வகையினம்

தமிழ் செய்திகள் / பொழுதுபோக்கு / Ott Releases: நஸ்ரியா பிளாக் காமெடி த்ரில்லர்.. சித்தார்த் மிஸ் யூ.. இந்த வாரம் ஓடிடியில் வெளியான படங்கள்

OTT Releases: நஸ்ரியா பிளாக் காமெடி த்ரில்லர்.. சித்தார்த் மிஸ் யூ.. இந்த வாரம் ஓடிடியில் வெளியான படங்கள்

Muthu Vinayagam Kosalairaman HT Tamil Published Jan 10, 2025 04:01 PM IST

எங்களை பின் தொடரலாம்

Muthu Vinayagam Kosalairaman HT Tamil

Published Jan 10, 2025 04:01 PM IST

OTT Releases This Week: நஸ்ரியா பிளாக் காமெடி த்ரில்லர் படம், சித்தார்த் நடித்த மிஸ் யூ, த்ரில்லர் வெப் சீரிஸ் உள்பட இந்த வாரம் ஓடிடியில் வெளியான படங்கள் லிஸ்டை பார்க்கலாம்

நஸ்ரியா பிளாக் காமெடி த்ரில்லர்.. சித்தார்த் மிஸ் யூ.. இந்த வாரம் ஓடிடியில் வெளியான படங்கள்

எங்களை பின் தொடரலாம்

இந்த ஆண்டுக்கான பொங்கல் கொண்டாட்டம் இன்று முதல் தொடங்கியுள்ளது என்றே கூறலாம். பெங்கல் ரிலீஸ் படங்களில் முதல் கட்டமாக பிரமாண்ட இயக்குநர் ஷங்கரின் முதல் தெலுங்கு படமான கேம் சேஞ்சர், பாலாவின் வணங்கான், மெட்ராஸ்காரன் ஆகிய படங்கள் வெளியாகியுள்ளன. இதுதவிர மேலும் சில படங்களும் அடுத்தடுத்த நாள்களில் வெளியாக இருக்கின்றன.

இதற்கிடையே பொங்கல் ஸ்பெஷலாக ரசிகர்களுக்கு விருந்து படைக்க இந்த வாரம் பிரபல ஓடிடியிலும் சில படங்கள் வெளியாகியுள்ளன. இந்த வாரம் ஓடிடிகளில் வெளியாகியிருக்கும் படங்களின் லிஸ்டை பார்க்கலாம்

மிஸ் யூ

சித்தார்த் - ஆஷிகா ரங்கநாத் நடித்து ரெமாண்டிக் திரைப்படமாக வெளியான மிஸ் யூ வந்ததும் தெரியாமல், போனதும் தெரியாமல் மிஸ் ஆன படமாகவே உள்ளது. ராஜசேகர் இயக்கிய இந்த படம் பாக்ஸ் ஆபிஸில் பெரிதாக வசூலை குவிக்கவில்லை. புஷ்பா 2 படத்துடன் இணைந்து வெளியாவதாக இருந்த படம் தள்ளிப்போன நிலையில், தற்போது அமேசான் ப்ரைம் ஓடிடி தளத்தில் வெளிவந்துள்ளது.

அதோமுகம்

எஸ். பி. சித்தார்த், சைதன்யா பிரதாப், சரித்திரன், ஆனந்த் நாக் ஆகியோர் முக்கிய கதாபாத்திரங்களில் நடித்துள்ள த்ரில்லர் படம் அதோமுகம். காதல் மனைவி பிறந்த நாளுக்கு வித்தியாசமான பரிசு கொடுக்க நினைக்கும் கணவன், மனைவியின் ஸ்மார்ட் ஃபோனில் ' ஸ்பை கேமரா ஆப்' இன்ஸ்டால் செய்கிறார். இதில் மனைவியின் அன்றாட நடவடிக்கைகளை ரகசியமாக நோட்டம் விடும்போது, மனைவிக்கு வேறு ஒருவருடன் இருக்கும் தொடர்பு தெரியவருகிறது. அதன் பின் என்ன நடக்கிறது என்பதை திருப்பங்கள் நிறைந்த திரைக்கதையுடன் உருவாகியிருக்கும் படத்தை சுனில் தேவ் இயக்கியுள்ளார். இந்த படம் ஆஹா தமிழ் ஓடிடி தளத்தில் இன்று முதல் ஸ்ட்ரீம் ஆகிறது.

சீன் நம்பர் 62

த்ரில்லர் பாணியில் உருவாகியிருக்கும் இந்த படத்தில் ராஜ்பால், கோகிலா உள்பட பலர் நடித்துள்ளனர். சினிமாவில் வாய்ப்பு தேடி அலையும் ஐந்து நண்பர்களுக்கு ஒரே படத்தில் நடிப்பதற்கு வாய்ப்பு கிடைக்கிறது. படத்தின் பயிற்சிக்காக இயக்குனர், அவர்களை மலைப்பிரதேசத்துக்கு அழைத்து செல்கிறார். அங்கு நடக்கும் திடுக் திருப்பங்கள் தான் படத்தின் கதை. இந்த படம் ஆஹா தமிழ் ஓடிடி தளத்தில் வெளியாகியுள்ளது

சூக்‌ஷமதர்ஷினி

நடிகை நஸ்ரியா பாசில், பேசில் ஜோசப் முக்கிய கதாபாத்திரத்தில் நடித்திருக்கும் படம் சூக்‌ஷமதர்ஷினி. இதில் தீபக் பரம்போல், சித்தார்த் பரதன், மெரின் பிலிப், அகில பார்கவன், பூஜா மோகன்ராஜ், கோட்டயம் ரமேஷ் உள்பட பலரும் நடித்துள்ளனர். பிளாக் காமெடி த்ரில்லர் பாணியில் உருவாகியிருக்கும் இந்த படம் ஜீ5 ஓடிடி தளத்தில் வெளியாகியுள்ளது.

வேற மாறி ட்ரிப்

ஜஸ்வினி இயக்கத்தில் உருவாகி இருக்கும் வெப் தொடர் தான் வேற மாறி ட்ரிப். இந்த வெப் தொடரில் ரவீனா தாஹா, ஜெய்சீலன், விஜே பப்பு, சப்னா, ஷமிதா, விக்கல்ஸ் விக்ரம் ஆகியோர் நடித்து வெப்சீரிஸ் வேற மாறி ட்ரிப். டைட்டிலுக்கு ஏற்ப அட்வென்சர் கலந்த த்ரில்லர் கதைகளத்தில் உருவாகி இருக்கும் இந்த வெப் சீரிஸ் ஆஹா தமிழ் ஓடிடி தளத்தில் வெளியாகியுள்ளது.

சபர்மதி ரிப்போர்ட்

தீரஜ் சர்னா இயக்கத்தில் விக்ராந்த் மாஸ்ஸி முக்கிய வேடத்தில் நடித்திருக்கும் அரசியால் ட்ராமா பாணியில் உருவாகியிருக்கும் படம் சபர்மதி ரிப்போர்ட். 2002 குஜராத்தில் கோத்ரா ரயில் எரிப்பு சம்பவத்தை பின்னணியாக கொண்ட கதையம்சத்தில் உருவாகியிருக்கும் இந்த படம் சர்ச்சையை கிளப்பிய நிலையில், தற்போது ஜீ5 ஓடிடி தளத்தில் வெளியாகியுள்ளது.