Silambarasan: ‘THE MOST WANTED STUDENT’.. ஆஸ்கர் அகாடமி நூலக அங்கீகாரம் பெற்ற டைரக்டருடன் இணையும் சிம்பு - விபரம் உள்ளே

தற்போது மணிரத்னம் இயக்கி வரும் ‘தக் லைஃப்’ ஷூட்டிங்கில் நடித்து வரும் சிலம்பரசன் இன்று தன்னுடைய 42 வது பிறந்தநாளை கொண்டாடுகிறார். முன்னதாக பிறந்தநாளை முன்னிட்டு தன்னுடைய அடுத்த மூன்று படங்களின் அப்டேட் வெளியாகும் என்று அவர் தன்னுடைய எக்ஸ் தளத்தில் அறிவித்திருந்தார். அதன் படி அவரின் 49 வது படத்தின் அப்டேட் வெளியாகி இருக்கிறது.

சிலம்பரசன் 49

இந்த அப்டேட்டில், சிலம்பரசனின் 49 வது படத்தை ‘பார்க்கிங்’ படத்தை இயக்கிய ராம்குமார் பாலகிருஷ்ணன் இயக்க இருப்பதாக அதிகாரப்பூர்வமாக அறிவிக்கப்பட்டு இருக்கிறது. இந்தப்படத்தை டான் பிக்சர்ஸ் நிறுவனம் தயாரிக்க இருக்கிறது.

கடந்த ஆண்டு வெளியான ‘பார்க்கிங்’ படத்தை ராம்குமார் பாலகிருஷ்ணன் இயக்கி இருந்தார். இந்தப்படத்தில், ஹரிஷ் கல்யாண், இந்துஜா, எம்.எஸ்.பாஸ்கர், ராம ராஜேந்திரா, இளவரசு உள்ளிட்ட பலர் நடித்திருந்தனர்.

இரு வீட்டாருக்கு இடையே நடக்கும் ‘பார்க்கிங்’ பிரச்சினையை மையமாக வைத்து எடுக்கப்பட்டிருந்த இந்தப்படம் அதன் சுவாரஸ்யமான திரைக்கதையால் மிகப்பெரிய வெற்றியைப்பெற்றது. இந்தப்படத்தின் திரைக்கதையை அங்கீகரிக்கும் விதமாக ஆஸ்கர் அகாடமி ‘பார்க்கிங்’ திரைக்கதையை தன்னுடைய நூலகத்தில் வைக்க கேட்டது. இது தொடர்பான அறிவிப்பை ராம்குமார் தன்னுடைய எக்ஸ் தளத்தில் வெளியிட்டு இருந்தார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.