Serial actor Senthil: ‘புரிதல்ல பிரச்சினை வந்துச்சு; ரொம்ப ரொம்ப மோசமா சண்டை போட்டு’ - சரவணன் மீனாட்சி செந்தில்!
Serial actor Senthil: எனக்கு புரிதலில் சில குழப்பங்கள் இருந்தன. அவளுக்கும் புரிதலில் சில குழப்பங்கள் இருந்தன. இது எல்லா காதல் திருமண வாழ்க்கையிலும் நடக்கக்கூடியதுதான். - சரவணன் மீனாட்சி செந்தில்
திரைப்படங்களில் நடிக்கும் நடிகர், நடிகைகளை விட சீரியலில் நடிக்கும் நடிகர், நடிகைகளுக்கே ஏகப்பட்ட ரசிகர்கள் இருக்கின்றனர். அந்த வகையில். ரசிகர்களின் மனதை கொள்ளை அடித்தவர்கள் ஸ்ரீஜா, செந்தில் ஜோடி.இவர்கள் இருவரும் கடந்த சில ஆண்டுகளுக்கு முன்பு ஒளிபரப்பாகி வந்த சரவணன் மீனாட்சி சீரியல் மூலம் பிரபலமானவர்கள். இது விஜய் டிவி வரலாற்றில் வெற்றிகரமான சீரியலாக மாறியது. இன்றும் பலரும் இந்த சிரீயலின் பாடலை ரசித்து கேட்டு வருகின்றனர்.
10ம் ஆண்டில் காலடி வைத்த ஜோடி
அந்த சீரியலில் நடித்து கொண்டே இருந்த போது செந்தில், ஸ்ரீஜா இடையே காதல் மலர்ந்த நிலையில், அவர்கள் இருவரும் கடந்த 2014 ஆம் ஆண்டு திருமணம் செய்து கொண்டனர். இவர்களுக்கு கிட்டத்தட்ட 8 ஆண்டுகளாக குழந்தை இல்லாமல் இருந்த நிலையில், கடந்த 2023ம் ஆண்டு தேவ் என்ற ஆண் குழந்தை பிறந்தது. இவர்கள் அண்மையில் தங்களுடைய 10 ஆண்டு திருமண நாளை கொண்டாடும் விதமாக, கலாட்டா சேனலுக்கு பேட்டி அளித்தனர்.
அதில் செந்தில் பேசும் போது, “ எனக்கு புரிதலில் சில குழப்பங்கள் இருந்தன. அவளுக்கும் புரிதலில் சில குழப்பங்கள் இருந்தன. இது எல்லா காதல் திருமண வாழ்க்கையிலும் நடக்கக்கூடியதுதான். கல்யாணத்திற்கு முன்னதாக எங்களுக்குள் நல்ல நட்பு இருந்தது. ஆனால், கல்யாணத்திற்கு பிறகு எங்களுக்கு இடையேயான புரிதலில் சின்ன குழப்பம் ஏற்பட்டது.