புது பையன் என்று நகையாடிய இளையராஜா.. வாயை பிளக்க வைத்த மணிரத்னம்.. பகல் நிலவில் பந்தாடிய சினிமா படை! - தியாகராஜன்!

உறுத்தலாக இருந்தது

அந்த படம் வெளியாகி, ஓரளவு நன்றாகவே ஓடியது; படத்திற்கு நல்ல விமர்சனங்களும் வந்தன. அந்தப் படத்தில் நடந்த மிக முக்கியமான சம்பவத்தை நான் இங்கு பகிர வேண்டும் என்று நினைக்கிறேன். அந்த காலத்தில் இளையராஜா ஒரு படத்தில் கமிட் ஆவதும், அவரது நேரத்தை நமக்கு கொடுப்பதும் மிக மிக கடினம்; இந்த நிலையில் நான் பகல் நிலவு படத்திற்கு அவரை கமிட் செய்ய சென்றபோது, என்ன.. புது பையனை அழைத்து வந்திருக்கிறீர்கள்.. இவன் எப்படி எடுப்பானோ என்று கேட்டார். ஆனாலும், நான் முயற்சி செய்கிறேன் என்று சொன்னார். அவர் எனக்கு அப்படி கேட்டது உறுத்தலாக இருந்தது. அவரை எப்படியாவது சமாதானம் செய்து நம்பிக்கையை கொண்டு வர வேண்டும் என்று நினைத்தேன்.

மிரண்ட ராஜா

இந்த நிலையில், மணிரத்னத்தின் அனுமதி வாங்கி, அவர் ஷூட் செய்த பாடல்களை லெனின் சாரை வைத்து எடிட் செய்து, ராஜா சாருக்கு காண்பிக்க வேண்டும் என்று அதற்கான வேலைகளைச் செய்தேன். மதிய வேளையில் அவர் சாப்பிட்டு வரும்பொழுது, அவர் பாடல்களை பார்ப்பதற்காக இரண்டு பாடல்களையும் பிரசாத் ஸ்டுடியோவில் லோட் செய்து ரெடியாக வைத்திருந்தேன்.

இளையராஜா வந்தார்; நான் விஷயத்தை சொன்னேன் அவர் உடனே எனக்கு நிறைய வேலைகள் இருக்கிறது என்று அதை தட்டிக் கழிக்க முயன்றார். இந்த நிலையில், கங்கை அமரன் சாரும் பாஸ்கர் சாரும் அதை கொஞ்சம் பார்த்து விடேன் என்று சொல்ல, அவர் பார்த்தார்; பாடல் ஓடிக் கொண்டிருக்கும் பொழுதே, வெளியே இசைக்குழுவில் பணிபுரிந்த அனைவரும் உள்ளே வந்து பாடலைப் பார்த்தார்கள்.

மீண்டும் பாடலை திருப்பி போடச் சொல்லிக்கேட்டார்கள்; ராஜா சார் பையன் மிகப் பிரமாதமாக எடுத்து இருக்கிறானே நல்ல டைரக்டர் போல இருக்கிறது என்று சொன்னார்.’ என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.