சுந்தரி சீரியல் நடிகையுடன் லிங்க்.. மெத்தபெட்டமைன் விவகாரத்தில் கொத்தாக சிக்கிய கும்பல்!

சினிமா நடிகர்களுக்கு சப்ளை

டெடி உள்ளிட்ட சில படங்களில் நடித்துள்ள இவர், சீரியல் மற்றும் சினிமா நடிகர்களுக்கும், ஐ.டி ஊழியர்களுக்கும் போதைப் பொருள் விற்பனை செய்து வந்தது விசாரணையில் தெரிந்தது.

இதையடுத்து, இவரிடமிருந்து மெத்தபெட்டமைன் எனும் போதைப் பொருளை கைப்பற்றி, அவருடன் தொடர்பில் உள்ளவர்கள் குறித்தும் இவருக்கு போதைப் பொருள் எங்கிருந்து விநியோகம் செய்யப்படுகிறது என்பது குறித்தும் போலீசார் விசாரணை நடத்தி வருகின்றனர்.

மெத்தபெட்டமைன் விற்பனை

முன்னதாக சென்னை ராயப்பேட்டை பகுதியில் இயங்கி வரும் மால் அருகே எஸ்தர் மெத்தபெட்டமைன் போதைப் பொருளை விற்பனை செய்து வருவதாக போதைப் பொருள் தடுப்பு நுண்ணறிவு பிரிவினருக்கு தகவல் கிடைத்தது. இதையடுத்து அங்கு விரைந்து வந்த போலீசார் போதை பொருள் வாங்குவது போல் பேசி, அவரிடம் இருந்த 5 கிராம் மெத்தபெட்டமைன் போதைப் பொருளை பறிமுதல் செய்து அவரையும் கைது செய்தனர்.

இதைத் தொடர்ந்து நடத்தப்பட்ட விசாரணையில், இவர்,போதை பொருள்கள் விற்பதை வழக்கமாக கொண்டுள்ளாராம். டிவி சீரியல்கள் மட்டுமல்லாமல் சினிமாக்களிலும் நடித்து வரும் இவர், சினிமா நடிகர்கள் பலருக்கு மெத்தபெட்டமைன் போதை பொருளை சப்ளை செய்தது தெரிய வந்துள்ளது.

கொத்தாக சிக்கிய கும்பல்

ஒருவரிடத்திலிருந்து போதை பொருளை வாங்கி இன்னொருவரிடத்தில் அதிக விலைக்கு அவர் விற்று வந்ததாகவும், போதைப் பொருள் விற்பனையில், தனக்கு சிலர் உதவியதாகவும் கூறியுள்ளார். இதன் அடிப்படையில் சென்னை துரைப்பாக்கத்தில் ஐ.டி. ஊழியர்களுக்கு போதைப்பொருள் சப்ளை செய்த 4 பேரை தனிப்படை போலீசார் கைது செய்துள்ளனர்.

இதையடுத்து அவர்களிடமும் போதைப் பொருள் விநியோகம் குறித்து தொடர் விசாரணை நடத்தி வருகின்றனர். போதைப் பொருள் விற்பனை செய்த ஒருவர் சிக்கிய நிலையில், அவர் தொடர்புடைய நபர்களை சங்கிலித் தொடர் போல் போலீசார் வலைவீசி தேடி வருகின்ரனர்.

விசாரணை வளையத்தில் சினிமா நடிகர்கள்

தமிழ்நாட்டில் மெத்தபெட்டமைன் எப்படி கிடைத்தது? யாரிடம் வாங்குகிறார்கள்? மற்றும் போதை பொருளை யாருக்கெல்லாம் சப்ளை செய்துள்ளனர் என்பது குறித்து போலீசார் தீவிரமாக விசாரித்து வரும் நிலையில், எஸ்தரிடம் பெறப்படும் வாக்குமூலத்தின் அடிப்படையில் ஏராளமான நடிகர், நடிகைகள் மற்றும் பிரபலங்கள் சிக்குவார்கள் என போலீசார் தரப்பில் தெரிவிக்கப்பட்டுள்ளது. இதனால், பெங்களூருவில் போதைப் பொருள் பயன்படுத்திய நடிகர்கள் சிக்கியது போல், தமிழ்நாட்டிலும் சிக்குவார்களா என்ற கேள்வியும் எழுந்துள்ளது.

மெத்தபெட்டமைன் போதை பொருள்

தமிழ்நாட்டில் கஞ்சா, ஹெராயின் போன்ற பல்வேறு போதை பொருள்களின் புழக்கம் அதிகமாகவே இருந்து வரும் நிலையில், போலீசார் அவ்வப்போது குற்றவாளிகளை கைது செய்யும் நடவடிக்கையிலும் ஈடுபட்டு வருகிறார்கள். அத்துடன் போதை பொருள்கள் பெருகுவதை தடுக்கும் நடவடிக்கைகளில் தீவிரமாக ஈடுபட்டு வருகிறார்கள்.

போதை பொருள்களில் அதிக போதை தருவதாக கூறப்படும் மெத்தபெட்டமைன் இளைஞர்கள் மத்தியில் பிரபலமாகி வருகிறது. இந்த மெத்தபெட்டமைன் எனும் போதை பொருளை தயாரிக்க சூடோபெட்ரின் (Pseudoephedrine) எனும் வேதி பொருள் உதவுகிறது. இதையடுத்து அளவுக்கு அதிக போதை தரும் பொருளாக கருதப்படும் மெத்தபெட்டமைனுடன் நடிகை ஒருவர் கைது செய்யப்பட்டிருப்பது பரபரப்பை ஏற்படுத்தியுள்ளது.