Aamir Khan: மகிழ்ச்சியான விவாகரத்து.. அமீர் கானுடனான பிரிவை என்ஜாய் செய்யும் கிரண் ராவ்
Aamir Khan: கிரண் ராவ் தனது முன்னாள் கணவர் அமீர் கானுடனான தனது நட்புறவை வெளிப்படையாக விவாதித்தார். பிரிந்தாலும், அவர்கள் நண்பர்களாகவே இருக்கிறார்கள்

Aamir Khan: பாலிவுட் நடிகர் அமீர் கான் மற்றும் கிரண் ராவ் விவாகரத்து செய்து மூன்று ஆண்டுகள் ஆகிறது. இருவரும் 16 வருட நீண்ட பயணத்திற்குப் பிறகு 2021 ஆம் ஆண்டில் தங்கள் திருமண உறவை முடிக்க முடிவு செய்தனர்.
விவாகரத்துக்குப் பிறகும், அவர்களுக்கு இடையே நிறைய நல்ல பிணைப்பு உள்ளது. இருவரும் அடிக்கடி குடும்பத்துடனும் மகனுடனும் நேரத்தை செலவிடுவதை பார்க்க முடிந்தது.
விவாகரத்துக்கு பிறகு மகிழ்ச்சி
சமீபத்தில் 'மிஸ்ஸிங் லேடீஸ்' படத்தில் அமீர் கான் மற்றும் கிரண் இணைந்து நடித்தனர். இந்த படம் நல்ல வரவேற்பை பெற்றது. இதற்கிடையில், அமீருடனான விவாகரத்து குறித்து கிரண் கூறியதைக் கேட்ட ரசிகர்கள் அதிர்ச்சி அடைந்தனர். விவாகரத்துக்குப் பிறகு மிகவும் மகிழ்ச்சியாக இருப்பதாக அவர் கூறினார். கிரண் ராவ் ஏன் இப்படி சொன்னார் தெரியுமா?
முழுமையான சுதந்திரம்
கிரண் ராவ் மேலும் கூறுகையில், " நான் திருமணம் செய்து கொள்ளாத போது நீண்ட காலமாக தனிமையில் இருந்தேன். திருமணத்திற்கு முன் என் வாழ்க்கையையும், சுதந்திரத்தையும் நான் முழுமையாக அனுபவித்தேன்.
மிகவும் மகிழ்ச்சியான விவாகரத்து
அப்போது நான் தனிமையாக உணர்ந்தேன், ஆனால் இப்போது இல்லை, ஏனென்றால் நான் என் மகன் ஆசாத்துடன் இருக்கிறேன். விவாகரத்துக்குப் பிறகு பெரும்பாலான மக்கள் தனிமையை உணர்கிறார்கள் என்று நான் நினைக்கிறேன், ஆனால் அமீர் கான் மற்றும் எனது குடும்பத்தினரிடமிருந்து எனக்கு முழு ஆதரவு கிடைத்ததால் நான் அதை ஒருபோதும் உணர்ந்ததில்லை. எனவே, உண்மையில், இது நல்ல விஷயங்கள். இது மிகவும் மகிழ்ச்சியான விவாகரத்து . " என்றார்.
எங்களுக்குள் இன்னும் காதல் உண்டு
கிரண் ராவ் மேலும் கூறுகையில், ” எங்களுக்கு பிரிந்து செல்ல ஒரே ஒரு தாள் ( விவாகரத்து பேப்பர் ) தேவைப்பட்டது. ஆனால் நாங்க: ஒருவருக்கொருவர் உண்மையிலேயே என்ன அர்த்தம் என்பதை அறிவோம். இன்றும் கூட, நிறைய அன்பு, நிறைய மரியாதை, நிறைய கடந்த காலம் உள்ளது, அதை நான் ஒருபோதும் இழக்க விரும்பவில்லை. அது அனைத்தும் அவ்வளவு அருமையான நினைவுகள் “ என்றார்.
20 ஆண்டுகளுக்கு முன்பு லகான் படப்பிடிப்பில் இருந்த போது கிரண் ராவை, அமீர் கான் சந்தித்தார். கிரண் ராவ் படத்தின் உதவி இயக்குனர்களில் ஒருவர். அமீர் கான் மற்றும் கிரண் ராவ் 2005 ஆம் ஆண்டு திருமணம் செய்து கொண்டனர். பின்னர் பல்வேறு காரணங்களால் 2021 ஆம் ஆண்டு இருவரும் பிரிந்து செல்வதாக அறிவித்தனர். விவாகரத்திற்கு பிறகு நட்பாக பழகி வரும் இவர்கள் ஒன்றாக படத்தில் கூட நடிக்கிறார்கள். கிரண் ராவை, அமீர் கான் தம்பதிக்கு ஒரு மகன் இருக்கிறார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9

டாபிக்ஸ்