Samantha: சென்னை பின்னணியில் உருவாகும் ஆங்கில படத்தில் நடிக்கும் சமந்தா

ஹாலிவுட் ஆக்‌ஷன் த்ரில்லர் வெப் சீரிஸான சிட்டடெல் இந்திய பதிப்பில் நடித்து வருகிறார் நடிகை சமந்தா. இதில் அவருக்கு ஜோடியாக பாலிவுட் நடிகர் வருண் தவான் நடிக்கிறார். பேமிலி மேன் வெப் சீரிஸை இயக்கிய ராஜ் டிகே இந்த தொடரை இயக்குகிறார்கள்.

இதேபோல் தெலுங்கு நடிகர் விஜய் தேவரகொண்டா ஜோடியாக இவர் நடித்துள்ள குஷி திரைப்படம் இறுதி கட்டத்தை எட்டியுள்ளது.

இதைத்தொடர்ந்து சென்னை ஸ்டோரி என்கிற பெயரில் உருவாகும் ஆங்கில படத்தில் அவர் நடிக்கவுள்ளார். சென்னையை சேர்ந்த பிரபல எழுத்தாளர் டைமெரி என். முராரி எழுதிய அரேஞ்மெண்ட் ஆஃப் லவ் என்ற நாவலை அடிப்படையாகக் கொண்டு இந்த படம் உருவாகிறது.

விவேக் கல்ரா என்பவர் பிரதான கதாபாத்திரத்தில் நடிக்க, வேல்ஸ் மொழி இயக்குநர் பிலிப் ஜான் இயக்குகிறார்.

படத்தின் நாயகன் தனது தாய் இறப்புக்கு பின்னர் பூர்வீகத்தை தேடி சென்னை நோக்கி பயணிப்பதும், பிரிந்து போன தந்தையை சமந்தாவின் தேடுவதும் தான் படத்தின் ஒன்லைன். படத்தின் சமந்தா பிரைவேட் டிடெக்டிவ் கதாபாத்திரத்தில் தோன்றவுள்ளார்.

ஆங்கில படமாக இருந்தாலும் பெரும்பாலான காட்சிகள் சென்னையிலும், சென்னை மண் சார்ந்த விஷயங்களையும் பின்புலமாக கொண்டிருக்கும் என கூறப்படுகிறது.

சிட்டடெல் தொடர் மூலம் சர்வதேச அளவில் பிரபலமாக மாறியிருக்கும் சமந்தா தற்போது தென்னிந்தியா, பாலிவுட் படங்களை தாண்டி ஆங்கில படத்திலும் தலை காட்ட உள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9