ஆனந்தி வீட்டில் விளையாடிய ஜோசியர்.. வாந்தி எடுத்து ஷாக் கொடுக்கும் ஆனந்தி.. என்ன தான் நடக்கிறது? சிங்கப்பெண்ணே சீரியல்

அதிர்ச்சி தந்த ஜோசியர்

இதையடுத்து, ஆனந்தியின் அப்பா வீட்டிற்கு ஜோசியரை வரவைத்த ஜாதகம் பார்த்தனர். அப்போது, அந்த ஜோசியர், கூட பிறந்தவங்களால கோகிலா கல்யாணத்தில் அசம்பாவிதம் நடந்தது. இப்போது மறுபடியும் நடக்கும் என சொல்லி அதிர்ச்சி அளிக்கிறார். இதனால், ஆனந்தி வீட்டில் எல்லோரும் செய்வது அறியாது தவிக்கின்றனர்.

பதற்றமான அன்பு

இது ஒருபுறம் இருக்க, அன்பு தங்கை ஆனந்தியுடன் செல்ல வேண்டும் எனக் கூறியதற்கு, அன்பு மறுப்பு தெரிவிக்கிறார். இதனால், அவர் ஆனந்தியின் உதவியை நாடி,அன்புவை சம்மதிக்க வைக்கிறார். இதனால் அன்பு ஏதாவது பிரச்சனை வருமோ என யோசிக்கும் சமயத்தில் ஆனந்தி திடீரென வாந்தி எடுக்கிறாள். இதனால், அன்புவிற்கு பதற்றம் அதிகரித்தது.

ஆனந்தி வாந்தி எடுத்ததற்கான காரணம் என்ன? ஜோசியர் சொன்ன அசம்பாவிதம் இதுதானா? ஆனந்தி கர்ப்பமாக இருக்கிறாரா? என்ற சந்தேகத்துடன் இன்றைய சீரியலுக்கான ப்ரோமோவை வெளியிட்டுள்ளனர்.

அடுத்த ஆட்டத்திற்கு தயாரான மித்ரா

இதற்கு முன்னதாக, மித்ராவும் மகேஷின் அம்மாவும் மீண்டும் மகேஷ்- ஆனந்திக்கு எதிராக திட்டம் தீட்ட தொடங்கினர். இதுவரை நடந்த விஷயங்களை வைத்து பார்த்தால் மகேஷ் நம்மை நம்ப மாட்டார் என மித்ரா கூறுகிறார். ஆனால், அவரது அம்மா அதற்காகவும் திட்டம் தீட்டியுள்ளார். அதை மித்ராவிடம் விவரமாக கூறுகிறார்.

இந்த ப்ரோமோவால் சிங்கப்பெண்ணே சீரியலில் அடுத்து என்ன நடக்கும் என்ற பரபரப்பு அதிகரித்துள்ளது.

ஆனந்தி- அன்புவை தடுத்து நிறுத்தும் கருணா

சிங்கப்பெண்ணே சீரியலில் இன்றைய நாளுக்கான புரோமோவில் அன்புவும் ஆனந்தியும், தங்களது பழைய கார்மென்ட்ஸ் அலுவலகத்துக்கு வந்துள்ளனர். அப்போது அவர்களைப் பார்த்து ஷாக் ஆகிறார், மேல் அதிகாரி கருணாகரன். மேலும், ’உங்களைக் கழுத்தைப் பிடித்து வெளியில் தள்ளிவிடுவேன்’ என்றும்; ’அப்போது தான் நீங்கள் வெளியில் போவீர்கள்’ எனச் சொல்கிறார்.

உடனே, அன்பு, ‘என்ன சார் நேற்று வாங்கியது மறந்துபோயிடுச்சா’ எனக் கேட்கிறார். அந்த வார்த்தையைக் கேட்டதும் அருகில் இருக்கும் சகப்பணியாளர்கள் சிரிக்கின்றனர். மேலும் கருணாகரன் கையில் கட்டு போடப்பட்டு இருப்பது வெளியில் நன்கு தெரிகிறது.

குடுகுடுப்பைக்காரனால் வருத்தம்

மறுபுறம் கிராமத்தில் ஆனந்தியின் தந்தை 48 நாளுக்குள் நல்லது நடக்கவில்லை என்றால் பெரிய அவமானம் வரும் என்று குடுகுடுப்பைக்காரன் சொல்லிவிட்டுப்போனதை தனது மனைவியிடம் வேதனையுடன் சொல்கிறார்.

கருணாகரனை அசிங்கப்படுத்திய மகேஷ்

அடுத்து கட் செய்து ஆபிஸுக்கு வந்தால், கருணாகரன், அன்பு, முதலாளி மகேஷ், ஆனந்தி என அனைவரும் ஒன்றாக நின்றுகொண்டு இருக்கின்றனர். அப்போது மேல் அதிகாரி கருணாகரன், ‘அன்பும் ஆனந்தியும் இங்கு இருந்தால் நான் இங்கு இருக்கமாட்டேன்’எனச் சொல்கிறார், முதலாளி மகேஷிடம்.

 உடனே, முதலாளி மகேஷ், ‘அப்படியென்றால் வேலையைவிட்டுப் போகலாம்’என்கிறார். இது கருணாகரனுக்கு மட்டுமல்ல, மித்ராவுக்கும் அதிர்ச்சியைத் தருகிறது. இத்தகைய சூழலில் அன்பு மற்றும் ஆனந்தியின் காதலுக்கு மகேஷ் உதவுவாரா அல்லது பழிவாங்குவாரா என்ற எதிர்பார்ப்புகளை ஏற்படுத்தியது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.