். கல்லூரியில் படிக்கும் போதே சலீம்-ஜாவேத் சாஹப் எத்தனையோ நடிகர்களின் வாழ்க்கையை தங்கள் ஸ்கிரிப்ட் மூலம் உயர்த்தியிருக்கிறார் என்று எனக்குத் தெரியும். அதனால எனக்கு ரொம்ப சந்தோஷமா இருக்கு' என்று சத்யராஜ் கூறினார். 'சிகந்தர்' படத்தில் முக்கிய கதாபாத்திரம் கொடுத்த இயக்குனர் ஏ.ஆர். முருகதாஸுக்கு நன்றி என்று சத்யராஜ் கூறினார்.

மேலும் படிக்க | Kerala Box Office : கேரள சினிமாவின் போதாத காலம்: 2025ல் 17 படங்கள் ரிலீஸ் ஆகி 11 தோல்வி!

சல்மானை விட சலீமை சந்தித்ததில் அதிக மகிழ்ச்சி

பாகுபலி மற்றும் பாகுபலி-2 படங்களில் கட்டப்பாவாக நடித்த சத்யராஜ், 'சல்மான் சாரை சந்தித்ததை விட சலீம் சாரை சந்தித்தது எனக்கு பெரிய வாய்ப்பு. 47 வருஷமா இந்தத் துறையில் இருக்கேன், 258 படங்கள் நடிச்சிருக்கேன். காமெடி வில்லனாத்தான் என்னோட கெரியர் ஆரம்பிச்சது. பிறகு ஹீரோ ஆனேன், 100 படங்கள் நடிச்சிருக்கேன்' என்றார். முருகதாஸ் சார் மீண்டும் என்னை காமெடி வில்லனா நடிக்க வைச்சிருக்கார் என்று சொன்னார்.

மேலும் படிக்க | Tamannaah Bhatia: ‘அதிகாரத்த கையில எடுங்க.. சரி சம சம்பளத்துக்கு எவ்வளவு போராட வேண்டி இருக்கு’ -தமன்னா பேட்டி!

ஷர்மன் ஜோஷி மற்றும் காஜல் அகர்வால் என்ன சொன்னாங்க?

முன்னாடி நான் இது மாதிரி கேரக்டர்ல நடிச்சப்போ அது ஒரு ட்ரெண்ட் செட்டரா மாறிடுச்சு. இப்பவும் இது மாதிரி நடிச்சது ரொம்ப சந்தோஷமா இருக்குன்னு சத்யராஜ் கூறினார். படத்தில் முக்கிய கதாபாத்திரத்தில் நடிக்கும் காஜல் அகர்வால், 'இவ்வளவு பெரிய படத்துல, இவ்வளவு பெரிய ஸ்டார் காஸ்ட்டோட நடிக்கிறது ரொம்ப பெரிய விஷயம். எத்தனை படம் நடிச்சிருக்கோம்ன்னு விஷயம் இல்ல, எப்பவும் உற்சாகமாத்தான் இருக்கும்'ன்னு சொன்னார். ஷர்மன் ஜோஷி, சல்மான் பத்தி கேள்விப்பட்டதை எல்லாம் படப்பிடிப்புல உணர்ந்தேன் என்று அவர் கூறினார்.