Parithabangal: லட்டு விவகாரம்.. கலாய்த்து ரிலீஸான சர்ச்சை வீடியோ.. செலிட் செய்த பரிதாபங்கள் சேனல்

இந்துக்களின் மதநம்பிக்கையை புண்படுத்தும் விதமாக நடந்திருக்கும் இந்த நிகழ்வு தொடர்பாக விசாரணை நடத்த சிறப்பு விசாரணைக் குழுவை ஆந்திர மாநில அரசு நியமித்துள்ளது.

11 நாள்கள் விரதம்

இந்த விவகாரத்தில், கடந்த ஜெகன் மோகன் ஆட்சிக்கு கண்டனம் தெரிவித்தும், திருப்பதி வெங்கடேசப் பெருமாளிடம் மன்னிப்புக்கோரும் விதமாகவும், ஆந்திர துணை முதலமைச்சர் பவன் கல்யாண் 11 நாள்கள் விரதத்தைத் தொடங்கியுள்ளார்.

அதேபோல் திருப்பதி லட்டு விவகாரத்தில் கோயில் புனிதம் கெட்டுவிட்டதால், அதற்குப் பரிகாரமாக 3 நாட்கள் சிறப்பு யாகங்களையும் திருப்பதி தேவஸ்தானம் நிர்வாகம் செய்தது.

இதனிடையே ட்ரெண்டிங் விவகாரங்களை வீடியோவாக செய்து வெளியீடும் யூடியூப் சேனல்கள் ஏகப்பட்டவை இருக்கிறது. அதில் முதல் நபராக நகைச்சுவையாக வீடியோ வெளியீட்டு தங்கள் சேனல்களுக்கு சென்று தனி ரசிகர்களை உருவாக்கி, யூடியூப்பில் கொடி கட்டிப் பறந்து வருவது தான், பரிதாபங்கள்.

இதனிடையே திருப்பதி லட்டு விவகாரத்தை கலாய்க்கும் விதமாக, ’லட்டு பாவங்கள் ‘ என்ற பெயரில் சமீபத்திய எபிசோடை பரிதாபங்கள் சேனல் வெளியிட்டது. வழக்கத்தை விட இந்த வீடியோ வெளியான சில மணி நேரத்தில் லட்சம் நபர்கள் மேல் பார்த்தனர்.

சைவ உணவு

அதில், அவர்கள் சைவ உணவு உண்பவர்கள், இந்துக்கள் ஏமாற்றப்படுவதை கேலி செய்வது, பிராமணர்களை கேலி செய்வது மற்றும் ஆந்திர துணை முதலமைச்சர் பவன் கல்யாண் 11 நாள் பரிகாரம் செய்வதை கலாய்த்து உள்ளனர்.

திருப்பதி கோயில் கோபுரத்தைக் காட்டும் பின்னணியில் ஒரு தட்டில் லட்டுகளை வைத்திருப்பதையும் சேர்த்து உள்ளனர். இதற்கு பலரும் எதிர்ப்பு தெரிவித்த நிலையில் பரிதாபங்கள் சேனல் தற்போது அந்த வீடியோவை நீக்கி உள்ளது. மேலும் அதற்கு மன்னிப்பு தெரிவித்து பதிவும் வெளியீட்டு உள்ளார்கள்.

காணொலி நீக்கம் 

இது குறித்து பரிதாபங்கள் சேனல் வெளியீட்டு இருக்கும் பதிவில், " கடைசியாக பரிதாபங்கள் சேனலில் வெளிவந்த வீடியோ முழுக்க நகைச்சுவைக்காக உருவாக்கப்பட்டது. யார் மனதையும் புண்படுத்தும் நோக்கில் உருவாக்கப்படவில்லை அதையும் மீறி சிலர் மனம் புண்பட்டிருப்பதால் அதற்கு வருத்தம் தெரிவித்து சம்பந்தப்பட்ட காணொலியை நீக்கி உள்ளோம் இது போல் வருங்காலங்களில் நடைபெறாது என்பதையும் தெரிவித்துக் கொள்கின்றோம்" என குறிப்பிடப்பட்டு உள்ளது. 

உணர்ச்சிபூர்வமான டாபிக்

சமீபத்தில் லட்டு விவகாரம் தொடர்பாக கார்த்தி, "லட்டு குறித்து இப்போது பேசக்கூடாது. அது உணர்ச்சிபூர்வமான டாப்பிக்காக தற்போது உள்ளது. லட்டு வேண்டாம்" என்றார். கார்த்தி பேசிய விடியோ டோலிவுட்டில் வைரலான நிவையில், " லட்டு பற்றி பலருக்கு சிரிப்பாக உள்ளது. ஒரு சினிமா நிகழ்ச்சியில் கூட லட்டு உணர்ச்சிபூர்வமான டாபிக் என ஹீரோ சொல்வதை பார்த்தேன்.

ஒருபோதும் யாரும் அப்படி பேச வேண்டாம். நான் அந்த ஹீரோவை ஒரு நல்ல நடிகராக மதிக்கிறேன். சனாதன தர்மத்தை பற்றி பொது இடத்தில் பேசுவதற்கு முன் ஒரு முறைக்கு நூறு முறையாவது சிந்திக்க வேண்டும்" என்று பவன் கல்யாண் காட்டமாக பேசினார்.

கார்த்தி மன்னிப்பு

இந்த விஷயம் சர்ச்சையாகியிருப்பதை உணர்ந்த நடிகர் கார்த்தி, தனது எக்ஸ் பக்கத்தில் வருத்தம் தெரிவித்தார்.