Samantha: சிக்குன்குன்யா பாதிப்பு.. தசை வலி தாங்க முடியல.. ஆனாலும் ஒர்க் அவுட் விட மாட்டேன் - சமந்தா மோட்டிவேஷன் விடியோ

இதையடுத்து சிட்டாடல் வெளியான காலகட்டத்தில் அந்த சீரிஸின் படப்பிடிப்பின்போது தனது மூளையதிர்ச்சி ஏற்பட்டதாக ரசிகர்களிடம் ஷாக் தகவலை வெளியிட்டார். இதுதொடர்பாக சிட்டாடல் புரொமோஷன் தொடர்பாக பிரபல ஊடகத்துக்கு அளித்த பேட்டியில், "சிட்டாடல் ஷுட்டிங்கின்போது எனக்கு மூளையதிர்ச்சி ஏற்பட்டது, அப்போது சிலரின் பெயர்களை மறந்துவிட்டேன். முற்றிலும் பிளாங்காக இருந்தேன். அதை பற்றி நான் யோசிக்கும்போது, ​​யாரும் என்னை மருத்துவமனைக்கு அழைத்துச் செல்லவில்லை. யாரும் என்னிடம் இதுபற்றி கேட்கவும் இல்லை"

மயோசிடிஸ் பாதிப்பில் இருந்து மீண்ட சமந்தா

கடந்த 2022ஆம் ஆண்டில், தனக்கு ஆட்டோ இம்யூன் நிலையான மயோசிடிஸ் இருப்பது கண்டறியப்பட்டதாக சமந்தா தெரிவித்தார். இந்த அறிய வகை நோய் பாதிப்பு பற்றி இந்தியா டுடே ஊடகத்துக்கு அளித்த பேட்டியில் பேசிய சமந்தா, “எனது கோளாறு பற்றி நான் பகிரங்கமாகச் சொல்ல வேண்டிய கட்டாயம் ஏற்பட்டது. அந்த நேரத்தில், நான் கதையின் நாயகியாக நடித்த படம் வெளியிடப்பட்டது. அப்போது நான் மிகவும் உடல்நிலை சரியில்லாமல் இருந்தேன். அதவொரு கடினமான காலகட்டமாக இருந்தது, நான் எந்த விஷயத்துக்கும் தயாராக இல்லாமல் இருந்தேன். என் உடல்நிலை பற்றி எல்லா வகையான ஊகங்களும் பரவி, தவறான தகவல்களும் பரவின

எனது படத்தை விளம்பரப்படுத்த வேண்டிய நிலை ஏற்பட்டது. இதற்காக ஒரு நேர்காணல் செய்ய ஒப்புக்கொண்டேன். நான் வழக்கமாக இல்லாமல் வித்தியாசமாக இருந்தது தெளிவாகத் தெரிந்தது. அதிக டோஸ் மருந்துகள் என்னை நிலையாக வைத்திருக்க உதவின. நான் கட்டாயப்படுத்தப்பட்டேன். இதனால் எனது நிலையை அறிவித்தேன்" என்றார்.

மயோசிடிஸ் நோய் பாதிப்பு காரணமாக சினிமாவில் இருந்து குட்டி பிரேக் எடுத்து கொண்ட சமந்தா, முழுவதுமாக குணமாக பின்னர் நடிப்புக்கு மீண்டும் கம்பேக் கொடுத்தார்.

சமந்தா படங்கள்

சமந்தாவின் கம்பேக்காக சிட்டாடல் வெப்சீரிஸ் கடந்த ஆண்டு நவம்பர் மாதம் அமேசான் ப்ரைம் ஓடிடி தளத்தில் வெளியானது. இந்தி தொடரான இது தமிழ், தெலுங்கு உள்பட பிற மொழிகளிலும் ஸ்டிரீமிங் ஆனது. பாலிவுட் நடிகர் வருண் தவான் ஜோடியாக சிட்டாடல் சீரிஸில் நடித்திருந்தார் சமந்தார்.

இதைத்தொடர்ந்து மா இண்டி பங்காரம் என்ற தெலுங்கு படத்தில் நடித்து வருவதுடன், ரக்த் பிரம்மந்த் என்ற வெப் சீரிஸிலும் நடித்து வருகிறார்.