நீண்ட நாள் காத்திருப்புக்கு முடிவு..தீபாவளி ஸ்பெஷலாக ஓடிடியில் வெளியாகும் அந்தகன்! வேறு எந்த படங்கள் ரிலீஸ்

அந்தகன் படம்

அந்தகன் ஒரிஜினல் பதிப்பான அந்தாதூன் படத்தில் தபு, ஆயுஷ்மான் குர்ரானா, ராதிகா ஆப்தே பிரதான கதாபாத்திரங்களில் நடித்திருப்பார்கள். ரசிகர்கள் மத்தியில் நல்ல வரவேற்பை பெற்று பாக்ஸ் ஆபிஸில் வசூலை குவித்த அந்தாதூன் தேசிய விருதையும் வென்றது.

இந்த படம் தெலுங்கு, மலையாளம் ஆகிய மொழிகளிலும் ரீமேக் செய்யப்பட்ட நிலையில், தமிழில் பிரசாந்த், சிம்ரன், பிரியா ஆனந்த் பிரதான கதாபாத்திரங்களில் நடிக்க, பிரசாந்தின் தந்தை தியாகராஜன் இயக்கத்தில் உருவாகியிருந்தது. படத்துக்கு பிரபல எழுத்தாளர் பட்டுக்கோட்டை பிராபகர் வசனம் எழுதியிருப்பார். ரூ. 10 கோடி பட்ஜெட்டில் உருவாகியிருந்த இந்த படம் ரூ. 15 கோடிக்கு மேல் பாக்ஸ் ஆபிஸில் வசூலித்திருப்பதாக கூறப்படுகிறது.

அந்தகன் கதைக்கரு

பியானோ காதலரான க்ருஷ் ( பிரசாந்த்) மக்களின் அங்கீகாரத்தை பெறவும், பணம் சம்பாதிக்கவும், தான் ஒரு பார்வையற்ற இசைக்கலைஞர் சிம்பதியை உருவாக்கி, ஊரை ஏமாற்றிக் கொண்டு இருக்கிறான். ஒரு நாள் அவரின் திறமையை பார்த்த நடிகர் கார்த்திக், அவரை தன்னுடைய திருமண நாளன்று, தன் மனைவியான சிமியை சர்ப்ரைஸ் செய்ய வீட்டிற்கு வரச் சொல்கிறார். அதன் படி கிரிஷ்ஷூம் அங்கு செல்கிறான்.

கள்ள உறவில் கார்த்திக் மனைவி

ஆனால், அங்கு கள்ள உறவில் இருக்கும் சிமி, கார்த்திக்கை கொன்று விட்டு, இன்னொருவருடன் உல்லாசமாக இருக்கிறாள். இதனை க்ருஷ் பார்த்து விடுகிறான். க்ருஷ் பார்வை இல்லாதவன் தானே என்று அலட்சியமாக விட்டு விடும் சிமிக்கு ஒரு கட்டத்தில் அவனுக்கு பார்வை இருப்பது தெரிய வருகிறது. இதனையடுத்து என்ன நடந்தது என்பது மீதிக்கதை.

ரீமேக் மேக்கிங் எப்படி?

அந்தகன் படத்தின் மிகப்பெரிய பலமே கதாபாத்திர தேர்வு தான். படத்தில் வரும் கதாபாத்திரங்களுக்கு, மிகச் சரியான நடிகர்களை தேர்வு நடிக்க வைத்திருந்தது கதையோடு நம்மை இயல்பாக ஒன்ற செய்திருந்தது. கதையின் மிகப்பெரிய பலவீனம் இசை...ஒரு மியூசிக் த்ரில்லர் படத்தின் இசைக்கு உரித்தான ஒரு சுவடு கூட படத்தில் தெரியவில்லை. படத்தின் மோசமான பின்னணி இசையும், பல இடங்களில் இசை இல்லாததும், படத்தின் சுமாரான திரைக்கதையை இன்னும் சுமாரக்கி விட்டது. கேமராவும் சுமார்தான்.

திரைக்கதையில் சுவாரசியம் கொடுக்க வேண்டும் என்று மெனக்கெட்ட தியாகராஜன், அந்த இடத்தில் கோட்டை விட்டது படத்தின் பெரிய ஓட்டையாக மாறிவிட்டது. திரைக்கதையிலும், இசையிலும் இன்னும் சுவாரசியத்தை கூட்டி, திரில்லரை கடத்தி இருந்தால், டாப் ஸ்டார் மீண்டு இருப்பார் வேற லெவலுக்கு ஏறியிருப்பார். தற்போதைக்கு இந்த படம் பிரசாந்தின் கம்பேக் படமாக மட்டுமே உள்ளது.

தீபாவளிக்கு ஓடிடியில் வெளியாகும் படங்கள்

கடந்த மாதம் வெளியாகி வசூலில் பட்டைய கிளப்பிய லப்பர் பந்து படம் தீபாவளி ரிலீசாக டிஸ்னி ப்ளஸ் ஹாட்ஸ்டாரில் வெளியாக இருக்கிறது. அதேபோல் ஆகஸ்ட் மாதம் வெளியான மற்றொரு படமான சீயான் விக்ரம் நடித்திருக்கும் தங்கலான் படமும் தீபாவளியை முன்னிட்டு நெட்பிளிக்ஸ் தளத்தில் வெளியாகிறது.