L2 - Empuran : மாஸ் லுக்கில் மோகன்லால்.. ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து!
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  L2 - Empuran : மாஸ் லுக்கில் மோகன்லால்.. ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து!

L2 - Empuran : மாஸ் லுக்கில் மோகன்லால்.. ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து!

Divya Sekar HT Tamil Published May 21, 2024 11:39 AM IST
Divya Sekar HT Tamil
Published May 21, 2024 11:39 AM IST

Mohanlal Birthday : நடிகர் மோகன்லாலின் பிறந்தநாளை முன்னிட்டு பிருத்திவிராஜ் இயக்கத்தில் அவர் நடிக்கும் ‘L2 - எம்புரான்’ படத்தின் புதிய போஸ்டரை படக்குழு வெளியிட்டு வாழ்த்து தெரிவித்துள்ளது.

மாஸ் லுக்கில் மோகன்லால்.. ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து
மாஸ் லுக்கில் மோகன்லால்.. ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து
Share on Whatsappஎங்களை பின் தொடரலாம்
  • Share on Twitter
  • Share on Facebook

கடந்த 2019ஆம் ஆண்டு மலையாள நடிகர் பிருத்விராஜ் மற்றும் மலையாள சூப்பர் ஸ்டார் மோகன்லால் நடிப்பில் வெளிவந்த லூசிஃபர் படம் பிரமாண்ட வெற்றி பெற்றது. இப்படம் ரூ. 200 கோடி வசூல் செய்து சாதனை படைத்தது. இந்நிலையில் இதன் இரண்டாம் பாகம் எப்போது வரும் ரசிகர்கள் ஆவலோடு காத்திருந்தனர். இந்த நிலையில் லூசிஃபர் படத்தின் இரண்டாம் பாகத்திற்கு 'L2 எம்புரான்’ என டைட்டில் வைக்கப்பட்டிருந்தது.

L2 - எம்புரான்’ படத்தின் புதிய போஸ்டர்

பிருத்விராஜ் சுகுமாறன் இயக்கத்தில் உருவாகி இருக்கும் எம்புரான்' படத்தை லைக்கா புரொடக்ஷன்ஸ் சுபாஷ்கரன் மற்றும் ஆசீர்வாத் சினிமாஸ் ஆண்டனி பெரும்பாவூர் ஆகியோர் இணைந்து தயாரித்துள்ளனர்.

இந்த பாகத்திலும் மோகன்லால் நடித்துள்ளார். மிகப்பெரிய பொருட்செலவில் பிரம்மாண்டமாக படம் உருவாகியுள்ளதாகவும் படம் ரிலீசாகி தென்னிந்தியாவில் மிகப்பெரிய தாக்கத்தை ஏற்படுத்தும் என்றும் படத்தின் தயாரிப்பு குழு தெரிவித்துள்ளது. லூசிஃபர் 2 படத்தின் ஃபர்ஸ்ட் லுக் கடந்த ஆண்டு வெளியானது. இந்த ஃபர்ஸ்ட் லுக் இணையத்தில் வைரலாக பரவியது.

இந்நிலையில் இன்று மோகன்லால் தனது 64வது பிறந்த நாளை கொண்டாடுகிறார். இவரின் பிறந்தநாளை முன்னிட்டு பிருத்திவிராஜ் இயக்கத்தில் அவர் நடிக்கும் ‘L2 - எம்புரான்’ படத்தின் புதிய போஸ்டரை வெளியிட்டு படக்குழு வாழ்த்து தெரிவித்துள்ளது.

மலையாள சூப்பர் ஸ்டார் பிறந்தநாள்

மலையாள சினிமாவில் இன்று வரை உச்ச நட்சத்திரங்களில் ஒருவராகத் திகழ்கிறார் நடிகர் மோகன்லால். திரையுலகில் 40 ஆண்டுகளை கடந்தாலும் புதிய இயக்குநர்களுடன் கைகோர்த்து தன்னைக் காலத்துக்கேற்ப மாற்றி அமைத்துக் கொண்டு வருகிறார். மலையாள சூப்பர் ஸ்டார் மற்றும் நடிப்பு நாயகன் மோகன்லால் இன்று (மே 21) தனது 64வது பிறந்த நாளை கொண்டாடுகிறார்.

மோகன்லால் நடித்த எந்த படத்தை பார்த்தாலும் அவர் அந்த கதாபாத்திரமாகவே வாழ்ந்திருப்பதாகத்தான் தோன்றும். அந்த அளவுக்கு உணர்வு பூர்வமான நடிப்பை வழங்கி இருப்பார். 1989-ல் லோகிததாஸ் எழுதி சிபி மலையில் இயக்கத்தில் வெளியான 'கிரீடம்' மோகன்லாலின் திரைவாழ்க்கையில் மட்டுமல்லாமல் மலையாள சினிமா வரலாற்றிலும் முக்கியமான திரைப்படங்களில் ஒன்றாக அமைந்தது. இந்தப் படத்தில் நடித்ததற்காக நடிப்புக்கான சிறப்புப் பாராட்டு தேசிய விருது கிடைத்தது. இதுவே மோகன்லால் பெற்ற முதல் தேசிய விருதாகும்.

பல வெற்றிப்படங்களை கொடுத்த மோகன்லால்

தொடர்ந்து பல வெற்றிப்படங்களை கொடுத்த மோகன்லால் பரதன், வானப்பிரஸ்தம் ஆகிய படங்களுக்காக சிறந்த நடிகருக்கான தேசிய விருதைப் பெற்றார். இதில் 'வானப்பிரஸ்தம்' சிறந்த திரைப்படத்துக்கான தேசிய விருதையும் பெற்றது.

மோகன்லாலின் நடிப்பு எல்லை மலையாள சினிமாவை தாண்டி தமிழ் ரசிகர்கள் மத்தியிலும் பிரதிபலித்தது. தமிழில் முன்னணி நடிகர்களுடன் இணைந்து 'இருவர்', 'சிறைச்சாலை', 'ஜில்லா', 'உன்னைப் போல் ஒருவன்', 'காப்பான்' உள்ளிட்ட படங்களிலும் நடித்துள்ளார். அனைத்து படங்களிலும் தன்னுடைய முழு பங்களிப்பை கொடுத்திருப்பார்.

குறிப்பாக ‘இருவர்’ படத்தில் தமிழ் சினிமாவில் உச்ச நட்சத்திரமாகவும், ஏழைகளின் விடிவெள்ளியாகவும், அரசியலில் தோல்வியே அடையாத முதல்வராகவும் கொடிகட்டிப் பறந்த எம்ஜிஆரை அடிப்படையாகக் கொண்டு உருவாகப்பட்ட ஆனந்தன் கதாபாத்திரத்தில் அவ்வளவு சிறப்பாகவும் உயிர்ப்புடனும் நிகழ்த்திக் காட்டினார் என்றால் அது மிகையாகாது. தெலுங்கு, கன்னடம். இந்தி மொழிப் படங்களிலும் நடித்து வருகிறார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன: