Cook With Comali: மணிமேகலைக்கு முதிர்ச்சி இல்லை... இப்படி கிழிப்பதற்கு இவர் தான் பொறுப்பு... ப்ரொடியூசர் பதில்
Cook With Comali: குக் வித் கோமாளி நிகழ்ச்சியில் மணிமேகலை மற்றும் பிரியங்காவிற்கு இடையே நடைபெற்று வரும் சண்டைக்கு காரணம் மணிமேகலை முதிர்ச்சி இல்லாமல் பேசியது தான் என்றும் பிரியங்கா மீதான தனிப்பட்ட தாக்குதல்களுக்கு மணிமேகலை பொறுப்பேற்க வேண்டும் என்றும் தயாரிப்பாளர் ரவீந்தர் கருத்து தெரிவித்துள்ளார்.
விஜய் டிவியின் பிரபல நிகழ்ச்சியான குக் வித் கோமாளியில் மணிமேகலை- பிரியங்கா இடையே ஏற்பட்ட சண்டை சோசியல் மீடியா வழியே வெடித்து பூதாகரமானது. இதையடுத்து, குக் வித் கோமாளி நிகழ்ச்சியில் கலந்து கொண்டவர்கள், திரை பிரபலங்கள் என பலரும் இந்த விவகாரம் குறித்து கருத்து தெரிவித்து வருகின்றனர். அந்த வகையில் தயாரிப்பாளர் ரவீந்தர் பேட்டி ஒன்றில் இவர்களது சண்டை குறித்து கருத்து தெரிவித்துள்ளார்.
மணிமேகலைக்கு தைரியம் இல்லை
குக் வித் கோமாளி நிகழ்ச்சியில் இனி நான் பங்கேற்க போவதில்லை. இந்நிகழ்ச்சியில் பங்கேற்ற பெண் தொகுப்பாளர் ஒருவர் அனைத்து இடங்களிலும் ஆதிக்கம் செலுத்துகிறார். அவர் குக்காக வந்தவர் என்பதை மறந்துவிட்டு அடிக்கடி தொகுப்பாளராகி என்னுடைய வேலையை செய்யவிடாமல் தடுக்கிறார் என பதிவிட்டுள்ளார். இவர் இப்படி பதிவிட்டது பிரியங்காவைத் தான் என்பது தெளிவாகவே அனைவருக்கும் தெரிகிறது. இந்த பதிவில் முன்னாள் ஆன்கர் என்று ஒரு வார்த்தையை பயன்படுத்தி பேசியிருக்கிறார். பிரியங்காவைத்தான் இப்படி சொல்கிறார் எனத் தெரிகிறது. இருந்தாலும் அதை ஏன் தைரியமாக சொல்லவில்லை எனக் கேள்வி எழுப்பியுள்ளார்.
பிரியங்கா தான் இப்படி செய்தார். இவரால் தான் வெளியேறினேன் என அவருடைய பெயரை குறிப்பிட்டிருக்க வேண்டும். அப்படி செய்தால், ஒரு தமிழ் பெண்ணிற்கு இப்படி நேர்ந்ததா என கேள்வி கேட்டிருக்கலாம். ஆனால் அங்கு என்ன நடந்தது என்றே யாருக்கும் தெரியாது. அனைவரும் அவர்களுடைய கருத்துகளை மட்டுமே சொல்கிறார்கள். யாரும் நேரடியான தகவல்களை கூறுவதில்லை என்றார்.